Corolla 2000

[moustafamoussa]

عايز اعرف سعر الكورولا موديل 2000
عاملة138000KM
automatic .





-

[moustafamoussa]

اية يا جماعة ... مفيش حد !!

[moustafamoussa]

????

[S O P H O S]

معلش يا باشا علي التأخير
بس مفيش صور للعربية او حالة مشابه
ولا نعرف حالة الدهان ايه برا او جوا وحالة الماتور والفتيس ايه
فالناس مش هتقيم علي معلومات قليلة والسعر المطلوب كام
حاول حضرتك تقرب الصورة اكتر للاعضاء
وان شاء الله موفق
تحياتي ..

[moustafamoussa]

شكرا يا باشا عالاستجابة :)
عموما ...هي مخبوطة من عند الفانوس الامامي و وش الكابوت ..بس مش ماثرة عالصدر ...
و مخبوطة من عند الفنوس الخلفي (تحت الفانوس بالضبط) ..و ماثرة عالشنطة و مش بتقفل مع العلم ان الفانوس مافيهوش حاجة ولا الشنطة
الماتور حاسس ان سحبة ضعيف : مش عارف عشان هي 1300 و اوتوماتيك (طبيعي يعني) ولا هي فيها عيب

[S O P H O S]

المهم حالة الماتور والفتيس ايه ؟
مش مهم الفانوس ورشه جوا ولا لا
وطالب فالعربية ايه ..؟

[moustafamoussa]

انا وديتها التوكيل ... فتح الفتحة بتاعة الزيت و قالي دي هتغير شمبر بعد 100كم
والفتيش كويس
و مطلوب فيها 52000

[S O P H O S]

انا وديتها التوكيل ... فتح الفتحة بتاعة الزيت و قالي دي هتغير شمبر بعد 100كم
والفتيش كويس
و مطلوب فيها 52000

ما هو علشان كده السحب لازم يكون ضعيف الي حدا ما
والاهم ان الشميزات متكونش فيها عتب كتير علشان العملية متفتحش معاك
عموما انا شايف السعر عالي من وجهة نظري علي الاقل
حضرتك انا معرفش ممكن تتقبل المانيوال ام لا لكن لو تتقبل ممكن تزود افضل من العربية دي
وتجيب كورولا 2002 وممكن ياريس كمان
(والله اعلم)
وفالنهاية القرار لحضرتك وشوف راي الاخوة بردوا
واتمني التوفيق ليك ..

[moustafamoussa]

شكرا يا باشا علي التعاون بس ممكن تقولي هي تخلص علي كام ؟

[S O P H O S]

طبعا انا مش هقدر احدد بالتحديد علشان مقولش شئ يضر حد
لكن علي الوصف اقول 45 الف مع ملاحظة ( وجود قلق من المحرك الي مشفتهوش )
والله اعلم ...

[moustafamoussa]

اشكرك يا كبير ... انا برضة بقول نفس السعر .. بس المشكلة ان الاسعار علي كونتاكت كارز هي اللي مضللة ..

[S O P H O S]

يا باشا الاسعار دي تبقي اعلي من الطبيعي طبعا
لانه عارف انك هتخش تتكلم فأقل خمسة مثلا
ويبقي هو كده وصل للسعر الي هو عاوزه من الاساس وبدون ما المشتري يحس بكده ..

[moustafamoussa]

يا باشا الاسعار دي تبقي اعلي من الطبيعي طبعا
لانه عارف انك هتخش تتكلم فأقل خمسة مثلا
ويبقي هو كده وصل للسعر الي هو عاوزه من الاساس وبدون ما المشتري يحس بكده ..

مس عارف الناس لية كدة... يعني ممكن يلبسوا حد بسبب اعلاناتهم ..

[S O P H O S]

مس عارف الناس لية كدة... يعني ممكن يلبسوا حد بسبب اعلاناتهم ..

ما هو ده اغلب الي بيحصل
علشان كده سوق المستعمل بقي قلق للغاية
ومعظم الناس بيفكر فالزيرو حتي لو اقل كفئة لتجنب المشاكل فالعربية او كملكية حتي
وربنا يستر علي كل الناس ..