الكورولا 2004 : 2007 ماليزى ولا يابانى ؟

[ahmedrt]

سمعت معلومة ان كل الكورولا من 2004 : 2007 ماليزى و فعلا انا جربت 2007 و حسيت انها بلاستك مش تويوتا خالص يا ترى حد عندة المعلومات السليمة ؟

[أبو عبدالله]

سمعت معلومة ان كل الكورولا من 2004 : 2007 ماليزى و فعلا انا جربت 2007 و حسيت انها بلاستك مش تويوتا خالص يا ترى حد عندة المعلومات السليمة ؟

وحضرتك لما جربتها مشفتش ان مكتوب عليها صنع في اليابان ولا ايه
العربيه ياباني وورقها مكتوب في انها وارد اليابان وليس ماليزي
وممكن تقولي زي ايه البلاستيك ده اللي حضرتك تقصده يعني ؟؟؟

[hazem_khidr]

لا ياباني
كل الكورولا ياباني
ماعدا موديلات 2008 في منها ياباني و منها جنوب افريقي

[eng_ah_xxxx]

السلام عليكم, أنا معى 2007 1600 وابى معه 2003 1300 فعلاً التقفيل ككل من 2002 إلى 2005 أحسن بكثير من 2006 و 2007 أنا أقصد بالتقفيل الداخلى و الخارجى والعفشة والتكييف والحرارة ولكن ليس معنى ذلك أن 1300 2006 و 2007 غير جيديين بل أنهم ممتازيين ولكن ليس مثل 2002 إلى 2005 وعلى فكرة هذا كلام مهندسيين فى التوكيل لأن على ما أظن ان 2002 إلى 2005 كانوا مواصفات خليجية
على فكرة الـ 1600 أقل جودة قليلاً فى كل شئ من الصفات السابقة وأيضاً ثقل الباور ستيرنج ( ماعدا الموتور طبعاً)(كلام مهندسيين فى التوكيل أيضا) من الـ 1300 من 2006 إلى 2007

[eng_ah_xxxx]

لكن أؤكد ان كلة 2002 إلى 2007 1600 و 1300 يابانى 100 %

[ahmedrt]

وحضرتك لما جربتها مشفتش ان مكتوب عليها صنع في اليابان ولا ايه
العربيه ياباني وورقها مكتوب في انها وارد اليابان وليس ماليزي
وممكن تقولي زي ايه البلاستيك ده اللي حضرتك تقصده يعني ؟؟؟

اكيد انا ما كنتش اعرف حكاية الماليزى ولا يابانى لما جربتها انا سالت بعد كدة بس هيا كان صوت الموتور عالى جدا و انا فى الداخل و فى المطبات ناشفة . و على فكرة تويوتا فعلا بتصنع موديلات كتير حاليا فى دول شرق اسيا . احنا لسا شاريين تويوتا فورتيونر SUV والعربية دى متقفلة فى اندونيسياوعرفنا الحكاية دى فى التوكيل لما سالنا دى يابانى ولا لا غير كدة محدش كان بيقول . وناشفة بردو فى المطبات.

[ahmedfd]

أنا ركبت كورولا 2007 كتير... و الحقيقة في رأيي آخر حاجة تتوصف بيها إنها مش ناعمة...
اللي لاحظته فيها جداً نعومة الموتور رغم إنها كانت 1300 و كمان نعومة الفتيس الأوتوماتيك.
و كمان الخامات الداخلية جيدة يعني مهياش فاخرة أوي و بالتأكيد مش سيئة.

مستر زيموس... الكورولا في منها ياباني و أسترالي و كندي و أمريكي و ماليزي و إنجليزي و تايواني و ......

http://en.wikipedia.org/wiki/Toyota_Corolla

بس أعتقد معظمهم مصانع للأسواق المحلية ما عدا مصانع اليابان و جنوب أفريقيا زي ما أنت قلت + أندونيسيا.

[أبو عبدالله]

ما انا فاهم يا استاذ احمد ومفيش مشكله
وعلى فكره العربيات اللي بتتقفل في اندونيسيا غالبا بتبقى بتطلع من اندونيسا بس يعني مفيش منها ياباني زي عربيتكم كده فورتيونر Suv

وده بيدل ان هما بيعملو خطوط انتاج مخصوصه في اندونيسيا لمودلات معينه
ومبارك عليكم العربيه
وربنا يعطيك خيرها ويكفي عنك شرها ان شاء الله

[sa3dawy]

يا جماعة انا لما كنت فى السعودية والكلام دا من 10 سنين كده...والدى كان اشترى تويوتا كامرى موديل 95 المهم فضلت معاه حواى 8 سنين كده..لما حب يبيعها عشان يبدلها بكامرى 2004 ناس كتير اوى نصحوه انه ميبعهاش عشان كانوا بيقولو ان الكامرى ال 95 يابانى اما الموديلات الى بعد كده استرالى ...جايز تكون الكورولا على غرار الكامرى مصدرها مش اليابان ممكن اندونيسيا او استراليا...

