إعـــــــلان

Collapse

.

,
See more
See less

لمبة ال abs وفرامل الايد نورت في التابلوه !!! ؟؟

Collapse
X
 
  • Filter
  • الوقت
  • Show
Clear All
new posts

  • لمبة ال abs وفرامل الايد نورت في التابلوه !!! ؟؟

    السلام عليكم ورحمة الله وبركاته

    امبارح بعد ماخلصت شغل بليل طبعا الحالة الجوية كانت سئية جدا !! والدنيا بتمطر جامد

    وفي اثناء ما انا مروح اشتغلت اغنية قصاد عيني اندمجت مع الاغنية

    وما اجمل ان تتمشى بالعربية اثناء هطول الامطار وانت بتسمع للكينج

    عجبني الموضوع ففضلت اتمشى بالعربية من العجوزة لجامعة الدول لشارع التحرير

    مرورا بالقصر العيني ثم المعادي واخيرا العودة الى شارع الهرم

    طبعا ماشي مستجم مع عمرو دياب وريحة الحبايب وتملي معاك وجو الامطار الى غير ان كان فيه واحدة معاه سيراتو كوبيه شوية تيجي يمين وشوية شمالي وتفتح الشباك وتقفل الشباك !! مش فاهم كانت عايزة ايه ؟؟ يمكن كانت عايزة تسمع عمرودياب معايا !!!

    في جميع الاحوال مافتكرش اني زودت على سرعة 60 كم/ساعة نظرا لحالة الاستجمام اللى كنت فيها

    الجو كان تحفة وكنت مندمج جامد مع الاغاني الى ان ظهرلي واحد تييييت معاه سيراتو - مش عارف ايه حكاية السيراتو معايا في اليوم ده -

    لازق ورايا وعمال يقلب نور خرجني من المود اللى كنت فيه ربنا يكرمه !!

    رحت محول من عمرودياب الى Eminem ومسقط ودايس !!

    مالحقناش نشد يدوب تسقطتين تلاتة والطريق قفل لان الكل كان ماشي براحة نظرا للاحوال الجوية السئية !!

    المهم ماطولش عليكم بعدها مباشرة لقيت لمبة ال Abs ولمبة فرامل الايد مرة واحدة نورو !!

    استعجبت !! بدوس فرامل مافيش اي مشاكل ! ؟ والعربية ماشية زي الفل اكن ماحصلش حاجة

    مجرد اللمبتين نورو

    مشيت شوية وبعدها ركنت على جمب بطلت العربية ودورتها تاني !! برضوا اللمبتين لسه منورين !!!!

    كملت مشي يدوب 5 دقائق كدة ولقيتهم طفو !!! ؟؟؟

    فمش عارف بصراحة ايه السبب اللى يخلي لمبة ال Abs وفرامل الايد تنور فجاءة كدة وبعدها بشوية تطفي ؟؟ خصوصا انها اول مرة تحصل معايا !!!

    اعتقد ان ممكن الماية تكون اثرت على الكومبيوتر مثلا خلته يهيس خصوصا ان الكبوت عندي مخبوط فمش بيقفل كويس !! ؟ مش عارف

    ولا يمكن سنسور ال Abs مع كتر الماية اللى في الارض والعجل بيزحلق حس ان فيه حاجة غلط ؟؟

    حد عنده تفسير تاني ؟؟
    ..

  • #2
    الي اعرفه يا دكتور
    لمبة abs مع ميه شئ مقبول جدا وقد يحث واعتقد مفيش مشكلة ان شاء الله
    انما علامة فرامل اليد تنور هي كمان فده معناه تيل
    والله اعلم الافضل انك بعد غسلة حلوة تجرب تشوف وتبص بس علي التيل مع اني عارف انك مغيره قريب لكن علشان تتأكد انه كله تمام فقط
    وعادي هيكون خير ان شاء الله بس للاطمئنان ليس الا
    مجرد راي فقط ..

    Comment


    • #3
      رأى المتواضع ده تاثير المياه ... فقط
      :36_2_55[1]:

      Comment


      • #4
        بص يا فاندم من واقع خبرتى المتواضعة
        احنا عندنا فى الريو لما لمبه ال abs و الهاند ينور هما الاتنين مع بعض ... يبقى ال ebd شغال .. مش عارف عندك فى الياريس فى ebd ولا لا ؟؟ لو عندك يبقى ال ebd اشتغل لما انت فرملت و الدنيا كانت زحاليق .. لو معندكش يبقى تخريف مياه ..
        [sor2]http://s24.postimg.org/48vqezkw5/1405119604784.jpg[/sor2]
        [SIZE="4"][FONT="Trebuchet MS"][COLOR="Blue"]
        Eng/Mohab Elnahas
        Aviation Engineer[/COLOR][/FONT][/SIZE]

        Comment


        • #5
          انا اول مرة اسمع ان المية ممكن تخلي السنسور يخرف .. احنا هنا بنمشي في مية واصلة لحد الشبكة اللي قدام الكبوت و عادي ...
          [img2]http://i945.photobucket.com/albums/ad291/BLOODY_STONE_2010/isamuIsamu.jpg[/img2]

          Comment


          • #6
            راجع مستوى زيت الفرامل والتيل
            [SIGPIC][img3]hhttps://scontent-a-cdg.xx.fbcdn.net/hphotos-prn1/t1.0-9/1010130_10152285747159443_1943958861_n.jpg[/img3][/SIGPIC]

            Comment


            • #7
              غالباً الميه هي السبب كان بيحصل معانا كده في مرسيدس...
              تحياتي

              Sent from my SE Arc S using Forum Runner
              don't judge a car unless you have driven it

              hm414 سابقا

              Comment

              Working...
              X