اخيرا تم الكشف عن تويوتا كورولا 2014

[koshakindnes]

يعني اعمل ايه في شباب المنندي ده اللي مش سايبين للواحد حاجه يكتبها ويفاجئ بيها الناس
يعنى انا داخل وفرحان وقلت انزلكم بموضوع عن الكرولا الجديده وحبه صور وحاجات حلوه كده اتصدم الصدمه دي والاقي موضوع عنها وشباب مصر كلوا شافها كمان
طب انا برضوا هنزل بالصور اللي عندي وهتشوفوها يعني هتشوفوها

مقدمه السياره (انا شايفها حلوه جداً من وجهه نظري)




شاشه عرض للكاميرا الخلفيه (طبعا مش هنشم ريحتها في مصر)




مفدمه السياره (اللي عجباني) مره تانيه




العربيه من الجنب (مش عارف ليه من عند الفوانيس بتفكرني بالميجان 2)




صوره جانبية خلفيه (شكلها معقول من الخلف بس من عند الاكصدام تحس فيها روح هندي والجنوط السوده شكلها مش حلو خالص)




صوره التابلوه (في تقيمي اديله 7.5 من 10)





الكنبه الخلفيه ( قابله للطي وده شئ كويس)




صوره مقربه توضح الخامات المستخدمه (شكل الخامات نضيف مش بلاستيك زي عربيه منافسه ليها في مصر بدون ذكر اسماء عشان الناس متزعلش) بس ده لو نزلت مصر كده عشان العربيه اللي بتكلم عليها بتنزل بره بكواليتي تاني خالص




صوره مقربه للفانوس الخلفي وعلامه كورولا منوره





الجنوط دي احلى من اللي فوق كتييييير والكاوتشات جوديير (حاولت اعرف مقاسات الكاوتش بس مش باين خالص في الصوره)


في المجمل العربيه من وجهه نظري حلوه شكلا على الاقل احلى من الشكل الحالي بس في الاخر هي ازواق عشان واضح ان معظم الناس مش عجبهم شكلها

هاهاهاهاها ياباشا امسحلك الموضوع بتاعى وخش انت حتى طريقتك احسن منى اهو :b4_388:

[أبو صلاح]

التصميم في وجهة نظري رائع
هو عبارة عن هجين مابين الكامري والافالون الشكل الجديد
اول ما شفتها افكرتها افالون
حتى معظم الناس اللي على صفحة تويوتا امريكا كاتبين Avalon baby

[YahiaAshraf]

يعني اعمل ايه في شباب المنندي ده اللي مش سايبين للواحد حاجه يكتبها ويفاجئ بيها الناس
يعنى انا داخل وفرحان وقلت انزلكم بموضوع عن الكرولا الجديده وحبه صور وحاجات حلوه كده اتصدم الصدمه دي والاقي موضوع عنها وشباب مصر كلوا شافها كمان
طب انا برضوا هنزل بالصور اللي عندي وهتشوفوها يعني هتشوفوها

مقدمه السياره (انا شايفها حلوه جداً من وجهه نظري)




شاشه عرض للكاميرا الخلفيه (طبعا مش هنشم ريحتها في مصر)




مفدمه السياره (اللي عجباني) مره تانيه




العربيه من الجنب (مش عارف ليه من عند الفوانيس بتفكرني بالميجان 2)




صوره جانبية خلفيه (شكلها معقول من الخلف بس من عند الاكصدام تحس فيها روح هندي والجنوط السوده شكلها مش حلو خالص)




صوره التابلوه (في تقيمي اديله 7.5 من 10)





الكنبه الخلفيه ( قابله للطي وده شئ كويس)




صوره مقربه توضح الخامات المستخدمه (شكل الخامات نضيف مش بلاستيك زي عربيه منافسه ليها في مصر بدون ذكر اسماء عشان الناس متزعلش) بس ده لو نزلت مصر كده عشان العربيه اللي بتكلم عليها بتنزل بره بكواليتي تاني خالص




صوره مقربه للفانوس الخلفي وعلامه كورولا منوره





الجنوط دي احلى من اللي فوق كتييييير والكاوتشات جوديير (حاولت اعرف مقاسات الكاوتش بس مش باين خالص في الصوره)


في المجمل العربيه من وجهه نظري حلوه شكلا على الاقل احلى من الشكل الحالي بس في الاخر هي ازواق عشان واضح ان معظم الناس مش عجبهم شكلها

يا باشا الف شكر على الموضوع و مجهودك

بس الصراحه انا مش عاجبانى خالص
خصوصا و ان التابلوه شبه الاوريس
لانى عامل تقرير عنها
ويمكن التابلوه على الصور كان معقول
لكن على الحقيقة مش قادر اوصفلك شكله


