الحقوني مشكلة رهيبة دوخت التوكيل في كرولا 2010 ومفيش حل

[ehab567]

بسم الله الرحمن الرحيم

وبدأت المأساة ... سيارتي كرولا 2010 جنوب أفريقي في السحب مفيش زيها (رهيبة باختصار ) طبعا ما شاء الله
بس في مشكلة غريبة جدا التوكيل نفسه مش عارف يحلها
عندما أشغل السيارة .............. كله تمام
أمشي بيها وأجري .................. كله تمام
أشغل التكييف طول اليوم ................. كله تماما ما عدا ::::::
عند اشتداد الشمس يعني من 9 صباحا لغاية العصر أفاجأ بأن مؤشر الحرارة يرفع للهاي عند تشغيل التكييف ( فترة الشمس بس ) أطفيء التكييف من هنا يبدأ مؤشر الحرارة في النزول تدريجيا
مش عارف أعمل ايه
عندنا في بلدنا ميكنيكي شغال في توكيل تويوتا عرضت عليه المشكلة خادها التوكيل وعمل اختبارين كده وقالي العربية مفيهاش حاجة بس هو شاف المشكلة بعينه
المهم سأل المهندس بتاعه قالوا غير طرمبة المياه لأنها أصلا معيوبة في الموديل ده ...... المهم غيرناها وحطينا المعدلة ..........بس المشكلة ما اتحلتش
قال يمكن في حساس المياة تحت الماتور شاله خالص وقالي جرب (يعني الميه كلها داخلة ) .............. بس برضوا المشكلة ما اتحلتش
وكل ما زود بنزين في الحر مع التكييف أحس أن المؤشر بتاع الحرارة عايز يرفع
آخر حاجة وإلي قالقاني جدا طلب يفتح الماتور
وطبعا أنا خايف جدا وكرهت العربية ومش عارف أعمل ايه
لدرجة فكرت أبيع العربية بس خايف الي ياخدها أكون خميته مع أنها ممتازة في كل شيء إلا هذه المشكلة الي نغصت عليا حياتي
أرجو المساعدة من الخبراء والمشرفين
وتوجيهني لو هناك مكان معين يقدر يحل المشكلة دي

[Amr Axel]

متفتحش الموتور خالص ده اخر حاجة تفكر فيها و بلاش تفكر فيها كمان برة التوكيل بالاضافة اني معتقدش الموضوع ليه علاقة بالموتور اساسا

الموضوع الي حدا ما طبيعي ان درجة الحرارة ترتفع شوية لأن المروحة عندك كهربا و اعتقد ده بيخلي سرعة المروحة ع السرعات ثابتة مش متناسبة مع الحرارة

لكن لو الموضوع مبالغ فيه ممكن حاجة من دول

المروحة مش شغالة تمام و محتاجة يتشيك عيها
لكن لو عيب في العربية ديه عامة يبقي محتاج تتغير بواحدة أفضل و متقلش عن 60 امبير

ياما الريداتير فيه مشكلة او محتاج يتغير

ياما فيه مشكلة في دورة التبريد يعني سدد في اي مكان في الدورة سواء الريداتير او اي مكان تاني او المية محتاجة تتغير او الترموستات مش شغال كويس و تغيره بواحد درجة اقل
و مش هقولك طمبة المية لأنك غيرتها بالفعل

و اخيرا و ليس اخرا ممكن يكون فيه عندك مشكلة في اخراج العادم حد يعني يبصلك ع الاكزوست سيستم و يتأكد انه سليم مفيش عوجة او تنية جامدة لأن ده ممكن يؤدي لزيادة درجة الحرارة

و ممكن العربية تتحط ع الكومبيوتر للفحص

لازم تراجع ع كل دول اكتبهم في ورقة و راجع عليهم قبل ما حد يلعبك في اي حاجة

الاسئلة بقي
هل غيرت الريداتير قبل كده ؟؟ و اخر مرة غيرت مية الريداتير و النوع المستخدم ؟؟

