انا جبت ياريس 2008

[hopeless20]

السلام عليكم ورحمه الله وبركاته

أخيرا وبعد اكتر من 3 شهور بدور في كل العربيات المتاحه ادامي
وبعد ما عملت مواضيع كتير أوي

http://www.nilemotors.net/Nile/360354-70.html

http://www.nilemotors.net/Nile/369792-2008.html

في كل الاقسام .. وسألت كل الاسئله الممكنه ... وقريت راي الاعضاء في كل العربيات .. وبصراحه الناس متعاونه أوي .. وبشكر كل الاعضاء في المنتدي ... ربنا يجازيكوا خير ...
أنا اشتريت الياريس ال 2008 ... كامله اوتوماتيك ... سبويلر و4 زجاج كهربا .. 2 اير باج .. و ABS .. بعد حيره كبيره قررت اركب ياباني .. و كمان تويوتا ... وبصراحه مش ندمان خالص علي القرار ده
العربيه عامله 80 الف كيلو .. كانت مع بنت من الزيرو .. روحت التوكيل عشان صيانه ال 80 الف .. وقالولي مش محتجاها لسه معموله .. بس التيل اللي متغير مش اصلي .. وقالولي زيت الفتيس لازم يتغير ع ال 80 .. ومش عارف الموضوع ده صح ولا ايه

ياريت اللي عندوا اي اقتراحات بخصوص العربيه يقولي
هي بس متخربشه من بره شويه وكان نفسي اعملها بولش
وعاوز اركب فرش جلد لان الفرش الاصلي البيج اكيد هيتبهدل مني خصوصا ان في اطفال في الطريق
وبفكر اروح جينز كار .. بس المشكله انه بعيد عني ومدينه نصر مقلوبه و واقفه طول النهار .. والحظر بيضرب اليوم

وعاوز اركب جهاز فصل كهربا و بنزين .. او اي حاجه تمنع السرقه بس فعاله وليها لازمه

[kar!m]

ألف مبروك .. عربية محترمة .. بس هي ثباتها ضعيف شوية .. و استهلاكها في البنزين تحفه


ربنا يبارك لك فيها و يحفظهالك.

[mohammedabdallh]

الف مبروك يا كبير
ربنا يكفيك شرها يارب

[ahmed.zahra]

الف مبروك و فعلا لازم تغير زيت الفتيس. بالنسبة للبولش مالوش لازمة لأنها بعد شهر تقريبا حترجع زي ما كانت.

[hopeless20]

ألف مبروك .. عربية محترمة .. بس هي ثباتها ضعيف شوية .. و استهلاكها في البنزين تحفه


ربنا يبارك لك فيها و يحفظهالك.

الله يبارك فيك

الثبات فعلا بعد ال 160 كنافه بالمانجا .. انا كنت قريت انها بعد ال 140 .. بس يمكن عشان عندي سبويلر .. بس فعلا مش تهريج بعد ال 160 العربيه مش بتاعتك خالص .. بس الموضوع مش فارق معايا عشان انا اخري بالعربيه 140 ده لو مسافر ... غير كده هي ال 100 مبطلعش عنها
بالنسبه للبنزين ... 530 كيلو في ال 40 لتر ... 7.5 لتر لكل 100 كيلو

[kar!m]

بالنسبه للبنزين ... 530 كيلو في ال 40 لتر ... 7.5 لتر لكل 100 كيلو

لا ممكن تعدي ال 300 كيلو بسهوله في الصفيحة .. لو مبتقرصش و مبتعديش ال 100 كم/ساعة

[S O P H O S]

الــف مبــــروك يا باشا
واتمني ان رأينا يكون عجبك وان شاء الله يكون اختيار موفق
انت بس حب العربية وعاملها علي انها عربية مدينة ..

[tamer273]

أنا معايا ياريس 2008 مانيوال .... زي الفل ... عربية أصيلة ...
- بالنسبة لإسهلاك البنزين : موفرة جدا لغاية سرعة 110 أو 120 كم / ساعة
- الثبات على الطريق كويس قوي لغاية سرعة 140 كم / ساعة ... بعد كده الثبات هايقل بس مش بالدرجة المخيفة اللي الناس بتتكلم عليها
- التوكيل بتاع تويوتا محترم جدا ...

[draboeyad]

ربنا يباركلك فيها
ممكن نعرف اشتريتها بكام علشان برضه بدور على ياريس

[egyptiandiver]

ألف مبروك...

[Ahmod]

السلام عليكم ورحمه الله وبركاته

أخيرا وبعد اكتر من 3 شهور بدور في كل العربيات المتاحه ادامي
وبعد ما عملت مواضيع كتير أوي

http://www.nilemotors.net/Nile/360354-70.html

http://www.nilemotors.net/Nile/369792-2008.html

في كل الاقسام .. وسألت كل الاسئله الممكنه ... وقريت راي الاعضاء في كل العربيات .. وبصراحه الناس متعاونه أوي .. وبشكر كل الاعضاء في المنتدي ... ربنا يجازيكوا خير ...
أنا اشتريت الياريس ال 2008 ... كامله اوتوماتيك ... سبويلر و4 زجاج كهربا .. 2 اير باج .. و ABS .. بعد حيره كبيره قررت اركب ياباني .. و كمان تويوتا ... وبصراحه مش ندمان خالص علي القرار ده
العربيه عامله 80 الف كيلو .. كانت مع بنت من الزيرو .. روحت التوكيل عشان صيانه ال 80 الف .. وقالولي مش محتجاها لسه معموله .. بس التيل اللي متغير مش اصلي .. وقالولي زيت الفتيس لازم يتغير ع ال 80 .. ومش عارف الموضوع ده صح ولا ايه

