الكــــــاوتش بيـصـرخ !!!!!

[دموع الثلج]

S H @ F T

الف شكر لحضرتك هجرب ظبط زوايا

kareem_Ashmawy

شكرا يا استاذ كريم لو اتحلت المشكله هقولك لحضرتك تعمل زيى

fahd_628

الف شكر يا فهد هروح بريدجستون ان شاء الله

banboty

متشكره لحضرتك على الرد يارب تظبط معايا

ramylancer

متفولش على العجل يا رامى حرام عليك لسا معملتش صيانه ال 5000 وانت بتكتب لى نوع كاوتش جديد ان شاء الله مش كاوتش خالص

hazem_khidr

حازم باشا معلش بئه استحملنى اصلى مليش غير نايل موتورز ارجع له واسال على فكره انا مخبطتش فى رصيف ومفيش رجعه فى الدريكسيون

mohamed ibiza

الف شكر يا محمد باشا

NoNaMe

الحقيقه بليه بيظبط على 28 ومصمم انه صح والكتالوج غلط فانا باخد الامر الوسط وبخليه يظبط على 30 هجرب اظبط على 32 واشوف الف شكر لحضرتك

[دموع الثلج]

دموع روحي لدرش اللي الورشه اللي في المطريه
وهو حيقوم بالازم او اي حد يكون عنده جهاز ظبط كمبيوتر بالليزر
هو حيظبط الزوايا والتقديم او التأخير وكمان حيكشف علي الكاوتش ويظبط الظغط بتاعه ولو محتاجه ترصيص في عجله حيعملوهالك
الحسبه ده كلها مش غاليه خالص
يعني ظبط زوايا حوالي 25 جنيه
لو تقديم او تأخير 10 او 15 جنيه
الترصيص 7.5 او 10 للفرده الواحده
شوفي كده وإن شاء الله تتحل
ابو اياد

الف شكر يا استاذ محمد هشوف اى حد عنده الجهاز ده واروح له حاضر بس درش الصراحه مش هعرف اصلى معرفش المطريه دى اين تقع على خريطه مصر هدور على حد اعرف اوصل له

[ENG\AHMED]

الحقيقه بليه بيظبط على 28 ومصمم انه صح والكتالوج غلط فانا باخد الامر الوسط وبخليه يظبط على 30 هجرب اظبط على 32 واشوف الف شكر لحضرتك

اللى فهمتة من الكلام ان العربية لسة جديدة , لو انتى الوحيدة اللى بتركبى العربية ومتخبطتش منك فى رصيف او مطب جامد او حاجة يبقى مفيش مشكلة تقديم او ترحيل العجلة من مكانها او يكون فى عيب فى الكاوتش
اظبطى هوا الاول واظبطية زى الكتالوج (حتى لو الصوت مراحش هتحسى بفرق فى العربية ) خلى بلية يتكلم براحتة وسيبى الصح لية وخليكى انتى فى الغلط :)
مرة روحت اظبط هوا الراجل جاب الخرطوم وبيفك غطا البلف فاخت بالى ان ابرة المقياس واقعة وان مفيش معاة مقياس تانى فابقولة هو دة شغال بيقولى اة قولتلة اومال فين الابرة ولا انت بتشوف القراءة ازاى بيقولى لأ مبشوفهاش انا بعرف قولتلة بتعرف ازاى يعنى بتسألها ولا اية قالى لأ بخبط عليها بعرف هى مظبوطة ولا مريحة قولتلة انت بتنقى بطيخ بتشوفها حمرا ولا قرعة !!!!! وسيبتة ومشيت طبعا
فا دة حال الصنايعية فى بلدنا فاكرين نفسهم جايين من كوكب تانى وفاهمين فى طوب الارض وانهم عارفين اكتر من الناس اللى صنعوا الحاجة نفسها فا متاخديش على كلامهم

لو الصوت لسة موجود اظبطى زوايا

[Sharky]

الف شكر يا استاذ محمد هشوف اى حد عنده الجهاز ده واروح له حاضر بس درش الصراحه مش هعرف اصلى معرفش المطريه دى اين تقع على خريطه مصر هدور على حد اعرف اوصل له

ممكن تروحى مركز بريجستون إللى فى بنزين كالتكس فى عباس العقاد ناس محترمة جدا و فاهمة كويسة فى المواضيع دى و كمان نايل موتورز عامل عنده خصم لو معاكلى الإستبكرز

[Ramy.Gamal]

