الحقونى.... يا رجالة... اليارس فى اول يوم

[kehso]

اولا بشكر كل الاصدقاء اللى باركولى ... وزى ماقال الاخ سعداوى لازم يحصل حاجة ....
اسمعوا .. اغرب حاجة حصلت لعربية يارس ودة بشهادة التوكيل النهاردة...
العربية فى اول يوم استلام وبعد يوم ترخيص طويل ركنتها السعة 4 عصرا وحبيت انزل بالليل علشان اظبطها وده كان تقريبا السعة 4 فجرا..تخيلو ايه اللى حصل
العربية فجاة وبدون سابق انذار فصلت باور والزجاج مش بيترفع والكاسيت مش شغال والمسحات والتكيف كل دة تخيلوا .. والمشكلة كمان ان العربية كنت ركنها بعيد عن البيت لقيت نفسى بالليل وحيد.. والعربية الزجاج مفتوح.. ومش عارف اعمل ايه
سهرت فىاليوم دة لحد الساعة 2 ظهرا بعد صلاة الجمعة فى الشارع جنب العربية
و كنت هاجن قلت اشوف الفيوزات لقيتها كلها سليمة .. كل اللى حصل دة ولسة اول يوم المهم اتصلت بمدير مبيعات الرزق (الاسكندرية) وقلتلة على اللى حصل المشكلة كمان ان دة يوم جمعة وكمان العربية الدركسيون تقيل جدا لان الباور فاصل ومش عارف اسوقها... اوديها التوكيل او اركنها حتى بجانب البيت وده اللى خلانى بايت فى الشارع...بصراحة مدير المبيعات طلع راجل محترم وقالى هاحاول اكلم اى حد يجيلك ويشوف فى ايه؟؟..المهم معرفش يوصل لحد فىاليوم دة لانة كان الجمعة واجازة طبعا... بس بعت حد من المعرض يحاول يشوف اية الحكاية .... تخيلوا وصل الراجل ودة كان مندوب بيع فى المعرض وهوه نفس الشخص اللى راح معاياه علشان الترخيص وكنت متفقين نروح يوم السبت علشان نصلح رقم الشاسية فى الرخصة اول لما دور العربية السعة 2 ظهرا بعد الصلاة حصلت حاجة اغرب كل حاجة رجعت تانى يعنى مفيش اى حاجة عطلانة ... قلتلة طب ايه التفسير للى حصل قالى نروح بكرة مركز الصيانة ويشوفة... كملت يومى عادى جدا وركنت العربية كان مفيش اى حاجة وبعدين ... يوم السبت الصبح نزلت علشان اروح المرور لقيت نفس الحركة حصلت تاني بس الحمد لله المرة دى كنت اهدى شوية وحاولت اركز علشان اعرف فىاية لقيت فى التابلوه لمبة ال p/s منورة وكمان لمبة المحرك ..
سيبتها شوية ودورتها بعد ربع ساعة لقيت كل حاجة اشتغلت تانى .. طبعا كدة فى حاجة مش مظبوطة... روحت المرور وبعد كدة روحت مركز صيانة الرزق علشان يشوفة فى اية!!! بعد تقريبا ساعتين وعايز اقولكم انهم كانوا فكين كل التابلوه علشان يراجعوا على كل حاجة ويشوفة المشكلة منين لانها بشهادة الجميع .. اول مرة تحصل لعربية يارس خصوصا ان علبة الفيوزات كلها سليمة ... طبعا انا كنت منهار العربية لسة مش بقالها معاية يومين ويتفك التابلوة كدة حتة حتة...طبعا كنت زعلان جدا ... المهم لاحظم ان الفيشة اللى بتوصل الكهرباء لعلبة الفيوزات بتعلق لانها لما بفصلوها بيحصل الحاجات دى ..بس بردة كانوا محتاجين العربية علشات يجربوها ويشوفة العيب بيحصل ازاى ويكشفة علية بالكمبيوتر .. طبعا كان مش هاينفع اسيب العربية علشان مش هاعرف ارجع البيت كده... قالولى طب هانحاول نربط على الفيشة كويس يمكن يكون بيحصل اهتزاز فيها مع المطبات وده اللى بيخليها تفصل وخده بيانات العربية علشان يبلغوا توكيل مصر انه يحضرعلبة فيوزات وفيشة جدبدة لو المشكلة تكررت تانى وقالو لو حصلت تانى هانبعت حد يخدها من قدام البيت وتسيبها عندنا علشان نشوفها كويس وكمان نجربها وطبعا نغير طقم الكهربة كله بصراحة كانوا محترمين جدا واهتمو جدا بالموضوع ... وانا بقى مروح سواق ميكروباص منه لله ريح علية من الخلف بس الحمد لله الاكصدام الخلفى اتخربش حاجة بسيطة الحمد لله طبعا مع كل المشاكل دى كنت ماشى سرحان (الله يكون فى عونى ) فالعربية حكت فى الرصيف نزلت اشوف فى اية لقيت الطاسة اتخربشت و الاكصدام الامامى فيه حكة بسيطة من تحت بس الحمد لله على كل شىء ... ساعدونى يا اصدقائى اعمل اية........؟ لو فى اى حد عندة معلومة او نصيحة لوجه الله ياريت يساعدنى ......
نسيت اقولكم ان مدير مبيعات الرزق ومندوب البيع كانوا كل شوية يتصلوا بيه علشان
يتابعه معايه الموضوع واتصلو بمركز الصيانة كمان علشان يهتمه اكتر بالمضوع بصراحة كانوا محتريمن جدا.....كل ده ولسة ثالث يوم لليارس قلولى اعمل ايه.................؟؟؟؟
----------------------
نصيحة لوجه الله
أتقن كتابة إسم ربك
الإدارة

