ممكن اراء عن فورتشنر 2700cc

[Mohyeldin1974]

اعضاء المنتدى الكرام وخبراء التويوتا و 4X4
ممكن حد ينقلنا خبرته فى التويوتا الفورتشنر
سلبيات ايجابيات او حد يعرف يدلنا على تقرير مفصل عنها
بصراحه البلد محتاجه دبابه نمشى بيها وبفكر فى العربيه دى بس مش لاقى معلومات كتير عنها
انا رحت توكيل تويوتا ولاقيت عنده 4000cc وعجبتنى بصراحه
ارجو الافاده ولو ممكن حد ينصحنى بدبابه بديله تكون افضل ونفس رينج السعر

[Ahmed Amin]

بصراحة أنا شايفها عربية ممتازة جداً وقوية جداً
يعني هيا عاملة زي التويوتا الهاي لوكس الأتنين كابينة بس في هيئة عربية SUV
ودا اللي كان بعض الناس بتعمله هنا كانو بيجيبو الأتنين كابينة دي هنا قبل ما تنزل الفورتشنر مصر عشان مريحة جداً في السواقة أعتمادية وقوية جداً وأعطالها نادرة.
اللي هيا دي..


ركبتها عند ناس قرايبي في البحيرة وفي الجبل بصراحة عربية باشا..

ال 2700 موتور للفورتشنر 4 سلندر قوي مش ضعيف 160 حصان تقريباً, ودا الأفضل لظروف بلدنا عشان الترخيص وأستهلاك البنزين جوا البلد
ال 4000 ال 6 سلندر أقوي منه أكيد بس هيبقي أستهلاكه عالي في المشي جوا البلد والضريبة والسلاطات دي.

بس الأتنين حمالين قسية وهيا لسه جديدة هنا في مصر أه بس هيا بقالها سنين في الخليج وعاملة أحلي سمعة والياباني في ال SUV أو ال 4x4 معروف بقوة تحملة.

والكلام عن الدبابة أنا قلت نفس كلمتك دي زمان لأهلي, المطبات والحفر والبلاعات اللي ماليا شوراعنا والاسفلت اللي مش متسفلت عايز عربية دبابة مش جيب حتي, وكنت بقترح عليهم نجيب رانجلر..
بس أنا بعد ما جبرب الرانجلر والهاي لوكس الأتنين كابينة كأقرب مثال منها لأني مركبتش الفورتشنر لسه أميل ليها وأطمن فيها أكتر من الرانجلر كأقرب مثال لها ودا رأي الشخصي.
أنا عارف أني مجبتلكش معلومات كتير عنها بس حبيت أشاركك برأيي

[Mohyeldin1974]

اشكر حضرتك على المشاركهوياريت حد يقلنا الفرق بين العربيتين 2700 و 4000من ناحية التجهيزات والاوبشنز

[mohamed haggag]

انا عندي معلومة بس اتاكد منها برضو
ان ال 2700 سي سي منوال بس
لكن ال 4000 سي سي فيه منها منوال واتوماتيك

[Mohyeldin1974]

انا عندي معلومة بس اتاكد منها برضو
ان ال 2700 سي سي منوال بس
لكن ال 4000 سي سي فيه منها منوال واتوماتيك

لا معتقدش ان ال 2700 مانيوال ابدا

[S O P H O S]

انا راي غريب شوية
راي ان الهاي لوكس افضل منها
مجرد رأي غريب ..

[Y a r i s]

مين قلك ياباشا مفيش مواضيع عن الفورنيتشر ... حضرتك بس مبتدورش كويس
فين يا جماعة منسقين القسم يالله جمعوا المواضيع اهي وثبتوها ده احنا عندنا في نايل موترز حبت معلومات ومواضيع بس انما ايه بقه من البهاليز :) ولسه في كمان ٣ مواضيع مش لاقيهم. .... وتحياتي

http://www.nilemotors.net/Nile/328383-jeep-wrangler-action-camper.html

http://www.nilemotors.net/Nile/324929-a.html

http://www.nilemotors.net/Nile/324933-100.html

http://www.nilemotors.net/Nile/325124-fortuner.html

http://www.nilemotors.net/Nile/325123-fortuner-accessories.html

http://www.nilemotors.net/Nile/325125-fortuner-2013-a.html

http://www.nilemotors.net/Nile/325069-a.html

http://www.nilemotors.net/Nile/281169-toyota-mega-cruiser.html

http://www.nilemotors.net/Nile/324932-a.html

http://www.nilemotors.net/Nile/288971-toyota-fortuner.html

[Mohyeldin1974]

