تويوتا كاميرون

[إبراهيم المصرى]

يا ريت خبراء التويوتا يفدونى لو حد عنده اى معلومه عن التويوتا الكاميرون لاًنها معروضه على حد قريبى ومعنديش عنها اى معلومه يعنى موديلاتها فى مصر انا شخصياً مبشفهاش
قطع غيارها موجوده ولا لاء
من الاخر يروح يشوفها ويمشى فى موضوع الشراء ولا يبعد احسن
وشكراً

[ahmedalaahosny]

الصراحة انا اول مرة اسنع الاسم ده طب هى موديل كام طيب نصيحة ابعد عن العربيات الغير معروفة تجنبا لعك الصنيعية وندرة قطع الغيار

[mahmoudfawzypr]

تويوتا كامري مش كاميرون و الموديلات القديمة من 2000 ل 2006 من احسن العربيات اللي تويوتا عملتها بس للاسف مش منتشرة في مصر

[eng.salama93]

بص هي كعربيه ... وحش سواء كامري أو ( كورونا ) بس المشكله ف أيه بقي
قطع الغيار .... اعتقد مش هتلاقيها سواء العربيه موديل قديم او جديد .. و فرصتك ف الأستيراد مش كبيرة برضو
العيوب عند البيع بقي هتلاقي نفسك مش عارف تبيع العربيه بسهوله
خليك ف المنتشر

[إبراهيم المصرى]

تويوتا كامري مش كاميرون و الموديلات القديمة من 2000 ل 2006 من احسن العربيات اللي تويوتا عملتها بس للاسف مش منتشرة في مصر

يا باشا انا سألته هل يقصد الكامرى وهو اكدلى ان قصده كاميرون وانا عمرى ما سمعت عنها ودخلت على جوجل الصور وكتبت كاميرون طلع فيه عربيات تويوتا اسمها كده
واى نعم الكامرى مش منتشره وقليله بس موجوده وبنشوفها اما الكاميرون ديه اول مره اشوفها على جوجل صور وشكراً على الرد والاهتمام

[إبراهيم المصرى]

الصراحة انا اول مرة اسنع الاسم ده طب هى موديل كام طيب نصيحة ابعد عن العربيات الغير معروفة تجنبا لعك الصنيعية وندرة قطع الغيار

شكراً على الرد والنصيحه جزاك الله خيراً

[إبراهيم المصرى]

بص هي كعربيه ... وحش سواء كامري أو ( كورونا ) بس المشكله ف أيه بقي
قطع الغيار .... اعتقد مش هتلاقيها سواء العربيه موديل قديم او جديد .. و فرصتك ف الأستيراد مش كبيرة برضو
العيوب عند البيع بقي هتلاقي نفسك مش عارف تبيع العربيه بسهوله
خليك ف المنتشر

هو فعلاً زى حضرتك ما قولت عن الكامرى والكورونا لكن الكاميرون حاجه تانيه على ما اعتقد ولكن مشفتش منها خالص فى الشارع فى مصر شكراً على الرد والنصيحه جزاك الله خير