[TAREK ZIAD]

إدعى ربنا يرفع عنك عين الحسد
"أعوذ بكلمات الله التامة من كل شيطان وهامة ومن كل عين لامة" ... و المعوذتين
وإن شاء الله ربنا يبارك لك فيها ... عموما كلها حاجات بسيطة ...و قضاء أخف من قضاء ...
بس ما شاء الله توكيل محترم ...

[Dr Ahmed]

تشخيصهم منطقى جدا وإن شاء الله صحيح
ولو صحيح يبقى المشكلة إتحلت
وبالنسبة للخرابيش خلاص إنت خدت صدمة الخربوش الأول ، بعد كده رد فعلك هيكون أقل ، لكنى دايما أقول مهما كان الوضع سئ فاحترس حتى لا يكون أسوأ .. يعنى خد بالك من طريقك وأكثر من الصدقة والإستغفار والذكر

[محمد ابراهيم 1]

الحمد لله على كل شىء
لكن كنت تعمل معاهم مشكله وزعيق وصوت عالى
بس المشكله إنك حكيت العربيه
لو مكنتش حكيتها كنت تسيبها لهم وتاخد واحده جديده لأن ده تهريج وأنا أشك إن العربيه ممكن تتظبت تانى معاك بعد اللعب ده كله
ربنا يعديها على خير

[hazem_khidr]

لا حول و لا قوه الا بالله
العربيه واخده عين جامده ما يتقالش غير كده
دا التفسير الوحيد
بس انا حاسس انهم كده عملوا الصح و العربيه حتنضبط ما تقلقش

[hero]

اولا ....ما تزعلش نفسك...فداك 100 عربية...
ثانيا ...طلع صدقة شكر لله علي ما رزقك
ثالثا...تابع مع التوكيل وان شاء الله هاتلاقي الحكاية بسيطة...وانا شاكك انها منهم ...لان البشوات هم ايلي بيركبوا الكاسيت....يعني للاسف العربية بتتفك علي ايديهم قبل ما سيادتك تشوفها او تستلمها ...وممكن يكون في وصلة غلط ولا قفلة عملوها...وعموما هاتتصلح وتبقي زي الفل ان شاء الله...

