بأختصار حد جرب مقاس كويتش ١٥/١٩٥/٦٠ على يارس

[Y a r i s]

صباح الخير ياشباب



بأختصار حد جرب مقاس كويتش
١٥/١٩٥/٦٠
على يارس

هل بيتحك ولا عادي علماً ان المقاس الاصلي ١٨٥ /٦٠
فبرجاء الي هيقول يكون صادق معنا علشان هيرتبط بكلاموا قرارات مصيرية

[S O P H O S]

فكرت فالموضوع ده بردوا
تعرض الكاوتش بدون تغير الجنط ..

[Y a r i s]

الله ينور عليك يابوحمبد هو ده البتكلم فيه
انو نعرض الكويتش من 185 لي 195
وبستند في كلامي ان الناس الي بتجنط بيركبو 200و 205 كمان والحياة لزيزة ....بس كمان في ناس اصدقائي بيشتكولي انهم عملو الحركة دي في بيجو 405 وعربية وفي اوبل فيكتر وعاوزين يبيعو الكويتشات علشان بتحوووك .... وانا اكره حاجة عندي اني اشتري الحاجة من هنا وابقى عاوز ابيعها من هنا

[BLOODY_STONE]

انا سألت ناس كتييير و محلات جنوط كتييير و كله قال ان ال195 عادي .. بس الكلام انه لازم يبقى 195 55 مش 195 60

[amrrashed]

ياريت حد يفيدنا علشان انا كمان بفكر فى 205/60/15

[egyptiandiver]

سلام عليكم أستاذ ياريس، إيه الفايدة من تعريض الكاوتش؟ المصنع أكيد عمل القياسات بتاعة الجنوط و الكوتش و مقاساته بعد دراسات مستفيضة لإستهلاك البنزين الالتوازن إستهلاك الكاوتش و كلو يبقى إيه العائد يا مدير؟ جارك من أكتوبر - أحمد سامي

[Kareem.ElAraby]

تعريض الكاوتش = ثبات افضل + فرامل أقوي و لكن صوت كاوتش عالي الا لو كاوتش ملوش صوت و زياده طفيفه تكاد لا تذكر في استهلاك البنزين

[egyptiandiver]

Thank you Mr. Kareem

[Kareem.ElAraby]

You Welcome
لصاحب الموضوع
فكر في اليوكاهاما ال C DRIVE
هتدعيلي و ياباني كمان
195/55 ده أقرب مقاس ليك

[Y a r i s]

حبايب قلبي جميعاً معليش سامحوني في التاخر في الرد
بالنسبة لتعريض الكويتش هو زي ما قال استاذ كريم كده شوية ثبات زيادة ومنو كمان اني حاسس لمن بشوف العربية من بعيد ان الجنوط او الكويتشات بتاعتها عاملة زي البلي كدة ( صغيرة )

الي استغربتلوا ان اليارس في الهند والخليج بتنزل بجنط ١٤. بس في مصر واوربا ودول كتير بتنزل ب ١٥ ولا حطت كمان من كل المنتديات الي مشترك فيها ان ناس كتير مركبة جنط ١٦ واشتكيت من ان العربية بتديب على الارض جامد

واكد لي الكلام ده شب من الشباب بسم الله مشاء الله انا مشوفتش حد مزبط عربيتو اليارس زي ماهو مزبطها بسم الله مشاء الله ربنا يباركلو عامل عربيتو نيد فور اسبيد

@@@@@@@@@@

سؤال كمان يا استاذ كريم
بتقول اجرب كويتش يوكهاما وهدعيلك ... طب ما تقولي ياباشا عن مميزاتوا شوقتني ... اهو على الاقل لو ما اشتريتهوش انا اهو هدعيلك دعوة حلوة :)

@@@@@@@

وايجيبشن حبيب قلبي جاري وحبيبي يا. ولكم بيك
اخوك / محمد الرفاعي ... وتحياتي

[Kareem.ElAraby]

حبيبي الله يكرمك و يباركلك فيها و يكفيك شر العين

قريبي جربه في ال 14 عاوز أقولك بيقولي أجيب الفرده ديه ولا أجيب الميشلان !!

ه ناس جربت نقشه اسمها S DRIVE ديه كلبه أداء بقي تراكشن وهمي بس صوتها عالي سيكه و ما بقتش بالاقيها

و لكن ال C DRIVE ما بين الاتنين تراكشن حلو و صوت هادي و ناس هنا علي المنتدي ركبته و عجبها أوي مماثل ل ال تورانزا GR-90 مع الفارق في السعر هو اقل بالتلت تقريبا عن البريدج

انا ان شاء ناوي عليه بس لما ربك يبعت بفلوس و ممكن تسأل الناس اللي ركبته هنا علي المنتدي


افكس بقي لكومهو و هانكوك و ركز في بريدج و يوكاهاما و ميشلان و بس و شوف ال REVIEW بتاعهم علي النت و الاهم النقشه مش نوع الكاوتش و شوف ال Yokahama S Drive ديه علي تاير راك عامل ايه و جايه قبل مين و بعديها مين


بالتوفيق

[acc_jimmy]

كويس ان مقاس الكاوتش فى مصر 15 185/60 هنا فى السعودية الياريس بتنزل 14 175/65 اعلى فئة بس اللى بتنزل بجنوط 15 185/60
ده الكاوتش 14 175/65




وده الجنوط 15 185/60

[Ahmod]

ال 195 يحك !! ؟ ياراجل يا طيب ده ال 205 مش بيحك !!

الياريس تشيل معاك لحد 215 بدون مشاكل

نصيحتي ليك لو حابب تزود الثبات جامد !! يبقى تعمل الافتكاسة اللى انا عملتها

فردتين قدام مقاس 195/55/15

ورا فردتين مقاس 205/55/15

وهتدعيلي من هنا للسنة الجاية !!

الاهم من المقاسات نوع الكاوتش اللى هتركب

ال S drive وال Ecsta SPT تقريبا نفس الاداء والاتنين افضل من التورنزا ال GR90

انا جربت ال Ecsta SPT وبصراحة الفردة دي جباااارة ماشاء الله تبارك الله

[amrrashed]

طب والكومهو السولس اخباره ايه بالنسبة للمقاس ١٩٥/٦٠/١٥

[Kareem.ElAraby]

solus وحش جدااااااااااااا
مفيش تماسك ولا ثبات و زحاليق مع الفرامل