عايز افرق بين فئات الكورولا 2007 ساعدوني ضروري

[abdohtaby]

السلام عليكم

كنت عايز اعرف ايه الفرق بين فئات كورولا 2007 وواعرف ازاي ان العربيه اعلى فئه بيكون موجود فيها ايه يميزها عن غيرها وهي بكام اعلى فئه وفي بعض العربيات الكورولا 2007 فيها الكاست سي دي وشاريط مع بعض وبعضها التاني شرايط بس ايه الفرق بين العربيتين اهم حاجة تقولولي اعرف ازاي اعلى فئه وايه الي يميزها عن غيرها وسعرها كام ضروري



سؤال تاني :

الكورولا 2007 افضل ولا الانسر بومه زيرو الفئه التانيه افضل ضروري

الف شكر ليكم

[alaamousa]

من وجهة نظري المتواضعه الكورولا 2007 عربيه ممكتازه عن تجربه للمانيوال والاتوماتيك
انا جبت بالمانيوال 1300 2007 سرعة 182 كم في الساعه مع العلم ان الامبير 200
عربيه ثباتها محترم جدااااا بالنسبه للاوتوماتيك 1600 جبت بيها 160 وكانت عايزه بس مرضيتش لانها عربيه موتورها عافي وعايزه تجري واغلبية حوادث الكورولا بتبقى 1600 لانها عربيه سريعه جدااا

[aboamina]

متابع ومنتظر ردود من لديه علم انا كمان...وحابب اعرف ايه سر نصيحة الناس كلها ليا في حالة شراء كورولا مستعملة اشتري 2007 لانها افضل من 2008,20009؟

[omar-saad]

2oo7 د اخر شكل للكورولا الدبة زى مابيقولو عليها
نزلت 3 فئات 1300 و2 1600
ال1300
الفئة الاولى كانت تكيييف وباور وسنتر وكمان مرايات كهرباء وطبعا دى مانيوال
الفئة التانية كانت ماسبق مع زجاج كهرباء وبكتات بلون العربية ودى باردو مانيوال
الفئة التالتة كانت كل ماسبق وكاسيت سى دى ابانوس وكمان مرايات ضم كهرباء ودى كانت اوتو
خللى بالك ان فى 2007 بس نزلو 1600 مانيوال واوتو بكماليات تانى فئة 1300 مانيوال
بالنسبة 1600
الفئة الاولى كانت جميع ال1300 المانيوال الفئة التانية واسبويلر وabs وجنط 14 وكشافات شبورة
الفئة التانية كانت فيها كل كماليات الفئة التالتة من 1300 وااسبويلر وجنوط 15 وفتحة سقف وتصفيح كامل اسفل السيارة
طبعا الموديل دة كن اخر حاجة فى الشكل دة فا نزلو فى ال1300 ايرباج فى التابلوه د ما كانش بينزل قبل كدة ونزل فى كل الفئات حتى الفاضية خالص ودى الحاجة الوحيدة اللى هاتقدر تميز بيها الموديل دة
الشبكة كمان كانت الريش بتاعتها بالطول مش بالعرض والطاسات بتعة العجل كانت غامقة مش فاتحة
خللى بالك ان قبل 2007 كانت بتنزل فئة فى ال1300 فيها abs وفتحة سقف بس فى السنة دى بطلوا ينزلوها
عموما العربية بوجه عام ممتازة ومافيهاش عيوب تذكر
غير الثبات بتاعها ضعيف بعد 140
وربنا يوفقك للى فيه الخير

[Lifz_Good]

متابع وفعلاً زي ما أستاذ عمر رد على حضرتك كدا

وربنا يوفقك وتلاقي اللي انت عايزه

[abdohtaby]

طيب انا ليا شويه تعليقات على استاذ عمر وهي :

1- انا عمري ما شفت كورولا مصري فيها فتحة سقف كل الي فيه فتح سقف خليجي
2- مشفتش كورولا مصري فيها تصفيح اساسا كله خليجي
3- مشفتش كورولا في مصر فيها abs
4- ايه الفرق لما تكون الشبكه بالطول او العرض
5- سعر الكورولا 2007 اعلى فئه اتوماتيك 1600 سي سي بكام
6- هي ولا الانسر بومه زيرو 1600 سي سي اتوماتيك الفئه التانيه
7- ايه رايكم حرام ادفع مثلا مثلا 120 الف في عربيه من 2007 ولالا
8- بوجه عام ايه رايكم في الكورولا وتستاهل الفلوس ولالا وهي ولا الانسر
شكرا جدا ليكم

[omar-saad]

لا كل المواصفات اللى انا قولنها فبل كدة
نزلت فى الموصفات المصرى
العربية للاسف سعرها عالى جدا فى السوق
انا سمعت لحد 125فى 1300 اوتو
وخاللى بالك دى مطلوبة اكتر من ال1600
عموما انا رايى ان الزيرو افضل من اى حاجة تانية
وبعدين انتا هاتركب حاجة محترمة برضه
مش عربية والسلام
وربنا يوفقك للخير