[دموع الثلج]

لا حول ولا قوه الا بالله

واضح انك متوتر جدا ومرعووووووووووووووووب من العربيه او عليها

بص اهدااااااا كده وسمى بالله واذكر ربنا كثير اوعى تنسى سمى بالله كده وقول دعاء الركوب قبل ما تدور عربيتك

طلع صدقه لوجه الله
معلشششششش روق كده وهدى اعصابك موضوع الخرابيش ده كلنا زهقنا منه متضايقش ده العادى بتاع مصر
موضوع الكهرباء وعلبه الفيوزات دى مشكله التوكيل متشغلش بالك هيصلحوها وهتستلمها 100 \100
بس الاهم بلاش تزعل نفسك وتضايق عشان متكرهش العربيه

[alivara]

غريبة اوى ان كل المشاكل ديه تحصل فى يومين بس فعلا العربية واخدة عين جامدة من حد حاقد عليك او ما كنش يتوقعلك الخير , ربنا يطمنك على ياريس و تتصلح و تبقى زى الفل
بس الغريب ان فعلا شكلها اصبحت قاعدة زى ما استاذ سعداوى قال و انا عارضته ان العربية لازم تحصلها حاجة اول اسبوع ربنا يستر على الانترا بتاعتى اللى حشتريها فى اول تسعة و كون القاعدة ديه فى تويوتا بس
روق كده يا باشا و اطمن مفيش مشكلة جامدة فى العربية كل ده بسبب فيشة مفيش مشكلة يعنى و ان شاء الله تبقى تطمنا على ياريس حبيبة المنتدى كله

[algo2000]

Enna lillah wa enna elaihi rageouun
Alhamd lellah, you are fine. Do not be upset, suppose you might have a big accident if the car was ok at that time
En shaa allah, we wish all the problems be solved
?could you change your car

[l0new0lf]

الحمد لله على كل شىء
لكن كنت تعمل معاهم مشكله وزعيق وصوت عالى
بس المشكله إنك حكيت العربيه
لو مكنتش حكيتها كنت تسيبها لهم وتاخد واحده جديده لأن ده تهريج وأنا أشك إن العربيه ممكن تتظبت تانى معاك بعد اللعب ده كله
ربنا يعديها على خير

qaddar alaah wama sha2 fa3al
akhd el 7a2 7erfa
we 3omr ma kan ez3e2 aw elet eladab btgeb natega bil 3aks, de awel 7aga btede entba3 mosh kowayes 3an ele bye3melha, saneyan eze3e2 wesoot el3aly beyshel tafker ele odamak famaye3rafsh yfakar fe 7al lemoshkeltak, wa eza kan 3ando 7al momken yabkhal 3alek beeh 3ashan elet adabak
ana shayef enak etsaraft sa7, welnas bardo ma2asarosh. e7taseb wa akther mil este'3far we insha alaah hayekteblak el kher we sala7 el7al

[kehso]

اشكر جميع اخوانى فى المنتدى على النصيحة و وقوفهم بجانبى..اولا .
لكن للاسف المشكلة تكررت تانى النهاردة وكلمت المهندس (نائب مدير مركز الصيانة ) وعلى فكرة هو ساكن بجانبى .. وقولتلة ان المشكة اكررت تانى
رد قال انا هابعت طلب من القاهرة لعلبة فيوزات جديدة ودة ياخد حوالى يومين
لكن افضل انك تخلى العربية عندك لحد لما علبة الفيوزات الجديدة توصل وعلى العموم هوه على اى حال جاى علشان يشوف العربية
يا ترى ياخد العربية احسن ولا اخليها عندى لحد لما الحاجة توصل...
طبعا الحاجة ممكن تاخد وقت اكتر لانها ممكن تكون مش موجودة فى مصر ويطلبوها من اليابان وده اكيد فيها مش اقل من اسبوع
افيدونى يا اخوانى .... اعمل ايه...؟! انا بجد احترت ومش عارف اعمل اية ........

[hazem_khidr]

سلمها ليهم احسن
و لو المشكله ما اتحلتش عليك و علي حمايه المستهلك يرجعوا لك العربيه