ارجوكم الحقونى..كورولا 2010 افريقي

[jep2050]

السادة ملوك و وزراء تويوتا الاعزاء
الحمد لله ربنا كرمنى بكرولا 2010 افريقى هاى لاين
1- العربيه ماشيه 57000
2-راشه اكصادمين وباب نظافه فقط
3- حاله العربيه ممتازة الحمد لله كشفت فى مركت العالميه فى شارع السودان وقالى العربيه تمام ماعاادا حاجه صغيره
4- فيه مشكله فى الايرباج الشمال كرسى السواق وقالى على شان مركب فرش جلد لاكن هيه مفتحتش وبصينا كويس مفيش خبطات من تحت ولا رش
5- ارجوكم ساعدونى انا منمتش بليل من الشك والقلق
6- سعر العربيه 128 الف هل مناسب ولا غاليه مع العلم انها هاي لاين بدون فتحه سقف..والكاوتش جديد

[Optiplex]

بص العربية سعرها عالى حتى لو كان فتيسها اتوماتيك عادى ماباللك بقى لو فتيس ام ام تى و بلاش منهااا خالص

[jep2050]

العربيه اوتوماتك عادى مش mmt

[Thebutcherr]

السعر عالى صراحة

[OilMan]

لا تقلق والعربية جميله جدا مع صديق لى فى الشغل
المهم هل الايرباج مفتوحه وهو عرف ازاى انى فيه مشكله فى ديه بالذات مع العلم انه يوجد 8 تانيين؟
السعر قارنه بسعرها الجديد حاليا وكمان الاوبشنز اللى فيها وقارنها مع اى عربيه تانيه فى فئتها بنفس الكماليات واحكم بنفسك لو مكانك مش حفرط فيها
الكماليات اللى فيها لا تساوى تمنها 9 ايرباج ومراية تعتيم ذاتيه ورشاشات وحساس مطر وتكييف تاتش وسى دى 6 اكسشانجر وجنوط الومنيوم و مفتاح سمارت .

[hilal]

انت اشتريت خلاص ، ولا فائدة من السؤال الآن
لا تبحث عن إجابات ممكن تسعدك وممكن تؤلمك
توكل على الله ، وتصدق على الفقراء ، وتمتع بالسيارة وسيبك من أي حاجة تانية
بارك الله لك فيها ، ورزقك خيرها ووقاك شرها

[jep2050]

لا تقلق والعربية جميله جدا مع صديق لى فى الشغل
المهم هل الايرباج مفتوحه وهو عرف ازاى انى فيه مشكله فى ديه بالذات مع العلم انه يوجد 8 تانيين؟
السعر قارنه بسعرها الجديد حاليا وكمان الاوبشنز اللى فيها وقارنها مع اى عربيه تانيه فى فئتها بنفس الكماليات واحكم بنفسك لو مكانك مش حفرط فيها
الكماليات اللى فيها لا تساوى تمنها 9 ايرباج ومراية تعتيم ذاتيه ورشاشات وحساس مطر وتكييف تاتش وسى دى 6 اكسشانجر وجنوط الومنيوم و مفتاح سمارت .

الجهاز بينله العيب موجود فى كرسى الشائق فقط وبرضه تاكد انها مفتحتش قبل كده
الجديده طبعا فهاش اى حاجه من الاوبشنز دى خالص ولو على الاسم هاى لاين الجديده ب 185
ويادوب فتحه سقف وجنط و 2 ايرباج فقققققققققققققط

[aboamina]

أولا العربية دي محترمة بجد ثانيا طالما اشتريت عاملها على انها عربيتك خلاص وما تخليش حد يعقدك من سعرها...ربنا يباركلك فيها ويكفيك شرها

[sas5]

السلام عليكم ورحمه الله
سعر العربيه مش عالى - كل واحد بيعمل نفسه شاطر فى عمليه البيع والشراء ولكنها عمليه عرض وطلب
لما عربيه موديل 2013 تعمل 85000 جنيها يبقى 2010 تعمل كام وخصوصا انها اتوماتيك

