استفسار

[robinhood]

السلام عليكم
لو سمحتم انا عاوز اعرف عند استلام كورولا جدبدة من التوكيل افتش على اية عشان كلة يبقى تمام عند الاستلام
شكرا

[sharkass]

بسم الله الرحمن الرحيم
شوف يا استاذى 1- تشوف فى ايه تجاريح فى البوية الخارجية ام لا ( خاصة على الحاجز الأمامى و الخلفى و
العتب ).
2- على حسب الفئة غللى انت شاريها تأكد من الطاسات أو الجنوط 5 مثل بعض ام فى حاجة مختلفة ( السيارة المجهزة بجنوط بتنزل 5 شامل الجنط الإحتياطى فتأكد منه ) .
3- عدة السيارة من مفك و كوريك ومفتاح للعجل .
4- تأكد من تشغيل كل ما هو جزء كهربائى بالسيارة للتأكد من عمله بكفائة .
5- القيام بتشغيل السيارة مع رفع الكابوت و التأكد من عدم وجود اهتزازات غير طبيعية بالماتور .
6- التأكد من تسليمك 3 مفاتيح للسيارة 2 بريموت و الثالث عادى + الكتالوجات و شهادة الضمان
7- لا توقع على ايه مستندات دون مراجعة ما سبق
ثم توكل على الله مع قراءة بعض السور و الإيات القرءانية
و الف الف مبروك مقدما

[robinhood]

شكر جزيلا

شكرا جدا لمشاركتى خبرتك

[sharkass]

لا شكر على واجب
ربنا يعطيك خيرا و يكفيك شرها
ملحوظة ( تأكد من عمل الباور وذلك عن طريق تشغيل السيارة أولا و تحريك عجلة القيادة فى كلا الإتجاهين لو خفيف جدا ده شئ طبيعى لأنه باو كهرباء وليس زيت )
لو فى امكانية عمل اسطوانة Mp3 قبل الذهاب للتوكيل وذلك لتجربة الـ Cd