استفسار من ضيف

[هيثم الشرقاوى]

السلام عليكم يا رجالة التويوتا
اخوكم هيثم من قسم دايو
استاذن حضراتكم عايز تسعير عربية تويوتا كورولا 2004 لون ابيض 1300 سى سى خليجى مانيوال فابريكة دواخل مغيرة اكصدام امامى فقط وحالة الدهان جيدة والحالة العامة للموتور والعفشة جيدة

[S O P H O S]

اهلا بيك يا باشا منور ,,
ياريت حضرتك تقولنا العداد كام وحالة الكاوتش وعموما الحالة جيدة فقط ام ممتازة ..

[Y a r i s]

باعتقادي هتلعب في رينج ال ٦٠ الف او ال ٧٠ كبيرها قوي
وده لو صاحبها تاجر ... وكمان على حسب ماشيه قد ايه بس انا من رئيي. سيبوها تصدي وموديلها. يعدي ... يعني في بدائل كتير وعلى فكرة اصحاب الكورولا او التويوتا مش طماعين بالعكس بيبعوا العربية في الحنين بس التجار منهم لله هما الي خربينها وبيطلبوا المستحيل في العربيات ... وبالتوفيق. مقلتليش بقه يا باشا بما انك ضيف عندنا واول مره تشرفنا. تحب تشرب ايه ... وسكرك ايه ... وتحياتي :)

[S O P H O S]

لا لا يا عمدة في ايه بس انت زعلان مننا ولا من التويوتا الايام دي ,,,
كورولا ب 60 الف وموديل 2004 ليه هو بس طب شوف الفيرنا واللوجان (حبيبتك) بتتباع بكام دلوقتي
اصل ممكن 70 ودي لو حالة مش اوي كمان
لو شوفت الياريس مانيوال 2006 او 2007 شوف سعرها بقي الكورولا 4 او 5 هتكون ايه
انا معاك فالاسعار الوهمية ومن زمان واحنا متفقين ان في وهم فاسعار الكورولا
لكن الكورولا ليه سعر ومش هتنزل عنه مدام سليمة ولا انت يا حج عاوز الصقور يقولوا بص الصني بكام
والكورولا بكام وانت عارف مش هنقدر نقولهم حاجة ده احنا اخوات فالياباني
معلش زود السعر شوية يا عمدة ومن عاوزين الشاي والا بقي بقي اعرض عربيتي
وهي حاجة و90 الف كيلو وانت عارفها كويس واقولك الاسعار ايه وبعد الزيادة
واسمحلي اقولك معلش اني طولت عليك فالنقاش
انت عارف اني بحب اكلمك لما بتكون فالقسم بستغل الفرصة بصراحة
كل تحياتي ليك يا عمدتنا ..

[Y a r i s]

حبيب قلبي يا بوحميد
عربيتك انتا تسوى ده كفاية انك انتا الي سايقها يا غالي .... واقولك ايه ده كلو تخمينات انا بقالي فترة بعيد عن السوق بالذات اليومين دول مع تذب ذب سعر الدولار قدام الجنية وضعف القوة الشرائية للجنية .
ده كفاية ان ال ٥٠٠ جنية الان. تسوى ١٠٠ جنية زمان. وكل مالناس تطلب زيادات في المرتبات كل ما يغرق الجنية اكتر واكتر ووتحياتي

بس هيا الكورولا ٢٠٠٤ عاملة كام دلوقتي. ال١٣٠٠ وال ١٦٠٠ !!!

[Lifz_Good]

ال 1600 نزل من أول 2006 فيما بعد

بتكلم عن السوق المصرية.........................

[S O P H O S]

حبيب قلبي يا بوحميد
عربيتك انتا تسوى ده كفاية انك انتا الي سايقها يا غالي .... واقولك ايه ده كلو تخمينات انا بقالي فترة بعيد عن السوق بالذات اليومين دول مع تذب ذب سعر الدولار قدام الجنية وضعف القوة الشرائية للجنية .
ده كفاية ان ال ٥٠٠ جنية الان. تسوى ١٠٠ جنية زمان. وكل مالناس تطلب زيادات في المرتبات كل ما يغرق الجنية اكتر واكتر ووتحياتي

بس هيا الكورولا ٢٠٠٤ عاملة كام دلوقتي. ال١٣٠٠ وال ١٦٠٠ !!!