[أبو عبدالله]

يا جماعة انا لما كنت فى السعودية والكلام دا من 10 سنين كده...والدى كان اشترى تويوتا كامرى موديل 95 المهم فضلت معاه حواى 8 سنين كده..لما حب يبيعها عشان يبدلها بكامرى 2004 ناس كتير اوى نصحوه انه ميبعهاش عشان كانوا بيقولو ان الكامرى ال 95 يابانى اما الموديلات الى بعد كده استرالى ...جايز تكون الكورولا على غرار الكامرى مصدرها مش اليابان ممكن اندونيسيا او استراليا...

لا مفيش غرار ولا حاجه
انما فعلا الكامري دي كانت استرالي في فتره معينه
لأن مبيبقاش في منها ياباني
يعني اليابان نفسها هيا اللي بتحدد كل عربيه تطلع منين حسب خطوط الأنتاج بتاعتهم
وموضوع الكامري الأسترالي دي كان معروف وتقفيلهم جيد جدا

[د.اسماعيل النجار]

لا مفيش غرار ولا حاجه
انما فعلا الكامري دي كانت استرالي في فتره معينه
لأن مبيبقاش في منها ياباني
يعني اليابان نفسها هيا اللي بتحدد كل عربيه تطلع منين حسب خطوط الأنتاج بتاعتهم
وموضوع الكامري الأسترالي دي كان معروف وتقفيلهم جيد جدا

---------------------------------------
والله ياابو عبد الله مع انى بحب التويوتا زيك وجايز اكتر بس انا شايف ان السؤال استفهامى وليس استفزازى وانا شايف ان كلام المهندس احمدxxxx فيه شىء كثير من الصحة لانى ركبت كورولا 2002 و 2006 وفعلا 2002 كان ملزوق ملصق على قايم الباب الامامى بيقول ان العبية مواصفات خليجية 2006 لا الاطارات فى 2006 185 و2006 175 فين دايرة بتنور حول الكونتاكت فى 2002 2006 لا كراسى 2002 اريح من 2006 عفشة 2002 انعم من 2006 2002 فى 4 سنين ماصرفتش عليها جنية غير تغيير زيت وفلاتر وبنزين 2006 فى 6 شهور فكيت تيل الفرامل للتصليح فيز الكهربا العمومى ضرب
دى تجربتى بصراحة لكن مش معنى كدة انى اقدر اجزم بمنشا 2006 واظن انها برضو يابانى لكن 2002 ربما كانت موجهة فعلا للسوق الخليجى لان الموتور كان متغطى بفبرة من تحت زى اليابانى 2008 مفيش تصفيح خالص بعكس الافريقى مع خالص تحياتى د/اسماعيل

[Sharky]

إللى أنا أعرفه إن الكرولا من 2002 إلى 2007 كلها يابانى و لم تصنع فى ماليزيا أو أندونيسيا

[Karim_Monir]

كرولا في الاسواق المصرية كلها ياباني بمواصفات خليجية
لان مفيش مواصفات قيساية مصرية فبنعتمد على المواصفات الخليجية في الاستيراد
كرولا 2001 شبكة عش النحل عربية ممتازة اسواء عيوبها العوامان
فعلا بتعوم من فوق ال 120
عدلو العيب واتغير الشكل بسرعة من 2002 الى 2004 الكشاف الكبير من قدام
2005 الى 2007 اخر الشكل عدلو عيوب الاتزان والفارمل بقت احسن والتكييف اقوى (كل الكلام عن تجربة )
بلاستيك الكراسي بتاع الاجناب بقى اسواء شوية
نفس الموتور متغطي بالفبرة بتاعت VVTi
وتصفيح اسفل السيارة بالكامل
مانزلش مصر بالطرق الشرعية منها ماليزي اكلاقا
معظم الكامري استرالي والبديل اليابني ليها في الخليج اويون معشوقة الخليج

[eng_ah_xxxx]

أستكمال لما سبق, أحب أن أوضح أن لا يوجد فى كل دول الخليج كورولا 2002 إلى 2007 1600 انما 1300 و1800 فقط, لهذا الجودة فى ال1600 أقل قليلاً من 1300 فى مصر (أنا قضيت فترة فى دبى والرياض) لأنها أنتاج موجة للشرق الأوسط بشكل عام,وعلى فكرة كل الكلام السابق عن كورولا 1600 أكدوا لى مهندسيين فى توكيل تويوتا, ولكن ليس معنى هذا أن 1600 عربة سيئة بل أنها جيدة جداً وعلى فكرة الموتور ال1600 هو نفس موتور تويوتا أفنسيس 1600 بالرقم والشكل وهذا ايضاً من توكيل التويوتا نفسه ولكن انا هنا أتكلم عن جودة التقفيل وجودة الكماليات مثل التكييف والباور والعزل والحرارة بالمقارنة بال 1300

[Sharky]

فعلا الكرولا 1600 سى سى نفس موتور الأفنسيس 1600 سى سى و كلاهما 110 HP