اشتري كورولا ٢٠١٤ الشكل الجديد ام اوكتافيا a7

[mohamed ezeza]

اريد نصيحه وما هو شكل الكورلا اللي حينزل مصر هل حيكون ذي الشكل التوركي

[MITSUKERO]

دي فئة و دي فئة تانية

الاوكتافيا فئة اعلي من الكورولا في التكنولوجيا و وسع الصالون و الثبات و انظمة الفرامل و حاجات كتير

لو معاك فلوس كفاية هات اوكتافيا

والله اعلي و اعلم

[mohamed ezeza]

المشكله ان انا معايا حاليا جيتا ٢٠٠٨ واتلسعت من سعر اعاده البيع وفي نفس الوقت الكورولا الجديده غالبا حتنزل بنفس سعر الاوكتافيا تقريبا ومشكلتها لسه في الفتيس dsg وهل هيبقا فيه عيوب من عدمه
والله انا لا زلت محتار

[mohamed haggag]

انا رأي تاخد الكورولا
للأسباب كتير
شكل لسة جديد وقدامو كتير ع التغيير
شركة تويوتا وبالذات الكورولا عربية اعتمادية وحمالة قاسية
قطع الغيار معقولة بين الكوري والألماني
وسعر اعادة البيع كويس جدااااا

لكن لو بتفكر في ركوبة وفخامة ومش مهم اعادة البيع وقطع الغيار يبقي الأكتافيا

[mmans]

انا شفتها ف معرض تويوتا ف المنصورة شكلها تحححححححححححححححححححححفه الصراحه متغير من برا و جوه كمااااااان و اعلى فئه فيها ب 195

[Land_Cruiser]

اعتقد ان المقارنه حاليا هتبقي صعبه فالعربيتين لسه جداد قوي و بالذات الكورولا و لذلك فالموضوع محتاج انتظار شويه لحد ما العربيتين ينزلوا و يتجربوا

[mohamed haggag]

انا شفتها ف معرض تويوتا ف المنصورة شكلها تحححححححححححححححححححححفه الصراحه متغير من برا و جوه كمااااااان و اعلى فئه فيها ب 195

عمااااار يامنصورة
معقول نزلت في المنصورة انا كنت هناك في المعرض من اسبوع مكنش في غير الفورتنير والأوريس وبس

[mohamed ezeza]

لو في صور ليها في المعرض يا باشا او قولنا انه شكل اللي نزل التركي ولا الامريكي

[Mzeid]

احند بينزلنا النسخة الاوروبي مش الأمريكي

[mohamed ezeza]

شكرا لاهتمامكم جدا انا رغم اني بحب فخامه الالماني لكن مصر محتاجه عربيه عمليه ذي الكورولا وانا شايف انها احسن اللى موجود في السوق خصوصا بعد غزو الكوري واسعارها المبالغ فيها ومع تجربتي في الجيتا فانها لا تتميز سوا في المتانه والتوازن العالي اما نعومه المكنه والتكييف واعاده البيع وقطع الغيار ومراكز الخدمه فهي لصالح تويوتا ده غير كمان مشاكل الفتيس اللي ممكن تظهر في الاوكتافيا
شكلي كده حستقر علي الكورولا

[khaled_afandy]

شكرا لاهتمامكم جدا انا رغم اني بحب فخامه الالماني لكن مصر محتاجه عربيه عمليه ذي الكورولا وانا شايف انها احسن اللى موجود في السوق خصوصا بعد غزو الكوري واسعارها المبالغ فيها ومع تجربتي في الجيتا فانها لا تتميز سوا في المتانه والتوازن العالي اما نعومه المكنه والتكييف واعاده البيع وقطع الغيار ومراكز الخدمه فهي لصالح تويوتا ده غير كمان مشاكل الفتيس اللي ممكن تظهر في الاوكتافيا
شكلي كده حستقر علي الكورولا

كورولا بدون تفكير بس خلى بالك الموديل الجديد الإرتفاع عن الأرض 13 سم يعنى مشكلة فى شوارعنا الجميلة
الأوكتاقيا الجديدة غالية جدا و عندك مشكلة ال DSG و المحرك 1400 cc توربو يعنى لازم بنزبن 95 علشان يعمر معاك

[mohamed ezeza]

طيب ارتفاع تويتا الشكل القديم كان كام اصل انا عاندي عقده من الجيتا في موضوع المطبات بس مش فاكر ارتفاعها قد ايه ياريت حد ياكدلي علي موضوع الارتفاع بتاع الكورولا ده اد ايه

[mohamed haggag]

ع فكرة التويوتا خلاص نزلت وانا شايف انها هتبقي اوفرلك دة غير الأعتمادية والمتانة واعادة بيعها وسعر قطع غيارها وبالنسبة للأرتفاع عن الأرض انا شايف ان 13 مش واطية اووي يعني خصوصا ان ركبت النترا وارتفعها كان 15 ومكنتش بتحك غير لما تكون مليانة جدااا

[mohamed ezeza]

شكرا عاي النصيحه برضو انا شايف انها افضل عربيه في السوق حتي الان وكفايه انها كورولا اكيد متانه واستحمال واشغال شاقه واقل نسبه اعطال

[Ahm662]

اكيد اوكتافيا طب ليه ؟؟؟

فئة اعلى وامكانيات اعلى من الكورولا وشكلها جميل جدا دا غير الموتور الجبار1.4tsi بيطلع140 حصان وعزم 250 نيوتن وبالنسبة للفتيس دا الجيل الرابع ما ظهرش فى مشاكل حتى الان اما الاعتمادية فالموتور بيستهلك 4.9 لتر /100 كم ودا استهلاك افضل من الممتاز وموضوع ال95 فدا كلام مش اكيد وحتى لو95 فاستهلاك العربية يعوض الفارق فى سعر البنزين (مش البيجو 508 استهلاكها داخل فى 10لتر/100 كم و95 كمان) اما الثبات والاتزان وقوة الصاج فدا بالتاكيد للاوكتافيا بلا شك واسعار قطع الغيار مش فارقة كتير عن اليابانى والكورى الجديد وبالنسبة للاعطال ما فيش حاجة اسمها اعطال فى الالمانى الا لو اهملت فى الصيانة.................... صفقة رابحة جدا انك تشترى اوكتافيا والقرار ليك