مين قلك ياباشا مفيش مواضيع عن الفورنيتشر ... حضرتك بس مبتدورش كويس
فين يا جماعة منسقين القسم يالله جمعوا المواضيع اهي وثبتوها ده احنا عندنا في نايل موترز حبت معلومات ومواضيع بس انما ايه بقه من البهاليز :) ولسه في كمان ٣ مواضيع مش لاقيهم. .... وتحياتي

http://www.nilemotors.net/Nile/32838...on-camper.html

http://www.nilemotors.net/Nile/324929-a.html

http://www.nilemotors.net/Nile/324933-100.html

http://www.nilemotors.net/Nile/325124-fortuner.html

http://www.nilemotors.net/Nile/32512...cessories.html

http://www.nilemotors.net/Nile/32512...er-2013-a.html

http://www.nilemotors.net/Nile/325069-a.html

http://www.nilemotors.net/Nile/28116...a-cruiser.html

http://www.nilemotors.net/Nile/324932-a.html

http://www.nilemotors.net/Nile/28897...-fortuner.html

اشكر حضرتك جزيل الشكر بس انت عارف ان الصور والمواصفات معروفه بس مش لاقى تقرير عن العربيه من حد راكبها غير الاخ العربى اللى نص كلامه مش فاهمو وغير كده هو حمكه مبنى على وجود انواع اعلى بكتير فى بلده وعربيته مش عاجباه.
باقى الناس بتحكم على العربيه وهى ماشفتهاش ولا ركبتها
محتاج حد معاه العربيه
واللى يفقع ان تويوتا معندهاش حاجه اسمها test drive تخيل

[Y a r i s]

معاك حق ياباشا
هو شوف انا قريت مقالة عن تجربة واحد جرب العربية دي سبع سنين في الخليج
بس مكنتش عاوز انقلها علشان سمعت العربية من ناحية ومن ناحية تانية ظروفهم هناك غير ظروفنا. ...
هو قال على ما اتزكر بمقارنة بين ٢٧٠٠ سي سي. وبين ٤٠٠٠ سي سي. ان العربية ٢٧٠٠ لا تصلح للرمل واذا جبتها وفر فلوسك ومتشتريش العربية الي فيها فتيس غرز لان اضافة فلوس ملهاش لازمة وهيتحرق معاك بسرعة ...

غير كدة العربية عجبتوا كسحب واداء. لاكن بعد ال ١٢٠ على الاسفلت سحبها في الشد ميبقاش قد كده
طبعاً شكر في المكيف بتعها وفي قوت تحملها وفي عبشتها وشكر كمان في ثباتها ... لكن أ/ كريم منير. بحكم ان ليه ورشة في الحرفين بيقولك يا سيدي ان بيشوف عربيات فورنيتشر كتيرررر مقلوبة .... وانا كان عندي كام فيديدو بس لهايلوكس بيبين عيب خطير في عدم ثابتها فما بالك الفورنيتشر ....

العربية بتمتاز انها سبعة راكب. وتتفوق على الجيب الرانجلر او الشيروكي في كدة
في واحد اشتكى ايضاً من الخامات بتاعت التابلووة. انها مع الشمس بيتؤثر مع الوقت
لكن كمتعت قيادة. خودها وانتا مغمض حتى لو هايلوكس. لسها متعة كدة ولزة خاصة متتوصيفش لكن تتحس ومع الاسف فعلاً معندناش تيست درايف

بالنسبة لعربية بديلة. الفورنيتشر انتا بتتكلم في ٣٠٠.٠٠٠ جنية
طيب مانتا عندك الجيب الرانجلر كمان بتلعب في نفس السعر .... لكن ٣٧٠٠ سي سي. بس متعتها اعلى من التويوتا ده غير نظام التعليق بتعها في زرار كده بتكبس عليها بيخلي جميع المساعدين. حرة لو حبيت تطلع على الصخور. في التويوتا مفيش الكلام ده ... السعر متقارب. تقريباً بس الخامات في الجيب اعلى من التويوتا الفورنيتشر وملمس الجلد فيها رائع. ده غير امكانيت فك السقف ده غير انها ست سمعات وسب خلفي ورى والسحب بتعها اكثر من رائع وتديك احساس بانك سايق بيبي همررر

لذلك لو عاوزها لمجرد انها جيب وعالية وسبعة راكب هاتلك تويوتا فورنيتشر
لو عاوز حاجة لرحلات السفاري ومش فارقة معاك البانزين هات جيب رانجلر ممتازة واحسن واجود ... والاختيار في الاول و الاخير ليك لان الفور نيتشر هي اقل فئة جيب في تويوتا

والجيب رانجلر يقارن بالاف جي تويوتا مش الفورنيتشر لكن عندنا الجمارك عملة لخبطة في الاسعار وربنا يوفقك وتحياتي ... وبرضوا في انتظار بقيت الاراء :)

