إعـــــــلان

Collapse

.

,
See more
See less

انا مش طايق العربية بتاعتي ... ومش عاوز اسوقها او حتى اركبها !!

Collapse
X
 
  • Filter
  • الوقت
  • Show
Clear All
new posts

  • انا مش طايق العربية بتاعتي ... ومش عاوز اسوقها او حتى اركبها !!

    مساء الخير
    بقالي اكتر من شهرين تالته ... مش طايق عربيتي ونفسي قايمة منها ...
    مش عارف فجئة كدة حاسس اني تعبان ومش طايق اسوقها خالص ... مش عارف حاسس نفسي اتحسدت او واحد ضربني عين فيها خلتني مش طايق حتى اروح بيها اشيك على الهوى بتاع الاربع فرد .



    @@@@@@@@@

    سبحان الله قد ايه كنت بحبها.
    بس حالياً بفكر ابيعها ... وانا من النوع الي مبخرجكش كتير
    مش عارف جيلي نوع من الاحباط ومرات بقول يمكن لان الشوارع بقت زي الزفت وبتكره الواحد في عيشتوا علشان كده بقيت محبط طبعاً مع الوضع السياسي في البلد فكرهت العربية باليوم الي هخرج فيه من البيت او يمكن حاسس ان جتلي عين بنت لزينة كرهتني فيها وكرهت تويوتا كلها
    ده حتى المثل بيقولك ايه

    عضة أسد ولا نظرة حسد



    مش عارف يا جماعة ... بس هل ياترى حد شاعر بالي انا حاسوا
    ولادي مشكلة فئوية ولا حالة عامة
    ولا يكنش انا اتحسدت



    [SIGPIC][/SIGPIC]
    [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

  • #2
    ربنا يحسن لحضرتك و يحسنلنة جميعاً الحال قولو أمين يا جماعة يمكن فينا واحد صالح ربنا يستجيب له - يا رب...

    Comment


    • #3
      معلش يا حج ده حالة عامة
      انا عربيتي بركبها قليل جدا وتقريبا المشواير الكبيرة او السفر فقط
      وعلطول بتحرك بالعربية الصغيرة علي قدها اه بس صغيرة وتركنها فأي مكان ومتقلقش
      وتمشي مش قلقان من حد الحمد الله
      هات عربية صغيرة جمب الياريس ومتكونش غالية وهتحس بأختلاف الموضوع
      مجرد رأي ..

      Comment


      • #4
        أنا كمان كرهت عربيتى جدا بشكل غريب
        عمركم شوفتم بنت بتغسل عربيتها بنفسها ؟ انا كنت بغسلها بنفسى
        لكن بقالى فتره طويلة سايباها مرميه لدرجة أنها فيها طينه لازقة على الأكصدامات و الجنوط مش باينلها رسمة و بقى شكلها أزبل مما يتوقعة البشر
        مش عارفة برضة دا عبارة عن أيه بالظبط
        [CENTER][FONT=Comic Sans MS][SIZE=3][B]DRIVE . MAD[/B][/SIZE][/FONT][/CENTER]

        Comment


        • #5
          عندي نفس الشعور بالظبط شكل حد ادانا كلنا عين في نايل موتورز ههههههههههههههههه

          حد يولع بخور يا أخواناااااااااااااا

          Comment


          • #6
            انا من زمااااااااااان و انا مش طايق العربية و ممكن ما انزلش مشوار مخصوص علشان ما اركبش العربية :( دلوقتى تقريبا كل مشاويرى بقت بتاكسى , البلد بقت تقرف و زحمة و بتكره الواحد فى كل حاجة للاسف ..

