تويوتا تيرسل 96

[mymoo_hosny]

اشتريت تويوتا ترسيل 96
حالة ممتازة جدا
فابريكة
انشاء الله حرفع الصور
بس لو حد يعرف معلومات عنها
يقول اى حجاة اى حجاة
العربية جميلة جدا مريحة
:smile:

[mokhtar]

الف مبروك عليك ربنا يديك خيرها ويبعد عنك شرها ...
التيرسل على ماسمعت عربيه شديده وحماله أسيه زيها زى كل التويوتا وسمعت ان موتورها هو نفسه موتور الكورولا96 طبعا ده موتور مافيش فبه كلام ممكن قطع الغيار تبقى قليله بس هتلاقى واكيد بيركبلها قطع غيار كورولا وحضرتك بتقول ان العربيه حالتها ممتازه جدا والتويوتا لما تبقى نظيفه تريحك بس هى عامله كام كم وخلصتها على كام ؟



..mokhtar..

[mymoo_hosny]

اان اسف على عدم الرد
عامله 109 الف
خلصت على 43
وشكرا على ردك

[waled369]

ألف مبروك يا مان ع السيارة و ربنا يعطيك خيرها و يكفيك شرها
شوف السيارة دي موجودة بالخليج بكترة
سيارة عملية جدا و فعلا حمالة آسية
طبعا قطعها هنا متوفرة جدا و رخيصة مش عارف بالنسبة لمصر ايه أخبار قطع الغيار
و عامة احنا بالخدمة يا مان اذا احتجت أي شئ من هنا ( الكويت ) تحت أمرك

[mymoo_hosny]

يا مان
الف شكر يا جميل كلك زوق
بس انا بدور على صور خاصة بتعديلات الترسيل لو متوفرة عند حد ياريت
يبعتها
او نشفها

[waled369]

للأسف يا جميل الياباني هنا حظه ضايع في التعديلات خالص باستثناء الهوندا طبعا بس نصيحتي لك انك ممكن تتصور التعديلات من وجهة نظرك يعني ممكن تركب ليها كساحات و عتب مثلا عندك أنظمة الصوت و الباركينج سينسور و الفرش و بالنسبة للماكينة عندك طاقم الاسلاك و البوجيهات 3 أو 4 راس و الفلاتر الاسبور و الهيدر اكزوزت
أنا عن نفسي عامل في عربيتي الحاجات دي و مش شايف حد مثلا كان عاملها في نفس الموديل اللي معايا ( طبعا يا مان لازم تكون فريد نوعك ) يعني ابتكر على قد ما تقدر و دي حلاوتها ان مفيش نفس السيارة بالتعديلات دي و دي حلاوة التعديلات .
أما هنا الامريكي - 8 سلندر بس مش 6 - هوه اللي واخد حقه في اللعب
و باكرر لك انا تحت امرك اذا احتجت شئ
ربنا يبارك لك في العربية و يعطيك خيرها و يكفيك شرها