هل الجنط الصيني يستحمل وزن تويوتا ؟ ولا هيتكسر بسرعة !!

[Y a r i s]

ايووووون



هو كدة الموضوع
هل الجنط الصيني يستحمل وزن تويوتا التقيل
ولا بيتكسر بسرعة !!

ناس كتير بتقول لا علشان صيني هيتكسر بسرعة طيب مافي عربيات تقليد تويوتا وبتبقى صيني زي byd او الميكروبصات الصيني الجديدة الي نازلة بتصميمات تقليد تويوتا واكيد جنوطها صيني !

فمنين الجنوط الصيني مبتستحملش ومنين عربيات صيني نازلة بجنوط صيني !

@@@@@@@@@

وتحياتي

[micromoud]

اعتقد والله اعلم ان الجنط اللى فى السوق يعتبر اقل كفاءة وفعالية عن الجنط المخصص اللى بيجى مع العربية حتى لو كانت العربية صينى

[windofchange]

انا شايف الواحد يجيب جنط استيراد تويوتا بنفس رقم الاوفست زي الجنط الاصلي للعربية...صراحة انا معرفش حاجة عن الجنوط الصيني

[AlGazar2]

على حسب الجنط نفسه لو صناعه نضيفه يبقى هيستحمل لو صناعه تحت بير السلم يبقى لو ركبته على ماروتى مش هايستحمل

[Y a r i s]

طيب هو الواحد هيعرف يفرق ازاي بين الجنط الصيني الجيد وبين الجنط المتصنع تحت بير السلم. ... مانتوا عارفين في الصين. بيهتموا بالفينش بتاع الحاجة. ١٠٠٪
ومبيهتموش بالخامات

بالنسبة للجنوط الاستيراد انا لفيت لقيت الجنط جديد بيتباع ب ٣٠٠٠ جنية
وتايلاندي في حين الصيني بيتباع ب ١٥٠٠ جنية يعني النص
بتوع الاستيراد معليش سوري في اللفظ ( اغبية ) وشوية جهلة بيبيعوا الاستيراد على ٣٥٠٠ جنية
يعني اغلى من الجديد وتيجي تسئلهم عن السبب يقولك لا ياباشا ده ياباني اصلي. ... تيجي تقولوا ياعم ده متجرح ومتخرشم يقولك لا ياباشا بس اصلي وياباني ... مع العلم ان مصنع تويوتا مبيصنعش جنوط ... والجنط الياباني الاصلي بيبقى محفور عليه ميد ان جاباني ... زي مثلاً جنط السيريون الاصلي الاصلي الجنط الواحد ب ٢٥٠٠ جنية من التوكيل ذات نفسوا بس اغلب جنوط تويوتا. بتبقى تايلاندي

والدليل على صدق كلامي روح اي توكيل تويوتا عند قطع الغيار وقلوهم عاوز جنوط اسبور الاصلي هيقولك مفيش اطلع للاكسسورات فوق. وتطلع هيقولك لا مش ياباني ده تايلاندي والطقم كلو بصاوميلوا بحاجتوا ب٣٥٠٠ جنية
يقوم بتاع الاستيراد وبالذات الحرفيين يبيعوه على ٣٥٠٠ جنية وتلاقي الجنط متجرح ومتكحت ومتخرشم وههههه في ناس بتشتري وبتبقى مبسوطة قووي ومتكيفه انوا مركب حاجة اصلي :)

بس هل فعلاً الجنوط الصيني سيئة للغاية. زي مالناس بتقول
واذا كانت سيئة ايه ياترى الي بيخلي الجنط يتكسر غير البلاعات !

[Hondawy_2008]

خليك في التايلاندي ثم الماليزي و الأندونيسي

[S O P H O S]

بلاش تشتري صيني فالجنوط
الجنوط والكاوتش مفيش فيه احتمالات للخطــأ
مجرد رأي ..

[egyptiandiver]

جنط استيراد تويوتا... try Portsaid

[Y a r i s]

ماهو المشكلة مفيش جنوط يارس في السوق لا استيراد ولا جديد
بتتخطف بسرعة ... الموجود حالياً فقط جنوط الكورولا ال ١٤ او ١٥
بس المشكلة مش عارف شايف ان شكلها مش هتبقى لطيفة على اليارس هتبقى زي كده



تحس ان الريش بتاعتها رفيعة ولا ايه رايكم

[AlGazar2]

شكلها مش حلو على الياريس

جرب تجيب جنوط اصليه استيراد مش لازم تويوتا تكون مومو او o.z. انزل بورسعيد و خد لفه هناك و لو عايز تجيب صينى نضيف تجيبه من محل موثوق فيه و يبقى ناس عندهم ضمير عشان الى عنده ضمير بيجيب من الصين حاجة كويسه و الى معندوش ضمير بيجيب من الصين منتجات مصنوعه من الزباله و الصينيين بيشتغلوا على حسب طلب الزبون معندهمش معايير نهائى فى الجوده و الخامات فكله على حسب ضمير التاجر الى هاتجيب منه

[S O P H O S]

اعتقد زي ما انت بتقول يا عمدة مش هتبقي حلوة عالياريس

[amrrashed]

حتي لو اشتريته هتبقي مش مستريح وانت ماشي بيه هو الواحد ناقص هوشة دماغ

[egyptiandiver]

المثل بيقول عيش ندل تموت مستور! أنا عند مكتب إستيراد بس بشتغل حالياً في المواد الغذائية... لكن مفيش مانع اشتغل في العربيات الإستيراد. مشكلتي اني بصراحة مش بعرف بظبط اه الموديلات إلي اجبها و تمشي هنا و تكون compatible أو متماشية مع سيارات الوكيل المصري هنا في مصر و قطع الغيار اسعارها كام لو عربية كاملة و مين هيشترهة مني؟ و بكام؟ و لو عوز أجيب تويوتا مثلاً أجيب من أي بلد؟ أنا ممكن أكلم المستخلص الجمركي بتاعي لمزيد من التفاصيل لو حسيت إن ربنا ممكن يرزقني بالمعقول من القصة دي. لو حد عند معلومات مفيدة في القصة دي يا ريت ما يبخلش علينا بيها. و ممكن نعمل إعلان على نيل موتورز و نحاول نلبي حاجة اخوتنا بسعر معقول - في إنتظار رد الاخوة الأكثر خبرة مني - أحمد سامي

[Land_Cruiser]

ممكن mono او o.z نفس مقاس جنط الياريس لو حضرتك ملقتش جنوط اصليه سبور و ممكن تبقى مظبط مع بتوع قطع الغيار و الاكسسوارات ان اول ما يجيله طقم يبلغك إنما بالنسبه للجنط الصينى لا انصح به خالص و طبعا وارد جدا انه يكون منه أنواع كويسه لكن فى نفس الوقت ما ينفعش تجرب على نفسك علشان تعرف ده كويس و لا سىء لان الموضوع خطر جدا. بالنسبه للعربيات الصينى اللى نازله به الموضوع ده مختلف لانهم مختارين نوع معين بمواصفات قياسيه و متجربه و معمول حساب انها تستحمل وزن العربيه و هما أدرى بمنتجاتهم لكن لما حضرتك تشترى جنط لوحده انت مش عارف مصدره و هل هيبقى كويس و لا لأ و زى ما قلتلك سابقا ما ينفعش تجربه على نفسك و هو صحيح بنصف الثمن لكنه مش مضمون

[احمد فهمى]

لو عربيتك ياريس عندى جنط كنت 15 امريكى بتاع ميتسوبيشى ميراج لو مهتم ابعتلى على الخاص