[mashaly]

الف مبروك ربنا يديك خيرها ويكفيك شرها
السعرمناسب
بص تحت كرسي السائق والكرسي اللي جنبه بيكون فيه فيش اتاكد انها متوصله مش مفصوله عشان انا قبل كدا فصلت الفيشه بتاعت الكرسيين وظهرلي تشك اير باك لما ركبت الفيشه بتاعت اللي جنب السائق راح التحذير انافصلتهم عشان صوت الصفاره مزعج وبيطول عقبال مايبفصل
ايه اخبار العفشه معاك ناشفه في النقر والاسفلت المكسر ولا لا ياريت ترد لاني بعاني من النشوفيه دي غيرت الجنط فرق معايا جدا بس برضه مش ميه هي بتديك احساس انها عفشه رياضيه

[wwaeel]

الف مبروك ربنا يديك خيرها ويكفيك شرها
السعرمناسب
بص تحت كرسي السائق والكرسي اللي جنبه بيكون فيه فيش اتاكد انها متوصله مش مفصوله عشان انا قبل كدا فصلت الفيشه بتاعت الكرسيين وظهرلي تشك اير باك لما ركبت الفيشه بتاعت اللي جنب السائق راح التحذير انافصلتهم عشان صوت الصفاره مزعج وبيطول عقبال مايبفصل
ايه اخبار العفشه معاك ناشفه في النقر والاسفلت المكسر ولا لا ياريت ترد لاني بعاني من النشوفيه دي غيرت الجنط فرق معايا جدا بس برضه مش ميه هي بتديك احساس انها عفشه رياضيه

هي فعلا عفشتهارياضيه وانا عندي ركبت كوتش هانكوك كوري ريح العفشه والدب كتير لان كوتش الهانكوك طري قوي وبضبط الضغط بتاعه علي 28

[monamize4]

ايه اخبار العفشه معاك ناشفه في النقر والاسفلت المكسر ولا لا ياريت ترد لاني بعاني من النشوفيه دي غيرت الجنط فرق معايا جدا بس برضه مش ميه هي بتديك احساس انها عفشه رياضيه

هي فعلا عفشتهارياضيه وانا عندي ركبت كوتش هانكوك كوري ريح العفشه والدب كتير لان كوتش الهانكوك طري قوي وبضبط الضغط بتاعه علي 28

عفشة ايه يا جماعة اللى رياضة ؟ الكورولا ؟!!!!!!!!!!!!!!!!
دا اكتر حاجة مميزة ف الكورولا ف الموديل دا و اللى قبله و اللى قبله و اللى قبله (مركبتش اقدم من كده ) هى العفشة الناعمة جدا و مش بتحسسك بالنقر خالص ,, غير ارتفاعها الكافى عن الارض

[hossamsmsm]

ممكن يا جماعه حد يصورلى تابلوة مو 2010 جنوب افريقى وياترى فيه اختلاف بينه وما بين 2008 او 2009 وبالاخص صور العدادات

[jep2050]

الحمد لله رحت عند مركز صيانه فى الحرفيين فى الاسكندريه
وكشف على كل الضفاير ولقى الحمار الى عمل الفرش الجلد مبوظ الضفيره بالدبابيس الحديد..والحمد لله شالهم كلهم وصلح الضفيره وكله تمام الحمد لله

[hossamsmsm]

الحمد لله رحت عند مركز صيانه فى الحرفيين فى الاسكندريه
وكشف على كل الضفاير ولقى الحمار الى عمل الفرش الجلد مبوظ الضفيره بالدبابيس الحديد..والحمد لله شالهم كلهم وصلح الضفيره وكله تمام الحمد لله

الف الف مبروك ياباشا
بس ياريت لو ممكن تقولى عدادات الجنوب افريقى مو 2010 نفس اللى فى مو 2008 و 2009
ولا اختلفت علشان بصراحه عدادات الخليخه فى 2010 شكله احسن من الجنوب افريقى
وياريت تقولى العربيه عامله معاك ايه ؟؟؟