            Comment


            • #7
              اه واللهي بجد
              وبعدين يابوحميد ماليارس اساسا عربية صغيرة ... ده بره بيدوها هدية للمتفوقين في الثانوية
              انا بجد مدايق ودلوقتي بس فهمت كلمت مراتي كل ما اقولها نفسي في حتت جنط اسبور للعربية من نفسي. تقولي لا مش ناقصين قرر ... ده حتى انا برضوا يامنولا كنت استمتع بغسيل العربية. انهردة لو نزلت نفضتها بس من الغبار الي عليها. يبقى فضل ونعمة من رب العالميين

              وخلي بالك عربيات البنات الي بتتحسد بتتحسد من اقرب صديقات ليها وهيا مش عارفة
              لان بعمرك ماتلاقي شب بيحسد بنت على عربيتها ابداً الشباب بتعاكس بس ومش فالحين غير في كدة اساساً ... بس. مشكلة. عربيات الرجالة اكتر واكتر لانها بتتحسد من الي ماشي ومن الي رايح ومن الي جي ، وتبقي واقفه في زحمة المحور او على كوبري وعربية ميكروباص جمبك ولا اتوبيس تلاقيهم كلهم عنيهم هتسقط جو عربيتك من كتر ماهما بيفصفصوا عربيتك بعنيهم كدة ... أيييش حال انا معايا حتت يارس قديمة ومهكعة وبيحصل فيا كدة اومال لو جيبت حته زيروا كدة كانوا عملوا فيا ايه ! :) ههههههه



              [SIGPIC][/SIGPIC]
              [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

              Comment


              • #8
                انا اظن ان ده من حال البلد اللى خلى كل الناس قرفانة و تعبانة فبالتالى الكل مزاجه مش كويس و زهقان من الحياة اساسا

                تيجى تنزل تلاقى الطرق زحمة و مقرفة و رجليك توجعك من السواقة و تتعب و تصدع من التركيز مع اللى يحدف عليك من الشمال و اليمين .. طبعا كل ده يؤدى انك تزهق من السواقة و العربية .. انا عن نفسى الحمد لله مش متأثر اوى بوقف حال البلد بس و الله كل ما اشوف حال البلد ازهق اكتر و اكتر .. عايز اقول انا النهاردة كنت ماشى فى شارع الهرم لقيت واحدة ست كبيرة بتلم الزبالة و عمالة تدور على حاجة تاكلها منها و الله العظيم من ساعتها و انا كرهى للبلد ديه زاد .. الله يخرب بيت كل واحد عايز كرسى ولا بيدور على منصب و الله يخرب بيت اللى ماسكين البلد و عمالين يدوروا على حجج فارغة و مخليين الناس تاكل من الزبالة و مش لاقية الاكل فى الزبالة كمان .. بصراحة البلد ديه بقت قاسية اوى على ناسها ...

                و اخيرا يا استاذ ياريس انا لما بيحصلى زى حضرتك كده ببص لحالى و احمد ربنا الف مرة انا الحمد لله معايا عربية و عايش عيشة كويسة جدا .. لازم كلنا نحمد ربنا و اول ما نزهق نفتكر ان احنا فى نعمة كبيرة جدا ربنا انعمها علينا و مفروض نستمتع بحياتنا على قد ما نقدر .. غيرنا فعلا مش لاقى ياكل و احنا بندلع و نقعد نقول زهقنا من الموبايل ده و من العربية ديه و متزعلش منى انا و الله اقصد نفسى قبل ما اقصدك لأن اللى يشوف حال الناس يعرف قد ايه هو فى نعمة
                Livin' life in the fast lane
                Movin' at the speed of life and I can't slow down
                Only got a gallon in the gas tank
                But I'm almost at the finish line, so I can't stop now

                :nemoflow:[COLOR=RoyalBlue]Vive[/COLOR] [COLOR=Silver]La[/COLOR] [COLOR=Red]France[/COLOR]

                Comment


                • #9
                  المشكلة في الطرق المنيلة زمان وانت بتتفرج علي افلام الابيض والاسود تلاقي عربيات اقل رفاهية بس الطرق فاضية ومحترمة اما الان لو ملقتش مطب تلاقي حفرة او حد بيخنق عليك انا برضة فكرت ابيع العربية بس مراتي قالتلي لا عشان انا تقريبا مبركبهاش غير لما هي تكون معايا لاني مش طايق اسوق تاني ابدااااااااااااااااااااااااااا في البلد طول ما الحال كده

