ياريس:صوت فى العجل قدام

[ahmedyaris]

السلام عليك اخوانى الاعزاء
من كام يوم ركب جنبى واحد صاحبى بس معلم فى العربيات .... مجرد اننا اخدنا الصحراوى وشديت لاقيته بيقولى ان البلى فى العجله يمين قدام خشن وعايز يتغير ..... وهو قالى انه سامع صوته ... حاولت انى اسمع واركز وخليته هو اللى يسوق وحاولت تانى انى اسمع حاجه !!!!!!!!!! ابدا ..... وهو ده اللى مجننى
طب السؤال : ايه علامات خشونة البلى او البيض يعنى عدم اللامؤاخذه ؟ وكمان بيتغير فين وازاى ؟ ولو حد غيرة يقول ؟
انا اصلى لسه مخلص ضمان من شهر وعمرى ما روحت لصنايعى الى الان بس واضح انها بدأت تندع اهه
شكرا للتعاونكم

[M.Al-Hefnawy]

ممكن تروح عند ميكانيكي وبيرفع العربية من قدام وتشغل العربية وتديها غيار العجل يبدأ يلف ... لو فيه صوت نحر في اللفة يبقى عاوزة بلي لو ما فيش ممكن يكون الصوت اللي انت سامعه من الكاوتش مع الطريق

[mado83]

ممكن تروح عند ميكانيكي وبيرفع العربية من قدام وتشغل العربية وتديها غيار العجل يبدأ يلف ... لو فيه صوت نحر في اللفة يبقى عاوزة بلي لو ما فيش ممكن يكون الصوت اللي انت سامعه من الكاوتش مع الطريق

تمام التمام التمام

[BLOODY_STONE]

اخيراااااااااااااااااااااااااااااااااااا

انا عندي نفس المشكلة بالظبط .. العجلة قدام شمال ... بتعمل زي صوت صوصوة او زقزقة كده ...

رحت لميكانيكي و بص و رفع العربية و مشي العجل و العربية زي الفل الراجل بيقولي البلي سليم جدا ...

و محدش من اللي بيقعد معايا في العربية عارف يسمعه لانه واطي و لازم امشي جنب حيطة او رصيف عشان اسمعه

المهم

رحت لميكانيكي تاني و بص و ملقاش حاجة برضه بس لقيت التيل متاكل من فوق جامد !!!!!!!! تحس كانه متصنفر بصاروخ كده !!!!

صاحبي بيقولي الصوت اللي عندك ده عشان التيل بيحك في الطنبورة و اللي ركبه ليك ركبه غلط و خلى الحمل على التيل من فوق و ده اللي عاملك الليلة دي !!

لسه مش عارف حروح لميكانيكي تاني اشوف ايه الكلام بس انا متضايق اوي اوي اوي من ساعة ما شفت التيل !

[S O P H O S]

زي ما قال الرجالة
بس انا احساسي انه مش بلي
اكشف علي العربية من تحت وحل الكاوتش الي قدام وشوف
وان شاء الله خير ..

[mohamedbook]

بص ياباشا ممكن يكون التيل مش بيرجع تاني وبيحتاج فية مسمارين كده بيتزيتوا عشان ميحصلش معاك كده
والدليلي انك تلاقي العجلة الشمال هي الي التيبل بتاعها هو الي متاكل علي عكس العجلة اليمين
يبقي العربية بتاكل عندك تيل من جمب واحد هو عايز يتنضف الماستر بس ويتزيت المسمارين دول عشان مش فاكر اسمهم كان بيحصل معايا الكلام ده

[Dr.M_baz]

بص ياباشا ممكن يكون التيل مش بيرجع تاني وبيحتاج فية مسمارين كده بيتزيتوا عشان ميحصلش معاك كده
والدليلي انك تلاقي العجلة الشمال هي الي التيبل بتاعها هو الي متاكل علي عكس العجلة اليمين
يبقي العربية بتاكل عندك تيل من جمب واحد هو عايز يتنضف الماستر بس ويتزيت المسمارين دول عشان مش فاكر اسمهم كان بيحصل معايا الكلام ده