تسلم يا حج ربنا يخليك
هو كورولا 2004 1600 لا الي بينزل 1300
انا مقولتش انت بعت عن السعر هو 70 ممكن لكن 60 الي خلتني استغرب
لان العربية تدخل فشريحة من 70 الف الي 77 الف وممكن اعلي كمان حسب الحالة
وده فقط لانها مانيوال وعاوز اقولك ان 2006 و2007 ال 1300 مش ال 1600
يتعمل من 90 الف الي 95 الف حاليا وال 1600 منهم من 120 الي 125 الف اوتو
للاسف ده واقع بس كل الي بيتكلم عليهم دولا حالة ممتازةعلشان محدش يستغرب
والسوق الحكم وكويس انك بطلت تنزل علشان هتستغرب جدا من الي هتشوفه
ملاحظة البيكانتو سعر من 95 الي 99 تقريبا كشريحة سعر ولسه ترخيص
يبقي مفيش استغراب حاليا من شئ
تحياتي يا عمدة ..

[هيثم الشرقاوى]

باعتقادي هتلعب في رينج ال ٦٠ الف او ال ٧٠ كبيرها قوي
وده لو صاحبها تاجر ... وكمان على حسب ماشيه قد ايه بس انا من رئيي. سيبوها تصدي وموديلها. يعدي ... يعني في بدائل كتير وعلى فكرة اصحاب الكورولا او التويوتا مش طماعين بالعكس بيبعوا العربية في الحنين بس التجار منهم لله هما الي خربينها وبيطلبوا المستحيل في العربيات ... وبالتوفيق. مقلتليش بقه يا باشا بما انك ضيف عندنا واول مره تشرفنا. تحب تشرب ايه ... وسكرك ايه ... وتحياتي :)

ياباشا كللك زوق وانا كمان هوفر عليك المشاريب بس ياريت تدعيلى معاك (شمش كدة اوفر ولا اية )
وفعلا الراجل طالب 65 وان شاء الله لو فى نصيب هاخدها
والف شكر لجميع الاخوة الى شاركو فى الرد

[Y a r i s]

ياباشا كللك زوق وانا كمان هوفر عليك المشاريب بس ياريت تدعيلى معاك (شمش كدة اوفر ولا اية )
وفعلا الراجل طالب 65 وان شاء الله لو فى نصيب هاخدها
والف شكر لجميع الاخوة الى شاركو فى الرد

ااااااااااااالله اكبر
بسم الله مشاء الله .... بسم الله مشاء الله ... شوف ياخي حتى وانا بعيد عن السوووووووووق قلبي يحس بسعر التويوتا من على بعدد خمسه وخميسة حولي وحوليه ( حد يرقيني ياجماعة ) ههههههههه خسارتي واللهي اني بعيد عن سوق الجمعة ... المشكلة لمن بنزل سوق الجمعة واشوف التجار. بيبيعوا العربيات كانهم بيبيعوا تيرمس. واشوفهم كده وهما. قاعدين جمب العربيات بيموصوا قصب بمناظرهم دي. ... تتفقع مرارتي ويرتفع ضغطي والسكر عندي مش عاوز اقولك ممكن يوصل ٤٠٠ والضغط. يوصل ٢٠٠ علشان ازاي وازاي الناس دي تعامل العربيات بالشكل ده ...
وتيجي تسئل واحد منهم عاملة كام العربية. تبص تلاقيه يرد عليك وهو مجعوص كده ويقولك قلب واتفرج يا باشااا
تقولوا ايوه قبل ما اقلب. طالب فيها كام ابص الاقيه يقولي علشان خاطرك من غير فلوس. ... ابقى هنفجررررر وهتشل واقولوا ياعم اخلص انتا بتبيع جوافاااااا ههههههه عالم تشيل فولاد اللذينة التجار خلوني اكره انزل السوق :) وتحياتي ومبروك مقدماً بس حاول تفاصل معاه يافندم . وعض في الفين تلاته هتيجي معاك انشاء الله بس بعد ما تفحصها الاول. ومبروك :) وتحياتي

[S O P H O S]

تكسب يا عمدة ومحدش هيتكلم بس هقولك حاجة
شوف العربية ماشية كام لان ده مش سعر عربية ماشية اقل من 100 الف ممتازة
انا معايا وماشية 93 الف تقريبا لاني مبتحركش بيها كتير زي ما انت عارف
ولو كده هعمل موضوع اعرضها للبيع لو كلامي غلط ههههه ..