[ehab567]

جزاك الله خيرا على سرعة الاستجابة
هأعمل الي حضرتك قولت عليه بإذن الله
بخصوص أسئلة حضرتك
لم أغير الردياتير قبل كده ولم أغسلة أبدا إلا طبيعي وأنا بغسل السيارة
وأنا غيرت المياه من شهر كنت بحط مية من الحنفيه وصنايعي التوكيل قالي دي بتصدي الطرمبة فغيرتها لميه خضراء موبيل

[Amr Axel]

جزاك الله خيرا على سرعة الاستجابة
هأعمل الي حضرتك قولت عليه بإذن الله
بخصوص أسئلة حضرتك
لم أغير الردياتير قبل كده ولم أغسلة أبدا إلا طبيعي وأنا بغسل السيارة
وأنا غيرت المياه من شهر كنت بحط مية من الحنفيه وصنايعي التوكيل قالي دي بتصدي الطرمبة فغيرتها لميه خضراء موبيل

تمام يا باشا شوف اللي قولتلك عليه و بلغنا الاخبار

المفروض مية ريداتير بتتغير كل سنتين بالكتيير او مع كل دخلة صيف بالاضافة لمية ريداتير موبيل فيه مية تويوتا برده كويسة و مضمونة زي موبيل
و مع كل تغييرة المفروض الريداتير بيتنضف من جوة بالمية و مفضلش تستخدم اي مواد و مية الدورة كلها تتغير
و بمناسبة الغسيل للعربية خلي بالك لما تغسل العربية قبل ما تتغسل العربية تهدي شوية من المشوار عشان درجة حرارة الموتور العالية مع استخدام المية المفاجئة مع الضغط ممكن يجي بنتائج عكسية ع وش السلندر
و يفضل متغسلش الموتور كتييير عشان الحساسات و الكونترول و الكهربا كل سنتين او تلاتة كويس و باقي الوقت بالهوا المضغوط و هيفضل نضيف ان شاء الله و لما يتغسل يكون الغسيل بالفووم فقط و لا جاز و لا ضربة مية و لا كل ده

و في انتظار الاخبار :)

[تويوتا افريقي]

في حاجه ممكن تساعدك لو المروحه بتاعت الرديتير بعد تشغيل التكييف بفتره مابطلعش صوت عالي بمعنى انها شغاله على اعلى جهد اصل المروحه بتاعت الكورولا زي الاوكتافيا ليها درجات لو ده ماحصلش معاك يبقى كمبيوتر المروحه عايز يتبرمج او المروحه فيها مشكله (ان اصبت فمن الله وان اخطأت فمن نفسي)

[محمد ابراهيم 1]

كان فيه واحد صاحبى كان عنه مشكلة زى دى وبعد ما طلعت عينه اتضح إن العيب إن فيشة المروحة بتاعة التبريد معكوسة فالمروحة كانت بتلف غلط
إتأكد من كده عن طريق إن هوا المروحة لازم يكون للداخل مش للخارج

[ehab567]

جزاكم الله خيرا جميعا على الردود والايجابية
رحت اليوم وغسلت الريداتير زي ما عمرو الله يبارك له نصح
وفوجئت أن الرداتير مسدود والمية مصدية فيه الصنايعي سيخة وغسلة بإريل من بره وركب
بس ده كان العصر والمشكلة دي مبتظهرش إلا الظهر ( معرفش لها معاد ولا ايه )
هجرب بكرة واطحن العربية واشوف النتيجة وارد عليكم
الله يبارك فيكم جميعا

[Amr Axel]

جزاكم الله خيرا جميعا على الردود والايجابية
رحت اليوم وغسلت الريداتير زي ما عمرو الله يبارك له نصح
وفوجئت أن الرداتير مسدود والمية مصدية فيه الصنايعي سيخة وغسلة بإريل من بره وركب
بس ده كان العصر والمشكلة دي مبتظهرش إلا الظهر ( معرفش لها معاد ولا ايه )
هجرب بكرة واطحن العربية واشوف النتيجة وارد عليكم
الله يبارك فيكم جميعا

