الحقوااا يا تويوتاوية الكرولا الشكل الجديد مش هاتبقى يابانى

[Optiplex]

السلام عليكم التويوتا علشان هاتغير الشكل مش هاتصنع فى اليابان و هاتبقى تركى و دة كلام من جوة الشركة و من ناس مقربة اينعم هاتبقى شكل احسن بس تركى هيا فلحت فى الجنوب الافريقى لما هاتفلح فى التركى و محدش يقلى التركى هاتبقى حلوة مع احترامنا للاتراك كفاية عليهم مسلسلاتهم بس كدة هيبة الكرولا وقعت ياترى كدة الواحد لو عايز كرولا يلحق اخر اليابانى و لا يعمل اية بس

[horas3000]

عادي يا زعيم
مهي بقالها فتره كبيره بتنزل في الخليج تايلاندي

كمان التركي مش وحش قوي كده
روح شوف الفلوينس و الميجان 3 تقفيلهم عامل ازاي
ده حتي السيفيك قمة الياباني الكومباكت بقت تتجمع هناك

الخلاصه انهم يلتزموا بالمواصفات الاساسية و بلاش فتي و اختراعات غير مجربه زي ال mmt

[Mohab.Nabil]

تركيا وحشة ؟؟

و كفاية عليهم مسلسلاتهم ؟؟

[zangry]

تركيا وحشة ! حرام عليك :( ده كفاية هويااام :d

[S O P H O S]

التويوتا لو مش بتتقفل فتركيا دي لو بتتقفل فمصر حتي
حتفضل تويوتا العربية دي لو اي حد جمعها هتبقي وحش اسمه كورولا بردوا
الاهم الصناعة اولا واخيرا والباقي مهم بردوا
ولكن مش فأولوية الصناعة وجودة القطع
مجرد رأي ..

[esam_ayad]

أنا معاك ان الياباني مايعلاش عليه لكن برضو لو العربيه هاتبقي تقفيل بس مش صناعه 100%تركي يبقي كده مافيش مشاكل.
وعلي فكره الكورولا هنا في الكويت تصنيع تايواني وللأسف مش علي مستوي الياباني خالص وعلي سبيل المثال ودي حاجه بسيطه لاحظتها في أكتر من كورولا ان لمبة الفانوس الخلفي واحده شغاله وواحده محروقه علي الرغم من انها موديل 2011 و2012
فلو هاتبقي تقفيل بس يبقي مافيش مشكله.

[Mahmoud Nagieb]

السلام عليكم التويوتا علشان هاتغير الشكل مش هاتصنع فى اليابان و هاتبقى تركى و دة كلام من جوة الشركة و من ناس مقربة اينعم هاتبقى شكل احسن بس تركى هيا فلحت فى الجنوب الافريقى لما هاتفلح فى التركى و محدش يقلى التركى هاتبقى حلوة مع احترامنا للاتراك كفاية عليهم مسلسلاتهم بس كدة هيبة الكرولا وقعت ياترى كدة الواحد لو عايز كرولا يلحق اخر اليابانى و لا يعمل اية بس

هيا فكرتك عن تركيا مسلسلاتهاا ؟؟؟؟

حقيقى مش عارف ارد

[A.Adel]

أنا معاك ان الياباني مايعلاش عليه لكن برضو لو العربيه هاتبقي تقفيل بس مش صناعه 100%تركي يبقي كده مافيش مشاكل.
وعلي فكره الكورولا هنا في الكويت تصنيع تايواني وللأسف مش علي مستوي الياباني خالص وعلي سبيل المثال ودي حاجه بسيطه لاحظتها في أكتر من كورولا ان لمبة الفانوس الخلفي واحده شغاله وواحده محروقه علي الرغم من انها موديل 2011 و2012
فلو هاتبقي تقفيل بس يبقي مافيش مشكله.

لو حضرتك تقصد لمبة ال reverse , دي عادي و موجودة في عربيات كتير
الفوج بيبقى في فانوس و ال reverse في الفانوس التاني

ال 308 مثلا كده

بس أنا مستغرب إن حضرتك بتحكم على عربية من لمبة !!!!!!!!
أنا قلت هتقول مشاكل في التقفيل ,في الخامات

[esam_ayad]

لو حضرتك تقصد لمبة ال reverse , دي عادي و موجودة في عربيات كتير
الفوج بيبقى في فانوس و ال reverse في الفانوس التاني
ال 308 مثلا كده
بس أنا مستغرب إن حضرتك بتحكم على عربية من لمبة !!!!!!!!
أنا قلت هتقول مشاكل في التقفيل ,في الخامات

لأ يا باشا أنا أقصد اللمبات بتاعة الفوانيس الخلفيه نفسها اللي لونها أحمر سواء كانت العاديه او اللمبه بتاعة الفرامل.يا باشا لم عربيه تبقي 2012 ومش عربيه واحده أنا شفت اكتر من عربيه واللمبه تبقي محروقه يبقي ايه؟
وعلي فكره الكورولا هنا مابقاش حد يشتريها كتير من الكويتيين واللي بيشتريها بيبقي من المصريين.
وللمعلومه الكورولا سمعتها نزلت كتيييير في السعوديه كمان علشان التصنيع والتقفيل التايواني التعبان ومن أكتر المشاكل اللي اتكلمو عنها تفكيك الإكصدام علي سرعه عاليه.