على فكره الكورولا الجديده فيه منها شكلين
نسخه اوروبيه و نسخه امريكيه و الاتنين اوحش من بعض من وجهة نظرى

بس انا مش عارف انهى نسخه بالظبط اللى هتنزل مصر

[YahiaAshraf]

دى النسخه الاوروبيه

[houseiny]

بجد عفوا تويوتا ، أنتي من سيئ لأسوء ، العربية تصميمها لا يرقي لمستوي السيارات الصيني سواء من الداخل او الخارج
من بره واخده حتة من صني على حته من اوريوس على حتة من النترا على حتة من فوكس ، ومن جوه بجد التابلوه منعكش وملخبط لدرجة انك متقدرش تحفظ معالمه بسهولة، بجد تويوتا بدأت تخرف ميكانيكياً من حوالي 5 سنين ,بدأت تهبل في التصاميم ، بجد الناس دي لازم تراجع نفسها ، وطبعاً تمنها مش هيقل عن 200 الف مستريح مع زيادة الدولار ، كده تويوتا هتقعد جنب هوندا ، من حيث التصاميم العك اللي شغالين فيها دي ، الظاهر ان تسونامي اللي حصل في اليابان من 3 سنين خد كل المصممين المحترمين اللي كانوا موجودين فيها

[M7amD_7amDy]

طول عمرى مافيش بينى وبين تويوتا عمار :)

تصميماتها دايما مش بتعجبنى

سبحان الله بقه ده منظر عربية فى 2014؟؟؟!!!

وحشة جدااااا

أعتقد الأسترا هتاخد من زباينها حصة كويسة

[Hosam_Optrawy]

هى فعلا مش حلوه , بس على الاقل احلى من اللى قبلها واللى قبلها يعنى انا شايفها كويسه جدا كتويوتا :) مش احسن ماكانت تستمر بنفس الشكل

المحبط هو الفتيس ال 4 سرعات اللى شكله هاينزل فيها تانى مع نفس الموتور غالبا , ال CVT هايبقى مع ال 1800 تقريبا

اليابان بشكل عام عندها مشكله فى التصميم والشكل حاليا , مفيش غير المازدا هى اللى عملت احلى تصميم فى تاريخ اليابان لحد دلوقتى :)

[dr.amr]

هم اليابانيين معاقين ذهنيا للدرجه دي :d

مفيش غير مازدا هي اللي بتعرف تصمم عربيات والباقي بتنجان بالشكل ده

انا مش فاهم جد والله :d

[mhkorayem]

هاهاهاهاها ياباشا امسحلك الموضوع بتاعى وخش انت حتى طريقتك احسن منى اهو :b4_388:

يا حبيبي انا وانت واحد (عمرك اطول من عمري )

[mhkorayem]

يا باشا الف شكر على الموضوع و مجهودك

بس الصراحه انا مش عاجبانى خالص
خصوصا و ان التابلوه شبه الاوريس
لانى عامل تقرير عنها
ويمكن التابلوه على الصور كان معقول
لكن على الحقيقة مش قادر اوصفلك شكله


على فكره الكورولا الجديده فيه منها شكلين
نسخه اوروبيه و نسخه امريكيه و الاتنين اوحش من بعض من وجهة نظرى

بس انا مش عارف انهى نسخه بالظبط اللى هتنزل مصر

1000 شكر يا كبير
بس موضوع الشكل ده ازواق والعربيه دي انا شايفها حلوه باستثناء الاكصدام الخلفي والجنوط السودا غير كده انا شايفها تمام جداً
اما بخصوص الاوريوس فانا رحت شفتها في التوكيل وبسم الله ما شاء الله عجبتني جداً
وبشكل عام انا شايف ان تصاميم سيارات تيوتا بتتحسن من وجهه نظري
يعني الياريس الجديده احسن شكلا من القديمه بكتير
والتيوتا اللي الجديده سواء الاوربي ولا الامريكي احسن من اللي موجوده دلوقتي كتير
والاوريوس هجباني جداً
اللي عاوزه تضرب بالنار الافانزا السبعه راكب والفرنشينر الاتنين دول من ناحيه التصميم عاوزين الحرق
بس في الاخر زي ماقلتلك دي ازواق

[CryptonX]

ايه العك ده !ايه ياجدعان !!!
دنا قلت الكورولا حتنزل تقطع على كل حاجة بقى ! ده منظر ده !
اليابان مفيهاش مصممين ؟