                  Comment


                  • #10
                    هههههههههههههه
                    واضح يا باشا ان في حب جديد وعنيك بدأت تزوغ
                    العربية بالنسبة للراجل زي مراته. مع الفرق ان العربية سهل تتخلص منها او تجيب واحده تانية عليها، انما الزوجة لاصقة بغراء. متعرفش تبيعها ولو جبت واحده عليها تلبسك في عامود.
                    [CENTER][aldl]http://profile.ak.fbcdn.net/hprofile-ak-snc4/187900_178902862160730_2430898_n.jpg[/aldl][/CENTER]
                    [CENTER]
                    [aldl]https://fbcdn-sphotos-f-a.akamaihd.net/hphotos-ak-ash3/66150_603643096318500_1743303927_n.jpg[/aldl][/CENTER]

                    Comment


                    • #11
                      متقولش كدا

                      انت بس ابعد عنها حبتين
                      اتقل عليها شوية

                      خليها توحشك

                      وفجأة خدها لوحدكم ومتركبش حد معاك وانزل لف لوحدك وشغل الكاسيت ويكون وقت عصاري أو مغارب أو بعد الفجر في منطقة مفتوحة
                      وعيش وعيش عربيتك معاك وعبرلها عن انها وحشتك

                      أعتقد دا أفضل

                      ودا اللي أنا هعمله أول ما أشوف كورولتي

                      mahboooba

                      asheeeky

                      :-*
                      يـــــــــارب

                      Comment


                      • #12
                        count me in
                        أنا مبقتش أركب العربية غير مثلاً مرة واحدة في الأسبوع و ممكن مرات مشوفهاش طول الأسبوع أصلاً..
                        بس يمكن ده بسبب حالة البلد و الشوارع مش كرهاً في العربية..
                        [shfaf2]http://nileup.com/up/uploads/nilemotors_14667781721.jpg[/shfaf2]

                        Comment


                        • #13
                          صدقوني مش قصة انها توحشني
                          لاني رميها ومبخرجش بيها نهائي غير لو عاوز اشتري طلبات للبيت او اودي الحج للمستشفى او حد من العيال تعب غير كدة مشويري الشخصية بقيت كلها اخودها موصلات ولا اني اركبها ... والي يجنني كل ما اروح عند حد انشالله حتى سباك ولا نجار يبصلي كده ويقولي ااااااااالله اومال فين عربيتك هو انتا بعيتها ولا ايه ... يعني سبحان الله. هو الواحد ضروري ياخود عربيتوا في كل مكان ... !!!

                          بجد العربيات بقة خنقة .... وبتخلي الواحد قلقان قلقان عليها وهو سايق قلقان لا حد يخبطك وينزل يتخانق كمان انو ليه وليه هو الي خبطك مش انتا الي خبطو فينزل يتخانق معاك .

                          وان كنت راكنها في اي حته بتقول ياترى هترجع وتلاقيها ولا هتتخطف بمنتهى البساطة ولا كانك رامي محفظة في الشارع واي حد هيشوفها ممكن ياخودها .

                          فهنا قلق وهنا قلق .... فلقيت نفسي برميها واكبر دماغي بس الجديد اني مبقيتش طايق العربيات من اساسو ... زمان كنت بدايق لمن اركب جمب سواق ومبقاش مطمن غير لمن اسوق انا ... النهردة بحب قوووي اي واحد عندو عربية يعدي عليا وانا قاعد جمبوا معزز مكرم واشتري دماغي من وجع السواقه وحرقت دم السواقة وقرفها

                          بس بجد زمان كان الواحد ليه نفس يعمل ويسوي في عربيتوا النهرده مفيش خالص ... ده حتى لمن اعدي على اي حد من اصدقائي واقولوا تعاله نتمشى او نتشعبط في الاتوبيسات زي زمان يقلي اه انتا عاوز تتمشى وتتشعبط ألله معك .... ربنا معاك ..

