اخيرا استلمت الياريس

[acc_jimmy]

الحمد لله استلمت اليوم سيارتى اليارس موديل 2013 لون فضى نص فل وكنت عايز اركبلها كاوتش غير اللى فيها اصل انا حاسس انه صغير وشكله وحش عليها فتنصحونى اركب كاوتش مقاس كام و جنط مقاس كام

ودى صور السيارة






علما بان مقاس الكاوتش اللى راكب فيها R14 175 / 65

[kar!m]

ألف مبروك .. انت كان معاك ياريس 2008 .. حاسس بفرق ايه بين دي و دي؟

[AhmedNaeem]

هي الياريس 2013 شكلها اتغير ؟؟

[jackson_75]

الف مبروك . الله يبارك لك فيها ويكفيك شرها ويعطيك خيرها , لاتنسي دعاء الركوب ( الحمد لله الذى سخر لنا هذا وما كنا له مقرنين وأنا إلى الله لمنقلبون )

[MoStAfA MaHmOuD]

ما شاء الله ربنا يباركلك فيها

[egyption2012]

ألف مبروك وان شاء الله ربنا يبارك لحضرتك فيها ويكفيك شرها
النصيحة الأولى هي بعدم تغيير مقاسات الكاوتش والجنوط لأنها الأنسب مع السيارة
الا اذا اعتبرت مسألة زيادة الثبات من خلال زيادة الجنط أمر لازم بالنسبة لك
أو غير ذلك من الأمور التي تعرفها انت أكثر من غيرك
أم إذا كنت مصمم على تغيير مقاسات الجنوط
فتعامل مع هذا الأمر للمقارنة بين المقاسات القديمة والجديدة
Tire Size Calculator - tire & wheel plus sizing
وهذا الموقع ليبين لك فروقات السرعة
Tire Size Calculator - Compare Tire Sizes

[Y a r i s]

الف الف مبروك يا جيمي يا حبيبي
بس جيبتها فضي لييييه هههههه مين الي شار عليك بكده هههههه ، بسم الله مشاء الله لون شيك وبارك الله في اختيارك. .... بالنسبة لسؤالك يا جيمي باشا. بخصوص الكويتش هو نصيحة انك تسيب الكويتش الي فيها. ياخود وقتوا على الاقل لان انا اكتشفت ان شركة تويوتا. بيصنع ليها نقشة من قبل شركة برجيستون. النقشة دي مبتتباعش بره. لاي حد ...

بس عامة ممكن تجنط الجنوط الاصلي بتاعتها شفتها على موقع حراج. واحد بيبعهم لسه بشوكهم على ١٥٠٠ ريال وركب عليهم مقاس. ١٨٥/٦٠/١٥. او مقاس ى١٥/٦٠/١٩٥ وتحياتي

[egyption2012]

المقاسات المذكورة بمشاركة الأخ yaris
المقاس الأول مقبول والثاني غير ملائم
طبقا لما ذكرته مواقع المقارنة

[midnightman_74]

هى اليارس السيدان مش ناوية تنزل مصر؟؟؟؟

[acc_jimmy]

ألف مبروك .. انت كان معاك ياريس 2008 .. حاسس بفرق ايه بين دي و دي؟

والله الفرق مش كبير عموما فى الشكل الخارجى طبعا الشبكة الامامية فقط
وفى الداخل لون الطابلون تغير من اللون الاسود الى اللون الرصاصى ومن وجهة نظرى التغير ده كويس وبقى بينزل عداد rpm فى كل الفئات
وافضل حاجة اتغيرت الكمبروسور بتاع التكييف علشان كان فية مشاكل ودلوقتى مبتحس انك مشغل التكييف بسم الله ما شاء الله الموتور تحس انه ثابت
وعلى فكرة كل التغيرات دى بدأت من موديل 2010

[acc_jimmy]

الله يبارك قيكم يا شباب واشكركم جميعا على اهتمامكم

[hossam_elwani]

الف مبروك عليك هيا 1500 ولا 1300 ولا 1600 سى سى

[acc_jimmy]

الف مبروك عليك هيا 1500 ولا 1300 ولا 1600 سى سى

هيا 1300 هاف اوبشن

[hisham2111]

الف الف الف مبروك يس حشرتك انا معايا ياريس 2013 هيا هاتش باك وشكل مختلف تماما ازاى الى مع حضرتك دى 2013

[احمد فهمى]

السيدان فقط بالشكل ده مستمر فى السعوديه والخليج وبعض الدول