تمام يا باشا و في انتظار النتيجة بكرة ان شاء الله :)

[hugan]

بس عربيه 2010
والردياتير يتسد فيها بالطريقه دي
شوف كنت بتحط ليها مياه تبريد نوعها ايه
وغيرها

[jep2050]

طيب ممكن حد من ملاك الكورولا 2010 جنوب يقولى لون الميه بتاعت الريداتير ايه الاصليه حمرا ولا خضرا....على شان اسمع ان لو حطيت ميه غلط بتعمل مشاكل

[تويوتا افريقي]

الكورولا الجنوب الميه بتاعتها حمرا في واحد موزع معتمد تويوتا في المؤسسه عنده الميه دي لان دورت في شارع دمشق مالقيتهاش وفي في الحرفيين عند محمد على عربيتك هاتحط فيها 2 لتر احمر مع 3 لتر مقط وعلى فكره لتر الاحمر التويوتا صناعه امريكي وازازه بلاستك سوده ب70 جنيه اللتر وهاتحس بفرق وانساها في العربيه 4 سنوات بس نصيحه لو الرديتير متبهدل غيره لانه هايبوزلك الدنيا

[jep2050]

الكورولا الجنوب الميه بتاعتها حمرا في واحد موزع معتمد تويوتا في المؤسسه عنده الميه دي لان دورت في شارع دمشق مالقيتهاش وفي في الحرفيين عند محمد على عربيتك هاتحط فيها 2 لتر احمر مع 3 لتر مقط وعلى فكره لتر الاحمر التويوتا صناعه امريكي وازازه بلاستك سوده ب70 جنيه اللتر وهاتحس بفرق وانساها في العربيه 4 سنوات بس نصيحه لو الرديتير متبهدل غيره لانه هايبوزلك الدنيا

اشكرك ياباشا على الرد الوافى دا
بس لو حطيت ميه حمرا من موبيل او توتال..حيحصل حاجه يعنى ولا عادى زى باقى العربيات...لانى كنت فى الاوبترا كنت حاطط ميه حمرا توتال وكانت زى العنب زى الاصلى بالضبط

[wwaeel]

التوكيل نفسه بيحط ميه موبيل الحمراء

[massoh]

أستاذى العزيز ممكن يكون ردى متأخر بس أنا لسه شايف البوست بتاعك....
لو عربيتك كورولا موديل 2010 يبقى أولا مياة الردياتير كان مفروض ماتتغيرش اصلا قبل خمس سنيين او 160 الف كيلو ايهم اقرب وأرجع حضرتك لمكانين 1.الكتالوج / 2. ستيكر على الكابوت من جوه .... سيارتك فيها نوع مياه مخصوص بتاع تويوتا اسمه super long life coolent وده لونه وردى pink وهو مركز بنسبة 50/50 وهو مهم جدا جدا لان اليابانى مواسير دورة التبريد والجوانات وحاجات كثير قوى بتتأثر بمياه التبريد وكان يجب عدم سماع كلام اى حد قال لك تغيره حتى التوكيل بيقول كدة وبيغيره بعد 40 الف واحسن حاجة فى السوق هو مياه موبيل الوردى ....
نصيحة لآنى طلع عينى واضطريت اجيبه من اوروبا (مياة تويوتا الوردى) وكانت بخمسين يورو وقتها يعنى لو لقيته هنا دلوقتى وده شيئ نادر مش اقل من 600 جنيه حرام دلوقتى.
بس ابعد كل البعد عن اى مياه ردياتير امريكى او خضرة لانه بينسف الطرمبة والجوانات وحاجات كثير قوى فى الموتور الله لا يقدر. علشان كدة اغسل دورة التبريد مرتين كويس قوى قوى وكفاية جدا مياه موبيل وما تحطش معاها اى اضافات بس غيرها باستمرار.
طب الحل : من رأئى انك تنظف دورة التبريد بتاع مرتين كدة بمياه مقطرة وتحط مياة موبيل وردى وحتحتاج تغيير حسب الكيلومترات بتاعة حضرتك بالكثير 40 ألف كيلو او 6 أشهر خصوصا فى الصيف ولو بتمشى فى طرق متربة (كل شوارع مصر تقريبا).
وطبعا محتاج تكشف على مروحة التبريد وتتأكد من عملاها دايما لانه فعلا ممكن تكون الفيشة متركبة غلط وده مفروض مع تويوتا ما يحصلش لانهم بيضبطوا الفيشة تتركب وتبيت على العدلة الصح فقط بس يجوز.....
على فكرة البوجيهات برضه مفروض نوع بلاتينيوم وهو نوع معمر جدا ولا يحتاج تغيير غير بعد 100 الف او 50 الف كيلو ممكن ترجع للكتالوج ارجوك.