[Optiplex]

هيا فكرتك عن تركيا مسلسلاتهاا ؟؟؟؟

حقيقى مش عارف ارد

لا يا باشاا طبعا مش موضوع انطباعى عن تركيا المسلسلات الفكرة ان من يابان لتركى فى فرق كبيرررررررر و مش هاقبل فية تقاش

[Land_Cruiser]

حركه متوقعه. يظهر انه بعد تجربه انهم يجمعوها في اليابان اللي كان نوع من الدعايه و اسلوب للمنافسه اعتمادا علي اسم اليابان ما جابش النتيجه المرجوه منه لان اللي حصل انهم عملوا عربيه تقليدية امكانياتها عاديه جدا و كمالياتها قليله و سعرها غالي و بالتالي الإقبال عليها مكنش قد كده خاصه مع وجود المنافسين من كوريا و الصين اللي تصميماتهم جذابه و كمالياتهم كتير وأرخص ( او كانوا ارخص بعد الزيادات الوهميه الحاليه في الاسعار) و بالتالي تويوتا قررت تواجه بطريقه تانيه و هي التجميع في بلاد الأيدي العامله فيها ارخص و كذلك المكونات المحلية اللي هتبقي من هناك كمان ارخص و خاصه بعد ما شافوا ان في تركيا بتتجمع عربيات تانيه زي الفل و طبعا تويوتا لو فتحت مصنع في العتبه حتي ما بتهزرش في موضوع اللجوده و الحفاظ علي اسمها و بالتوفير في التكلفه تقدر تزود بيه في الكماليات او تطور من الشكل الخارجي للدخول الي حلبه المنافسه مره تانيه بقوه و بكده هي مستفيده و كمان المستهلك اكيد و موضوع المشاكل في موديلات اللي كانت بتتجمع في جنوب أفريقيا كان سببه تكنولوجيا ال mmt اللي كانت فيها مشاكل و ملهاش دعوه ببلد التجميع و لو اتجمعت في اليابان بال فتيس ده برضه كان هيحصل فيه مشاكل فهي صدفه مش اكتر

[Ahmod]

على فكرة الجنوب افريقي ماحدش اشتكى من تقفيلها او خامتها !! ؟ او حتى حصل فيها اعطال - بغض النظر عن موضوع ال mmt -

لولاه كانت الجنوب افريقي اكتسحت الياباني !!!!!

[MaZaGAngeE]

و احتمال تكون مصري ...
لان تويوتا و هيونداي خدوا ارض في منطقة ابوراضي الصناعية في بني سويف و هيبدا البنا قريب جدا يعني ممكن على 2014 او 2015 الانتاج الفعلي

[omaroof]

العربيه كشكل تحفة فعلا
1- التقفيل حايكون تركى موش عارف لازم نشوف وهل الموجود فى السوق دلوقتى تركى ولا يابانى؟
2- العربيه الجنوب افريقى اللى نزلت مصر من 2008 ماحدش اشتكى من التقفيل وخاماتها ممتازه لكن مشكلتها كانت قطعه معينه فى الجير
3- التيلاندى اللى نزل اسواق الخليج قعد سنه او اتنين وبعد كدا 2012 نزلت يابانى تانى
4- الكامرى الاخت الكبرى تقفيل استرالى فعادى اهم حاجه الجوده
5- الشركات العالميه دلوقتى بتصنع فى الصين فكويس انهم اختارو تايلند

[تويوتا افريقي]

احنا عمرنا كمصريين مش هانتقدم الجنوب افريقي زي الفل عن تجربه ونفس عيوب الخليجي اللي بيقولوا عليه ياباني حتى التزييقه اللي في الديكورات الداخليه في الخليجي ده يامصرييين تجميع مش تصنيع وبيكون تحت اشراف كبااااااااااااار مهندسي تويوتا وعشان فتي المصريين زاد سعر الخليجي اللي موتوره اضعف اصلا من الجنوب افريقي وبسبب الفتي ظلمتم بتوع الجنوب افريقي اللي اصلا عربيتهم فيها مواتير تناطح السحاب كفايه افترا وظلم تويوتا مش هايفه كده عشان تضيع اللي وصلتله كفايه نهندس ونعمل فيها مهندسين بأمارة ايه جميع كليات الهندسه في مصر معاملها ماتجددتش من عقود فاتت عايزه الحرق من الاخر حسبي الله ونعم الوكيل في كل واحد يخرج كلام مش عارف هايودي الناس بيه فين كفايه لبستوا الناس في الحيط وعلى فكره بتوع الخليج بيتمنوا ربع الجنوب افريقي دي ادخلوا على المواقع الخليجيه واتعبوا نفسكم شويه وحاولوا تقراوا شويه وشوفوا هما بيشتكوا من ايه هاتعرفوا ان الجنوب افريقي من احسن الحجات اللي توكيل تويوتا في مصر عملها