تويوتا ياريس 2013

[eng/ahmed_go]

هو ليه يا جماعة مفيش اي تقييم للعربية ولا اي حد قال انه اشترها لاني بفكر اجبها بس مش عارف عنها اي حاجة ولا رأي اي حد من مالكيها

[Lifz_Good]

ملاك العربية في منتدى تويوتا معدودين على أصابع الكف الواحد
دا إن تواجدوا على المنتدى للرد أصلاً

أنصحك تعمل تست درايف وربنا ييسر لك للخير بإذن الله

[Y a r i s]

يافندم هو انتا فاكر تويوتا. زي بقيت. العربيات
يعني ممكن تلاقي واحد يروح يجيب عربية ويرجع يشتكي من مش عارف ايه ويندم ان سعر البتاع الفلانية بالشيء الفلاني ويتجنن. ... (ليييه يتجنن! لانوا من وجهت نظروا ما تستاهلش ) لكن واحد اشترى تويوتا يارس ولا اي منتج من منتجات تويوتا فتبص تلاقيه احتفى ولا حس ولاخبر. ممكن بعدين وفين وفين يجي. يعمل موضوع ويقول يا جماعه هو صيانة العشر تلاف بكام في التوكيل ... وممكن يشتكي ويقول يا جماعة في لمبة لونها اخضر ولا برتقاني في التابلوة دي بتاعت ايه !

بس التويوتا مختلفة تماماً والدليل انتا تصور العربية الصغيرة الي اسمها يارس بتمن عررربية كبيرة اسمها الينترا ... والكلام ده مش الايام دي بس لا من زمان من سنة ٢٠٠٧ حتى تمن الانترا هوا هوا تمن التويوتا يارس رغم ان الالنترا ١٦٠٠ وتلاقي فيها حبت اوبشنات مش موجودة في اليارس ومع. ذلك الناس بتختار اليارس بالذات الي فاهم. لكن واحد عاوز حاجة كبيرة وخلاص فبيجيب الينترا .

المهم انا انصحك لو عاوزها ونويت متسئلش حد ... لان سؤال غير الله مذلة .... وغير كده وكده. حضرتك بتسئل عن ايه عن تويوتا !!!
يعني عمرك. شفت حد بيستفسر عن عربية مرسيدس قبل ما يشتريها !
اذا كانت المارسيدس هو مرسيدس وتوب العربيات الالمانية
فالتويوتا يا عزيزي هيا مارسيدس العربيات اليابانية والشرق اسياويه ... وتحياتي

[ahmedz310]

حالي من حالك

[ahmedz310]

http://www.nilemotors.net/Nile/329235-2013.html

[S O P H O S]

قلة الكلام عن العربية
بيدل علي عدم النجاح والانتشار !

[obdima]

اليارس كتويوتا قليلة عشان الفكرة عن شكلها القديم

قلة الكلام عن تويوتا مش دليل عن عدم كفائتها يعني مثلا لو دخلنا على ال بي ام مثلا 318 موديلات 2000 و 2001 و 2002 قلية في المنتدى يبقى هي عربية وحشة ؟؟؟؟!!!! اعتقد لا وده رأي الشخصي ممكن اكون غلط

[S O P H O S]

كلامك مظبوط يا باشا
بس كلامي مش اقصد بيه هنا
كلامي فالواقع مبيعات العربية قليلة وده باين فمعظم المحافظات
ولما نقيس نجاح الريو قصاد الياريس هيبان ده جدا
لما نقول التيدا والريو والبونتو كلهم هتشباك قصاد الياريس هيكون الامر واضح من خلال الانتشار ( وليس الجودة )
والله اعلم ..