شوفتى رأى شاركى من رأيى انا قولتلك روحى لاقرب فرع بريدجستون ناس فاهمه شغلها كويس جدا وبعد ما بيظبطلك الكاوتشات الظبطه اللى هى بيديكى ورقه فيها ارقام الاتزان والترصيص والزوايا علشان تحتفظى بيها علشان لو رحتى لحد تانى بعد كده تديله الورقه ويظبطلك عليها .وبالمره ليكى خصم كمان لو معاكى استيكر نايل موتورز .بالمناسبه هو نوع الكاوتشات اللى موجوده فى عربيه حضرتك ايه ؟

[sa3dawy]

ها اية الاخبار
اصل العربية مبتعملش معايا كدا خالص

[hazem_khidr]

حازم باشا معلش بئه استحملنى اصلى مليش غير نايل موتورز ارجع له واسال على فكره انا مخبطتش فى رصيف ومفيش رجعه فى الدريكسيون

انت تؤمري
هو بكده يبقي العربيه محتاجه زوايا
لو قياس الهوا قليل ما يعملش كده
حتلاقي الدركسيون تقيل في ايدك بس و سحبه العربيه مش قد كده.

[Bassel]

انا من رأيي ان دي نوعية كاوتش والصوت ده ظهر عندي من ساعت مغيرت من Kumho
لHankook

[l0new0lf]

bosso ya gama3a and sorry for the late reply, el3arabeya kanet bete7def ymen, we kol maro7 lwa7ed y7othale 3al gehaz y2ole el3arabeya bte7def shemal mosh ymen, we kont lesa gayeb kawetsh gded we kano haykhalone a'3ayaro, el gehaz beygeb 7adfet el3arabeya ymen aw shemal bas, mabeygebsh tar7el el 3agal odam aw wara, we law el 3agal mra7al el gehaz beytala3 natayeg '3alat. mil akher lama tro7e l7ad bta3 zaway khaleh y2es tar7el el3agal bil mastara, de 7aga haye3melha b2edo mish bil gehaz

[l0new0lf]

7ad yes2alne y2ole tab el3agal hayra7al ezay odam aw wara? baseta, momken tkon dakhalt fe rasef, momken el3afsha 3awza tarbet, we de 7aga lazem periodically ne3melha 3ashan toro2na ele malyana matabat we 7ofar, aw momken zay ma kan 7asal 3ande we kont mgaded fil 3afsha 3ande weragel bta3 ezawaya maye3rafsh 7aga fe sho'3lana de '3er elgehaz (bta3 batata) wel 7amd lilah mafish 7ad beyet3alem bibalash

[l0new0lf]

3al fekra, elmastara de 7aga shabah eed elm2asha, bas telescopic, betetwal wete2sar, we fe nas fahma awe bet2es wetezbot zawaya be fatla (ele ylef yama yshof)

[kareem_Ashmawy]

أنا كانت عندى نفس المشكلة
كان الكاوتش بيصفر مع الفرامل و اليو تيرن كمان
وكانت بتحدف شمال بطريقة ملحوظة اوى
علما انى روحت كذا مرة لبتاع زوايا و لقاها سليمة
المهم النهاردة غيرت الكاوتش و كل ده اختفى تماما الحمد لله

[دموع الثلج]

الف شكر يا كريم فكرتنى بالموضوع


يا جماعه انا رحت عملت ظبط زوايا للعربيه ومليت الكاوتش نيتروجين

والحمد لله الصوت اختفى تماما والعربيه بقت تمام والباور رجع خفيف ذى الاول

الف ششششششكر لكل اللى نصحنى ورد على الموضوع

[Karim_Monir]

الف شكر يا كريم فكرتنى بالموضوع


يا جماعه انا رحت عملت ظبط زوايا للعربيه ومليت الكاوتش نيتروجين

والحمد لله الصوت اختفى تماما والعربيه بقت تمام والباور رجع خفيف ذى الاول

الف ششششششكر لكل اللى نصحنى ورد على الموضوع

مش عارف ليه مابنسمعش الكلام من الاول

[دموع الثلج]

مش عارف ليه مابنسمعش الكلام من الاول

الف شكـــــــــر يا كريم على النصيحه معلش بئه انا رحت بريدجستون اللى فى عباس العقاد ناس محترمه عملوا لى ظبط زوايا ورفعوا العربيه وملوا الكاوتش نيتروجين والحمد لله لما مشيت وخدت نفس الملفات اللى كانت بتصرخ فيها الصوت اختفى

الف شكر مره ثانيه