مطلوب ياريس او كورولا أوتو فابريقة في حدود 75 ألف

[mohsen_anwar]

كل سنة وانتم طيبين
زي العنوان
مطلوب عربية ياريس مش مهم موديل سنة كام
سيدان طبعا
اتوماتيك
مش مهم باقي الكماليات
المهم تكون فابريقة برة وجوة وحالتها نضيفة
المبلغ المتوفر 75000 جنيه
أو كورولا موديل من 2001 وانت طالع بنفس المواصفات
تفتكرو الاقي حاجة نضيفة بالفلوس دي
معلش انا مقيم في السعودية
وبعيد خالص عن السوق المصري
ومحتاج خبراتكم ومشورتكم
ولو حد عنده عربية بالمواصفات دي يقولي

[sayco100]

ان شاءالله تلاقى بالسعر دة
بس السيدان فاليارس فابريقة ب75الف يبقى موديل 2007 مش اكتر
مع صاحبى المانيوال 2007 جابتلو 67الف

[hopeless20]

انا كمان بدور علي ياريس بس 2008 كامله اوتوماتيك ... 4 زجاج كهربا .. وسبويلر .. وعداد اقل من 70 الف كيلو .. فبريكا بره وجوه .. في حدود 75-80

[Satan_satan]

على فكره الياريس هتلاقي منها حاجات نضيفه اوى ب 75.000 وزى مانت عاوز بس موديل 2007 لو نضيفه اوى
وربنا يوفقك ان شاء الله

[mohsen_anwar]

شكرا ليكم جميعا
حسستوني بأمل إني ممكن أخلص الموضوع بسرعة
طيب مفيش معارض معينة معروفة بأن حاجتهم نضيفة وبيتي
لأني مش حابب اروح السوق من خوفي من التجار
انا معنديش مشكلة ينضحك عليا في الفين تلاتة زيادة
بس المهم مينضحكش عليا في العربية
لو حد يعرف معارض بتشتغل في النضيف بس
يقولي واكون شاكر

[Lifz_Good]

متابع وبالتوفيق إن شاء الله :)

[S O P H O S]

العربية تكون اتوماتك صح

[mohsen_anwar]

العربية تكون اتوماتك صح

ايوة اتوماتيك حتى لو مفيهاش كماليات تاني
يعني اي كماليات تاني مش مهم
ازاز كهربا مرايات كهربا .. ميفرقش معايا

[eng_amrnabil]

متابع

[mohamed1992]

انا بردو بدور علي ياريس .. ياريت لو حد من الاعضائ يعرف معارض محتمرة يقولنا
انا اعرف اباظه و المصريه لبسايارات بيبيعوا مستعمل بس اباظه انضف كتير من المصريه ... بس للاسف مش متوفر الايام دي ياريس ... بس اقولك نصيحه متستعجلش خالص علي مهلك لحد متجيب حاجه حلوة ... انا شفت 4 عربيات ياريس معجبونيش و لسه بدور اهم حاجه تدور علي مهلك و متستعجلش و تفحص في التوكيل

[mhoreya]

انا معايا تويوتا كرولا 2001 لون أبيض
حالتها ولا أروع مش بجيبلها الا الحاجات الاصلية ..
رخصة باسمى من الزيرو ..
وعربة بيتى بتاعت دكاترة ومش متهانة نهائى ..
1300 مانيوال تكييف فريزر عفشة سليمة مليون المية
فيها زينون عالى وواطى و شبورة .. وفيها طقم صوت ..
و الكاوتشات بريدجستون يابانى اصلى عاملية 10 تلاف كيلو
و طالب فيها 73 الف .. وعلى فكرة كتير من جيرانى عاوزين ياخدوها بس عارضين 71 وانا رافض ..
لو حابب ياباشا تتفرج عليها هتعجبك جدا .. و فابريكة بره و جوه بالكامل و فيها بس اكصدامين نضافة ..
تحياتى