ياريت اللي عندوا اي اقتراحات بخصوص العربيه يقولي
هي بس متخربشه من بره شويه وكان نفسي اعملها بولش
وعاوز اركب فرش جلد لان الفرش الاصلي البيج اكيد هيتبهدل مني خصوصا ان في اطفال في الطريق
وبفكر اروح جينز كار .. بس المشكله انه بعيد عني ومدينه نصر مقلوبه و واقفه طول النهار .. والحظر بيضرب اليوم

وعاوز اركب جهاز فصل كهربا و بنزين .. او اي حاجه تمنع السرقه بس فعاله وليها لازمه

الف مبروك يا باشا العربية ربنا يباركلك فيها

زيت الفتيس اللى موجود في الياريس Life long !! يعني مش لازم يتغير

وممكن تواجهم في التوكيل بإن الكلام ده مكتوب على مقياس زيت الفتيس في حوض الماتور !! لو طلعته هتلاقي مكتوب عليه التالي

"No Need to change transmission fluid under normal driving conditions"

وهتلاقي في الكتالوج بتاع العربية محددلك الحالات اللى بتبقى محتاجة لتغير زيت الفتيس كل 80 الاف كم :

ده في حالة لو بتستخدم العربية لقطر عربيات تانية / او متعود تسوق العربية على سرعات عالية علطول فوق ال 140 كم !! غير كدة مش محتاج يتغير

---

بالنسبة لسرقة العربية في الياريس احسن حل عملي للموضوع ده انك في كل مرة تركن تفك ال AirMass

ده حساس هوا بيبقى راكب فوق عمة فلتر الهوا بيتفك وتشيله من الفيشة بتاعته وتاخده معاك (هو في حجم علبة السجائر) فكه مش هياخد اكتر من دقيقتين وتركيبه برضوا بياخدله دقيقة بالكتير

والاهم ان العربية مستحييييل تدور من غيره

اخيرا بالنسبة لموضوع الثبات طقم كاوتشات عريض هيحللك الموضوع ده بشكل جزري

[hopeless20]

ياريس .. اوتوماتيك .. كامله .. سبويلر .. 4 زجاج كهربا .. 2 اير باج .. Abs ... Ebd ...لون اسود .. فبريكا بره وجوه ماعدا اكصدام خلفي .. عامله 80 الف كيلو .. صيانه ال 80 الف هو الي عملها .. في خرابيش من بره .. والاكصدام اللي ورا واقع ومعمول بمسامير

80 الف جنيه ... واشترط التسجيل

[elmkaneeki]

سعرها كدة حلو اوي اوي...وبلاش كلام التجار يضايقك عشان هتسمع كلام ينرفز

[hopeless20]

الف مبروك يا باشا العربية ربنا يباركلك فيها

زيت الفتيس اللى موجود في الياريس Life long !! يعني مش لازم يتغير

وممكن تواجهم في التوكيل بإن الكلام ده مكتوب على مقياس زيت الفتيس في حوض الماتور !! لو طلعته هتلاقي مكتوب عليه التالي

"No Need to change transmission fluid under normal driving conditions"

وهتلاقي في الكتالوج بتاع العربية محددلك الحالات اللى بتبقى محتاجة لتغير زيت الفتيس كل 80 الاف كم :

ده في حالة لو بتستخدم العربية لقطر عربيات تانية / او متعود تسوق العربية على سرعات عالية علطول فوق ال 140 كم !! غير كدة مش محتاج يتغير

---

بالنسبة لسرقة العربية في الياريس احسن حل عملي للموضوع ده انك في كل مرة تركن تفك ال AirMass

ده حساس هوا بيبقى راكب فوق عمة فلتر الهوا بيتفك وتشيله من الفيشة بتاعته وتاخده معاك (هو في حجم علبة السجائر) فكه مش هياخد اكتر من دقيقتين وتركيبه برضوا بياخدله دقيقة بالكتير

والاهم ان العربية مستحييييل تدور من غيره

اخيرا بالنسبة لموضوع الثبات طقم كاوتشات عريض هيحللك الموضوع ده بشكل جزري

متشكر جدا علي الرد
انا فعلا قريت الجمله دي علي غطا عمه زيت الفتيس
وشكيت فعلا انها اشتغاله من التوكيل

خصوصا لما رفعت المقياس ولقيت لون الزيت محمر شويه مش اسود

AirMass بقي اعتقد اني شوفتهم في التوكيل بيفكوه وقالي هنضفه ونرجعه تاني عشان ده بيفرق في السحب بتاع العربيه وحوارات كده
وحسيت انه سهل يتفك فعلا

بس الفكره عندي مش في ان العربيه متدورش لان كده كده فيها امبوليزر
الفكره في اني اعرف اجيبها كمان لو لا قدر الله حصل حاجه
انا تقريبا مش عارف انا عاوز احافظ عليها ازاي بس مرعوب من فكره ان يحصلها حاجه لان ده شقي عمري بالمعني الحرفي للكلمه

طقم كاوتشات ده بقي سؤال مهم جدا
ايه يناسب العربيه ويحافظ ع العفشه ويكون طري احسن صوت الميشيلان الي متركب بشع .. لما بدخل جراج الشركه بيبقي عامل فرح ابن العمده

[amrrashed]

الف مبروك بس الاستهلاك ده علي الطريق يا جماعة صح ؟ وبالنسبو للكاوتش ... هات كومهو ايكستا ٢٠٥/٥٥