[massoh]

أستاذى العزيز ممكن يكون ردى متأخر بس أنا لسه شايف البوست بتاعك....
لو عربيتك كورولا موديل 2010 يبقى أولا مياة الردياتير كان مفروض ماتتغيرش اصلا قبل خمس سنيين او 160 الف كيلو ايهم اقرب وأرجع حضرتك لمكانين 1.الكتالوج / 2. ستيكر على الكابوت من جوه .... سيارتك فيها نوع مياه مخصوص بتاع تويوتا اسمه super long life coolent وده لونه وردى pink وهو مركز بنسبة 50/50 وهو مهم جدا جدا لان اليابانى مواسير دورة التبريد والجوانات وحاجات كثير قوى بتتأثر بمياه التبريد وكان يجب عدم سماع كلام اى حد قال لك تغيره حتى التوكيل بيقول كدة وبيغيره بعد 40 الف واحسن حاجة فى السوق هو مياه موبيل الوردى .... وتويوتا الوردى غير الأحمر...الوردى عمره اطول وغالبا الأحمر بطلوا ينتجوه من مدةpink = superlonglife (4years 80000km) / Red = longlife (2years 40000km) بفرض ان حالة دورة التبريد من ردياتير وطلمبة وغيره فى حالة سليمة.
نصيحة لآنى طلع عينى واضطريت اجيبه من اوروبا (مياة تويوتا الوردى) وكانت بخمسين يورو وقتها يعنى لو لقيته هنا دلوقتى وده شيئ نادر مش اقل من 600 جنيه حرام دلوقتى.
بس ابعد كل البعد عن اى مياه ردياتير امريكى او خضرة لانه بينسف الطرمبة والجوانات وحاجات كثير قوى فى الموتور الله لا يقدر. علشان كدة اغسل دورة التبريد مرتين كويس قوى قوى وكفاية جدا مياه موبيل وما تحطش معاها اى اضافات بس غيرها باستمرار.
طب الحل : من رأئى انك تنظف دورة التبريد بتاع مرتين كدة بمياه مقطرة وتحط مياة موبيل وردى وحتحتاج تغيير حسب الكيلومترات بتاعة حضرتك بالكثير 40 ألف كيلو او 6 أشهر خصوصا فى الصيف ولو بتمشى فى طرق متربة (كل شوارع مصر تقريبا).
وطبعا محتاج تكشف على مروحة التبريد وتتأكد من عملاها دايما لانه فعلا ممكن تكون الفيشة متركبة غلط وده مفروض مع تويوتا ما يحصلش لانهم بيضبطوا الفيشة تتركب وتبيت على العدلة الصح فقط بس يجوز.....
على فكرة البوجيهات برضه مفروض نوع بلاتينيوم وهو نوع معمر جدا ولا يحتاج تغيير غير بعد 100 الف او 50 الف كيلو ممكن ترجع للكتالوج ارجوك.