Advice for a new car

[fatema]

please ya gam3a im about to buy a new car this month and i dont really know what to buy:, i want to buy an automatic car keeping in mind that my rate of accidents is a bit high!!!!!!!!!! iam confused between the Yaris , Matrix and Lancer or any automatic ones but not higher than 95,000. please i need an immediate advice
thanks

[memoo_1st]

انا شايف ان لو لانسر 1600 تكون خليجي اوتوماتيك وبعد كدا ممكن يارس واستبعد الماتريكس لاسباب شكليه مسأله اذواق

[fatema]

iam afraid that the gulf versions are not properly maintained in egypt right???????? thanks

[fatema]

Or Peugeot 207 a7san

[محمدايهاب]

بص اللانسر 1600 مصري أحسن واحدة ( لأن في كلام على أنه لازم بنزين اللانسر الخليجي يكون 95 ) بعد كده اليارس و العربية دي ممتازة جدا

[fahd_628]

خليك فى الياريس يا باشا

و فيها كمان 2 اير باج لو حصل حاجة لا قدر الله

بس مشكلتها ان اكصدامتها فيبر و ابعادها صعبة جدا فى الاول

[معاذ الشرباصى]

keeping in mind that my rate of accidents is a bit high!!!!!!!!!!

الهاتشباك احسن عربيات لحد بيعمل حوادث كتير, علشان عربيات ملمومة و ابعادها سهلة و ممكن التحكم فيها بسهولة

لكن لو على الاختيارات اللى فوق:
1- لانسر
2- ماتريكس
3- ياريس

الاختيار ده على اساس موضوع الحوادث الكتير

ال 207 ممتازة, بس قطع غيارها غالية جدا, و التوكيل نص نص

ممكن فكرى فى الابيزا الجديدة, ب 98 الف الاتوماتيك, و فيها ايرباج, ABS, EBD , cd player

[Nile Heart]

الماتركس مافيهاش air bags ولا ABS
ودول دلوقت مابقوش رفاهيه, دول ممكن يفرقوا بين الحياه والموت بعد مشيئة ربنا طبعآ
والياريس اكصداماتها ضعيفه (بحسب كلام ناس كتير)

يبقى ممكن مش فاضل غير الانسر
ال 1600 اوتوماتيك ب 102و يعنى مش صعب تدفع ال 95 وتقسط الباقى على كام شهر

[bassam nagy]

احسن حاجة فى الرنج دة لانسر 1600 من التوكيل المصرى

[جندى مجند]

أنا وجهة نظرى الشخصية بما ان الخبطات كتير عندك زى ما حضرتك كاتبة يبقى الماتريكس أحسن حاجة عشان العربية عالية و هاتش باك و بالتالى أبعادها كلها واضحة و الطريق قدامك أوضح من الياريس و اللانسر و كمان تقدرى تركبيلها defenders حتحميها جامد من خبطات كتير ... هى سحبها أعتقد حيكون أقلهم لكن دى ميزة بالنسبة لحضرتك مش عيب :)

[tamohsen]

متهيألي فعلا الماتريكس أحسن حاجة لأن أبعادها كلها واضحة وسعرها في حدود المتاح
وكمان العربيات اللي مفيهاش بومبيه اسهل كتير في علاج الخبطات

[Sharky]

السلام عليكم

رأى الشخصى ياريـس طبـعا

ما تصدقيش إنها ضعيفة دى عربية واخدة الدرجات الكاملة فى إختبارات الأمان الاوربية
تقدرى تشوفى اللينك دا

http://www.nilemotors.net/Forum/viewtopic.php?t=147

و دا اللينك الخاص بالـTest Drive بتاعها
http://www.nilemotors.net/Forum/viewtopic.php?t=2385

[معاذ الشرباصى]

ما تصدقيش إنها ضعيفة

هى ابعادها صعبة, خاصة لحد لسه مبيعرفش يسوق

[Karim_Monir]

انا فعلا لما قعدت جوة الياريس حسيت اني مش لامم ابعادها
حتي بعد ما ظبطت الكرسي
لو هاتجيبي اتوماتيك هاتي ياباني
لا افضل الكوري وخاصة الهيونداي في الاتوماتيك لاسباب تتعلق بالعمر الافتراضي
لانسر خليكي سبورت بضمان 3 سنين او 60 الف من عند ناشيونال موتورز اللي في الطيران ب 101 الف هاف اسبورت
وعندهم كمان لانسر اتوماتيك كلاسيك ب 92 الف جنية جميع الكماليات اتوماتيك
دي سعرها برة ب 94 الف
لكن السعر ده بيطلعوا استاذ محمد خطاب ليا انا كريم منير
روحي اتفرجي وبعدين احكمي
بس احنا واخدين منهم في الشركة اكتر من 12 عربية لانسر خليجي بضمان
ومركز خدمه بتاعهم محترم جدا
غير كدة اتوماتيك مفيش غير ياريس وبما ان سواقتك مش قد كدة حرام هاتبهدليها فعلا
خليكي في اللانسر

كريم منير

[أبو عبدالله]

رأيي الشخصي لك انتي :

1- الياريس الهاتشباك الجديده ( اختبارات امانها خمسة نجوم )
2- السيريون الكامله ( اختبارات امانها أربعة نجوم )
3- الماتريكس لو يهمك ان الماتور يبقى 1600 سي سي

انا شايف ان دول أحسن اختيارات كبنت لأنهم بيساعدوها على السواقه وتجنب الأحتكاك مع السيارت لسهولة زوايا العربيه