تويوتا ياريس

[abdelrahmaaan]

السلام عليكم انا عامل ميزانية لعربية اوتوماتيك مستعملة 70 الف لفت انتباهى ان الياريس فى الرينج دا عايز اعرف من ملاكها رأيهم فيها وهل تنصحوانى بيها ولا لا وهل فعلا قطع غيارها غالية لان لو غالية انا مش هقدر عليها وصيانتها متوفرة ولا لا والسرعة ولاثبات والمتانة والحاجات دى كلها ,ياريت ملاكها يقولوا رايهم فيها ..شكرا

[Mohab555]

الياريس عربيه ممتازة واعتمادية عاليه و قطع الغيار مش غاليه اوى و مش رخصية يعنى كويسه زى اللانسر و باقى العربيات اليابانى بس قطع معمره و بتعيش ... اهم حاجة هات واحد مش ماشية كتير و مضمونه

[S O P H O S]

مهاب باشا منور والله ,,,
الياريس زي ما قال مهاب باشا كده بالاضافة انها عربية كعادة تويوتا
قطع غيارها نسبية يعني تتفوق الكورولا عليها بفارق ضئيل جدا ولكن الياريس كاعتمادية هتكون جميلة
طبعا معروف انها بتعيش المتانة والقوة والتكيف والسرعة وصيانة الماتور كل ده متوفر ان شاء الله
وطبعا ماتور مشترك مع الكورولا يعني سهولة فصيانة المحرك
نقطة الثبات فالياريس تحتاج الي جنوط 16 علشان تاخد منها الثبات المطلوب
لان العربية علي الجنوط الاصلية بتكون متوسطة الثبات علي السرعات العالية
وموفق ان شاء الله وشوف راي الاخوة
والله اعلم
تحياتي ..

[abdelrahmaaan]

متشكر للاساتذة وانا بجد محتار لان كل عربية افكر فيها الاقى فيها مميزات كويسة وعيوب تخلينى افكر فى شرائها ودا اللى مخلينى افكر كتير قبل ما اشترى لان دى تحويشة عمر ...ودلوقتى سؤال اخير لو المقارنة دى والياريس داخل معاها اوبل استرا واوبترا اختار ايه؟؟مع العلم انا عايز سهولة فى الصيانة ورخص فى قطع الغيار

[MoH.SaLaDiN]

والله انا معايا ذيك بالضبط وكنت محتار ما بين الياريس و الجين تو والميجان طبعا اليارس اقلهم فى الاوبشنز والثبات وقووة الموتور بس افضلهم فى الاعتمادية وده عمل مهم عندى لانى مش عايز اضيع فلوسى على العربية فى الصيانات و غلو قطع الغيار بس مش عارف الرنج ده يجيب اتوماتيك فول اوبشن موديل كام عشان انا لاقيت فروقات كبيرة فى السعر على كونتاكت والله المستعان