[Mohyeldin1974]

معاك حق ياباشا
هو شوف انا قريت مقالة عن تجربة واحد جرب العربية دي سبع سنين في الخليج
بس مكنتش عاوز انقلها علشان سمعت العربية من ناحية ومن ناحية تانية ظروفهم هناك غير ظروفنا. ...
هو قال على ما اتزكر بمقارنة بين ٢٧٠٠ سي سي. وبين ٤٠٠٠ سي سي. ان العربية ٢٧٠٠ لا تصلح للرمل واذا جبتها وفر فلوسك ومتشتريش العربية الي فيها فتيس غرز لان اضافة فلوس ملهاش لازمة وهيتحرق معاك بسرعة ...

غير كدة العربية عجبتوا كسحب واداء. لاكن بعد ال ١٢٠ على الاسفلت سحبها في الشد ميبقاش قد كده
طبعاً شكر في المكيف بتعها وفي قوت تحملها وفي عبشتها وشكر كمان في ثباتها ... لكن أ/ كريم منير. بحكم ان ليه ورشة في الحرفين بيقولك يا سيدي ان بيشوف عربيات فورنيتشر كتيرررر مقلوبة .... وانا كان عندي كام فيديدو بس لهايلوكس بيبين عيب خطير في عدم ثابتها فما بالك الفورنيتشر ....

العربية بتمتاز انها سبعة راكب. وتتفوق على الجيب الرانجلر او الشيروكي في كدة
في واحد اشتكى ايضاً من الخامات بتاعت التابلووة. انها مع الشمس بيتؤثر مع الوقت
لكن كمتعت قيادة. خودها وانتا مغمض حتى لو هايلوكس. لسها متعة كدة ولزة خاصة متتوصيفش لكن تتحس ومع الاسف فعلاً معندناش تيست درايف

بالنسبة لعربية بديلة. الفورنيتشر انتا بتتكلم في ٣٠٠.٠٠٠ جنية
طيب مانتا عندك الجيب الرانجلر كمان بتلعب في نفس السعر .... لكن ٣٧٠٠ سي سي. بس متعتها اعلى من التويوتا ده غير نظام التعليق بتعها في زرار كده بتكبس عليها بيخلي جميع المساعدين. حرة لو حبيت تطلع على الصخور. في التويوتا مفيش الكلام ده ... السعر متقارب. تقريباً بس الخامات في الجيب اعلى من التويوتا الفورنيتشر وملمس الجلد فيها رائع. ده غير امكانيت فك السقف ده غير انها ست سمعات وسب خلفي ورى والسحب بتعها اكثر من رائع وتديك احساس بانك سايق بيبي همررر

لذلك لو عاوزها لمجرد انها جيب وعالية وسبعة راكب هاتلك تويوتا فورنيتشر
لو عاوز حاجة لرحلات السفاري ومش فارقة معاك البانزين هات جيب رانجلر ممتازة واحسن واجود ... والاختيار في الاول و الاخير ليك لان الفور نيتشر هي اقل فئة جيب في تويوتا

والجيب رانجلر يقارن بالاف جي تويوتا مش الفورنيتشر لكن عندنا الجمارك عملة لخبطة في الاسعار وربنا يوفقك وتحياتي ... وبرضوا في انتظار بقيت الاراء :)

اشكر لحضرتك الاهتمام والرد
بصراحه موضوع الصحرا والرمل والكلام ده كان ليه ايامه ومش من اهتماماتى دلوقتى ولا اولوياتى فى العربيه
انا كل اللى عايزه دلوقتى عربيه عائليه وعاليه واعتماديه وتكون اقتصاديه لحد ما
اسرتى مكونه من 5 افراد وساعات الحاج والحاجه كمان
وطبعا السواقه فى مصر حسب ما شوفت اليومين اللى فاتو محتاجه عضلات عشان كلو يلم نفسه بالذات النوعيات اللى حضرتك عارفها
والله انا محتار حيره مافى بعدها وذودو حيرتنا بموضوع الدعم والبنزين ومش عارف اجيب ايه بعد مانزل مصر
ساعات بفكر اقضيها باى حاجه واعيش زى مالناس عايشه وكله فى الاخر بيتخبط وساعات بقول لا اتبسط واركب
فانا بقارن من اول الكورولا والاسترا و الكارنز الجديده مرورا بالقشقاى والسبورتاج وxv وبالاوكتافيا الجديده اذا مكنتش 95 الى ان وصلت بقدر قادر للرانجلر والفورتشنر
علما بأن استخدامى للعربيه عائلى ومفيهوش اهانه خالص
افيدونى افادكم الله