                          ههههههه سبحان الله محدش عاوز يتمشى زي زمان وفاكرين انو بخل مني اني مش عاوز احرك العربية ميعرفوش اني مش طايقها ولا طايق اسوق عربيات ... سبحان الله

                          [SIGPIC][/SIGPIC]
                          [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

                          Comment


                          • #14
                            على فكره يا فندم ده شعور طبيعى. الإنسان بطبيعته بعد وقت بيشعر بالملل من اى حاجه روتينيه بيستخدمها كتير فى حياته. مفيش اى مشكله لو ركنتها و ركبت مواصلات او مع احد الأصدقاء او حتى مشيت او ركبت دراجه طالما انك بتروح مشاويرك و خلاص و حضرتك مرتاح نفسيا لكده. إذا كانت العربيه و السواقه مضايقاك اركنها و استخدم الوسيلة اللى تعجبك حسب طول المسافه و الوقت اللازم للوصول ليها . يعنى مثلا مشوار قريب ممكن تاكسى ، مشوار فى منطقه زحمه و مفيش ركنه ممكن مترو مثلا و بعد كده تاكسى او مشى حتى على حسب المسافه و بكده حتى تقلل الضغط العصبي و الانفعال الناتج عن السواقه وحرقه الدم من اللى بيكسر عليك و اللى ماشى عكسى و الاستفزاز ده و الفكره دى كمان هتخللى حضرتك تعمل شويه مجهود كنوع من الرياضه وده هيبقى مفيد و يقلل التوتر كمان و هيسمح لحضرتك تتفرج على الشارع و تشوف التفاصيل اللى ما بتشوفهاش و انت سايق و ممكن تستفيد بالوقت فى القراءه او التأمل حتى و بالنسبه للى بيسأل او اللى عايز يركب عربيه طول الوقت هو حر و حضرتك مش محتاج تاخد قراراتك بناء على اولوياته هو

                            Comment


                            • #15
                              المشاركة الأصلية كتبت بواسطة Y a r i s مشاهدة المشاركة
                              مساء الخير
                              بقالي اكتر من شهرين تالته ... مش طايق عربيتي ونفسي قايمة منها ...
                              مش عارف فجئة كدة حاسس اني تعبان ومش طايق اسوقها خالص ... مش عارف حاسس نفسي اتحسدت او واحد ضربني عين فيها خلتني مش طايق حتى اروح بيها اشيك على الهوى بتاع الاربع فرد .



                              @@@@@@@@@

                              سبحان الله قد ايه كنت بحبها.
                              بس حالياً بفكر ابيعها ... وانا من النوع الي مبخرجكش كتير
                              مش عارف جيلي نوع من الاحباط ومرات بقول يمكن لان الشوارع بقت زي الزفت وبتكره الواحد في عيشتوا علشان كده بقيت محبط طبعاً مع الوضع السياسي في البلد فكرهت العربية باليوم الي هخرج فيه من البيت او يمكن حاسس ان جتلي عين بنت لزينة كرهتني فيها وكرهت تويوتا كلها
                              ده حتى المثل بيقولك ايه

                              عضة أسد ولا نظرة حسد



                              مش عارف يا جماعة ... بس هل ياترى حد شاعر بالي انا حاسوا
                              ولادي مشكلة فئوية ولا حالة عامة
                              ولا يكنش انا اتحسدت



                              عافكره احنا كلنا نفس شعوروك وانا زيك بالظبط وقعدت اكتر من شهر مابسوقش العربيه وباخد مواصلات خد بالك في ناس عيونها وحشه ربنا يبعدنا عنهم غير الواحد اما يفكر في وضع البلد ويشوف الناس اللي في شارع مضايقه ومهمومه الواحد بيجلوه اكتئاب صدقني ده غير مشاكل الشخصيه
                              احنا ندعي ربنا انه يفك ضيق الناس كلها ويفرجها على كل ناس في مصر ويكرمنا كلنا

                              Comment

                              Working...
                              X