لسه في حد بيركب كورولا 2007 ولا هيركبها ؟؟؟؟

[abdohtaby]

السلام عليكم

كنت عاوز اعرف هو لسه في حد بيفكر في الكورولا 2007 وفي حد لسه بيشتريها ولا ايه

[Mostafa.Mahran]

العربيات التويوتا الموديلات دى ماسكة سعرها كويس و الناس بتدور على الحالة النضيفة منها

واحد صاحبى شارى واحدة 2006 و ماشية 100 الف و راشة رفرف بس ب 95 الف

[Survival]

من اكتر موديلات تويوتا المطلوبة فى السوق نظرا لقلة اعطالها لكن ثباتها على السرعات العالية مش اوى بصراحة انا شايف ان شكلها قدم.

[midnightman_74]

العربيات التويوتا الموديلات دى ماسكة سعرها كويس و الناس بتدور على الحالة النضيفة منها

واحد صاحبى شارى واحدة 2006 و ماشية 100 الف و راشة رفرف بس ب 95 الف

بصراحة انا مش عارف الناس بتفكر أزاى
يدفع ٩٥ ألف فى عربية كورولا بقالها ٧ سنين و ماشية ١٠٠ ألف كيلو !!!
طب ما يزود ١٠ ألف ويركب نيو صنى زيرو وتعقد معاة خمس سنين زيت وبنزين لما تفكر تقول اى

[monamize4]

الكورولا دى من العربيات اللى اخدت حقها بزيادة ف السوق المصرى
الحق يقال هى اعتمادية اوى و مريحة جدا بس متستهلش السعر دا

[د.محمود صلاح]

سمعتها ممتدة من زباينها في الخليج ايضا

[S O P H O S]

عربية نجحت وعملت سعر منطقي يبقي كده
الكورولا السيفيك كام عربية عملوا اسم وسعر ..

[yassermahmmoud]

طبعاً سعرها فيها لأن هذه العربية حمارة شغل ولا تطلب أي حاجة، عرفت ليه ماسكة سعرها حتى الآن، لأنها مش زي العربيات الورق اللي موجودة الآن، أنا كان معي كورولا 2007 قوة 1300 حصان بعتها وأشتريت كورولا 2009 قوة 1600 حصان جلست معي سنة ونصف وأكتشف خلال هذه الفترة أن الكورولا 2007 برقبتها وأنا أتحدى أي أحد يقول غير هذا الكلام، كنت بسافر بها من جدة الى مكة والعداد يوصل حتى 170كم وكأنها ولا شيء، ثم جربت موديل 2009 ولما وصلت الى مكة وجدت الرفرف الأمامي كله إنفك وإتضح لي بعد ذلك أنه لا يوجد تحته مصد مثل الكورولا 2007.