تغيير تيل فرامل كورولا 2010

[jep2050]

الساده الاعضاء المحترمين
الملاك لسياره كورولا 2010 جنوب افريقى
ارجو نصيحتى فى طريقه تغيير تيل الفرامل للسياره
هل اغير ال 4 تيل مره واحده لانى سمعت ان الجنوب افريقى لازم اغير ال4 مره واحده
ولا عادى زى باقى العربيات الى خلقها ربنا بيتغير الى قدام اسرع من الى ورا

وتنصحونى بانواع ايه للتيل لان الاصلى فى التوكيل الامامى بس 730 جنيه يعنى خراب بيوت مستعجل جدا

[sharkass]

العربية عملت مع حضرتك كام الف علشان تغير التيل ده

[jep2050]

والله انا شارى العربيه عامله 58000
وصاحبها كان مغيره على 40 الف
وانا عاوز اغيرهم صيانه يعنى
بس الى قدام همه الى تعبانين الى ورا كويسين

[sharkass]

طالما حضرتك كشفت عليهم عند واحد ميكانيكى فاهم و امين يبقى تمام جدا حضرتك تشترى الأمامى و تركبه و انا افضلك الأصلى شوف الكتابة إللى موجوده على علبه التوكيل و حاول تشوفها بره أكيد حتلاقيها و بسعر أقل من التوكيل ولو مفيش يبقى تشتريهم من التوكيل و امرك إلى الله لأنه افضل للعربية من الأنواع المضروبة إللى بره بتتباع و فى نفس الوقت بتحافظ على الطنابير لأنها أسعارها عالية جدا جدا و هتنساها كمان 30 إلى 40 الف كيلوا
شكرا

[Ahmod]

انا شايف انهم ممكن يقعدو معاك اكتر من كدة

بس لو حاسس ان اداء الفرامل ضعف يبقى غير علطول !!

ممكن تكشف على الخلفي وتشوفه محتاج يتغير ولا لاء