اخوكم من هوندا طالب مساعده في كورولا 2010

[lord_of_egypt22]

السلام عليكم
انا اولا في السعوديه والعربيه بتاعت واحد صاحبي
هي كامله مانيوال وفعلا بحالتها
المشكله انك لما تيجي تنقل وتدوس دبرياج الار بي ام بيعلا ربع او نص لفه
انا افتكرت ان رجله تقيله وبيفضل دايس بنزين بعد الدبرياج
لكن لما ركبتها الار بي ام بيعلا بعد ما ترفع رجلك فعلا عن البنزين
لو ماشي علي التالت او الرابع مثلا وشايل رجلك من علي البنزين 3او4ثواني وتدوس دبرياج الار بي ام مبيعلاش
لما قلقته سأل في التوكيل قالوله عادي
لو حد عنده معرفه بالسبب مبيخلش علينا لاني وعدته اسأله في المنتدي ولكم جزيل الشكر

[Y a r i s]

يا اهلاً بيك يا لورد باشا منور بيتك التاني تويوتا
وبالنسبة لسؤال حضرتك ... ده نظام جديد عاملها تويوتا خصوصي لتوفير اكبر قد من الراحة لقائد تويوتا فهيا لمن ترفع الار بي ام على شرطة او شرطتين فده علشان يديها انطلاقة الوحوش وعزم الاسود
ده غير كمان علشان متبطلش منك وانتا بتنقل
بس ايمتى تقلق بقه ياباشا لمن تلاقي اثناء دوسانك على الدبرياج تلاقي الار بي ام هبط شرطة ... وده بيكون عدم انتظام في كهربة العربية وليه اسباب كتيررة .... وتحياتي ليك ياباشا
وتحياتي لجميع اشقئنا في قسم هوندا

[lord_of_egypt22]

يا اهلاً بيك يا لورد باشا منور بيتك التاني تويوتا
وبالنسبة لسؤال حضرتك ... ده نظام جديد عاملها تويوتا خصوصي لتوفير اكبر قد من الراحة لقائد تويوتا فهيا لمن ترفع الار بي ام على شرطة او شرطتين فده علشان يديها انطلاقة الوحوش وعزم الاسود
ده غير كمان علشان متبطلش منك وانتا بتنقل
بس ايمتى تقلق بقه ياباشا لمن تلاقي اثناء دوسانك على الدبرياج تلاقي الار بي ام هبط شرطة ... وده بيكون عدم انتظام في كهربة العربية وليه اسباب كتيررة .... وتحياتي ليك ياباشا
وتحياتي لجميع اشقئنا في قسم هوندا

الف شكر يا باشا ع الرد الوافي
بس النقطه دي مش مريحاني في العربيه يعني مزعجه شويه وممكن انت تتحكم في الانطلاقه زي ما تحب خصوصا مع موتور محترم زي تويوتا
وشكرا مره تانيه

[M.FOUAD]

العربية دية غالبا جنوب افريقي
العيب دة موجود في كل الموديلات الجنوب افريقي و متدورش ليها على حل
في الخليجي دور بقى على بوابة الانجيكشن

[lord_of_egypt22]

العربية دية غالبا جنوب افريقي
العيب دة موجود في كل الموديلات الجنوب افريقي و متدورش ليها على حل
في الخليجي دور بقى على بوابة الانجيكشن

يا باشا هو الجنوب افريقي بييجي السعوديه ولا كله ياباني؟ واعرف ازاي؟