الحقوني العزم في الضيااااااع :(

[ياريساوي]

السلام عليكم
عربية والدي كورولا عيون 1300 كربراتير كانت مركونة و مرفوعة في الجراج و مبتتحركش الا شهر في السنة بس و بقية السنة مرفوعة في الجراج السنة دي العربية متحركتش من الجراج مش عارفة تطلع منه و من اقل دوسة بنزين كانت تطلع ريحة الاسطوانة غيرناها و العربية مشيت تمام بس عزمها ضعيف شوية
رحنا عند نفس الميكانيكي قالنا سير الكاتينة عايز يتغير مع ان العربية عاملة 42 الف كيلو بس موديل 99 لما سألته قالي السير بيشقق من الركنة
هل فعلا كلامه صح و المشكلة كاتينة فعلا ؟؟ العربية شارينها من الزيرو مغيرناش الا الاسطوانة بس ولا غيرنا حتى الفلاتر و اسف على التطويل

[ياريساوي]

فيه مشكلة تانية العربية عليها بقع اسمنت على السقف مش عارفين ازاي تتشال واحد شار على والدي يرش السقف بس بصراحة حرام لأن العربية فابريكا و الحمد لله فهل في طريقة عشان يتشال متأثرش على الدهان و شكرا

[aldesha989]

الاسمنت ده ضغط مايه وبولش ويشتال

فعلآ الكاوتش بيشقق من الركنه لكن ما اعتقدتش انه سير الكاتينه يضعف العزم
بس لازم تغير بوجيهات طبعآ ركنه زى دى ترطب البوجيهات واعمل طقم سيرفس غير سيور وفلاتر ونضف الكربراتير وروح حط بنزين جديد

[ياريساوي]

الاسمنت ده ضغط مايه وبولش ويشتال

فعلآ الكاوتش بيشقق من الركنه لكن ما اعتقدتش انه سير الكاتينه يضعف العزم
بس لازم تغير بوجيهات طبعآ ركنه زى دى ترطب البوجيهات واعمل طقم سيرفس غير سيور وفلاتر ونضف الكربراتير وروح حط بنزين جديد

هبقى اشيك على البوجيهات بس مفتكرش ان فيها مشكلة لأن العربية مبتترجش خالص انا هاوديهاله بكرة ينضف الكربراتير و يغير السير هو راجل امين الصراحة و مغير عنده طقم الدبرياج و تيل الفرامل انا سألت واحد قال ممكن يروح الاسمنت بالجاز وواحد قال بالبولش زي ما حضرتك قلت انا هجرب و ان شاء الله هكتب التجربة و شكرا على نصيحتك

[Lifz_Good]

كانت مرفوعة يا باشا يبقى تنزل تتعملها سيرفيس كامل
زيوت وفلاتر وسيور وبوجيهات والمفروض كاوتش وكل الحاجات اللي ليها عمر افتراضي (تفسد بعده حتى لو لم تستخدم)

[abdulkhaleq]

كانت مرفوعة يا باشا يبقى تنزل تتعملها سيرفيس كامل
زيوت وفلاتر وسيور وبوجيهات والمفروض كاوتش وكل الحاجات اللي ليها عمر افتراضي (تفسد بعده حتى لو لم تستخدم)

+111111
وتتساق شويه عالهادي وبعد فتره شوية قرص عالموتور