[mohamed haggag]

اشكر لحضرتك الاهتمام والرد
بصراحه موضوع الصحرا والرمل والكلام ده كان ليه ايامه ومش من اهتماماتى دلوقتى ولا اولوياتى فى العربيه
انا كل اللى عايزه دلوقتى عربيه عائليه وعاليه واعتماديه وتكون اقتصاديه لحد ما
اسرتى مكونه من 5 افراد وساعات الحاج والحاجه كمان
وطبعا السواقه فى مصر حسب ما شوفت اليومين اللى فاتو محتاجه عضلات عشان كلو يلم نفسه بالذات النوعيات اللى حضرتك عارفها
والله انا محتار حيره مافى بعدها وذودو حيرتنا بموضوع الدعم والبنزين ومش عارف اجيب ايه بعد مانزل مصر
ساعات بفكر اقضيها باى حاجه واعيش زى مالناس عايشه وكله فى الاخر بيتخبط وساعات بقول لا اتبسط واركب
فانا بقارن من اول الكورولا والاسترا و الكارنز الجديده مرورا بالقشقاى والسبورتاج وxv وبالاوكتافيا الجديده اذا مكنتش 95 الى ان وصلت بقدر قادر للرانجلر والفورتشنر
علما بأن استخدامى للعربيه عائلى ومفيهوش اهانه خالص
افيدونى افادكم الله

لو دة تفكير حضرتك وانك عايز حاجة تروح وتيجي بيها ومش بتهمها
انا رأي الشخصي ما ادفعش اكتر من 160 الف في عربية في بلد زي مصر عشان حرام لا بتستمتع بالعربية ولا في شوارع تتمتع فيها ولا حتي بتمشي ع السرعات العالية لا في سفر ولا جوة المدينة واخرك 120 والتسارع مش قد كدة من المطبات اللي في كل حتة غير نوعية البنزين وتمنو
وغير كدة الجو بياثر ع البويا والمطبات وحتي لو جيب بتتأثر من المطبات فعشان كدة وفر فلوسك وهات حاجة زي الأسترا او الأكتافيا او الكورولا والقرار ليك برضو

[Mohyeldin1974]

ياباشا دلنى على عربيه عائليه ب 160
السيراتو والالنترا الجديده دخلو فى المبالغ دى يبقى انا عملت ايه

[Land_Cruiser]

لو مش هتحتاج دفع رباعى يا فندم فى استخدامك يبقى وفر فلوسك . الناس المستفزه هتكسر عليك لما تلاقيك راكب عربيه غاليه بصرف النظر عن ان كانت عاليه او سيدان و العربيات ال SUV بشكل عام بيبقى ثباتها اقل من العربيات القريبه من الارض و ان كانت الحاجات الغاليه فيها طبعا فيها انظمه ثبات و تكنولوجيا محترمه و هى مش معموله علشان تبقى عربيات سباق و لذلك وارد انها تتقلب فى حاله الجرى على سرعات عاليه. بالنسبه للفورتشنر اختيار الموتور الصغير ده اعتقد انه مش هيبقى اختيار موفق لانك هتدفع ضريبه عاليه و كمان استهلاك بنزين عالى و فى الاخر الاستخدام هيبقى بتاع اى عربيه سيدان عاديه و هتحس بالموضوع ده مع كوبونات البنزين و دفع الضريبه كل سته ممكن قوى يزهقك من العربيه بعد سنه و لا اتنين و العربيات اللى بنفس المواصفات اللى هى ٢٧٠٠ سى سى ما مشيتش كويس فى البلد زى الاكس تريل مثلا و عملت زى اللى رقصوا على السلم فهى مش عربيه صغيره و لا كبيره و غاليه فلو كنت محتاج دفع رباعى يبقى خليك فى ال 4000 cc و دى اللى ما شاء الله بتتباع اكتر أما لو مش محتاجه يبقى خليك فى ال ١٦٠٠ سى سى و لو تقدر تستنى ل ٢٠١٤ هيكون نزل الجيل الجديد من الكارينز و حاطين فيها موتور ١٤٠ حصان علشان يبقى مناسب لوزن العربيه و عند حضرتك القشقاى بس سعرها وصل ل ٢٠٠ الف اليومين دول برضه و ان كان سعرها عالى لكن تعتبر صفقه رابحه و الاسبورتيج برضه و السيدان عندك فانتازيا و لو ان السنه القادمه نازل منها جيل جديد و ممكن الفلوانس كمان يعنى الاختيارات كتير بس اهم حاجه تخليك فى فئه ال ١٦٠٠ سى سى طالما استخدامك داخل البلد مش دخول صحراء