مشكلتي مع ﻻند كروزر

[AhMeD MeTwAlY]

العربيه موديل 2008 موتور v6
المشكله بدأت ان الازاز الامامي اكان مكسور والمرايا كانت واقعه قولت اركبها وفعﻻ لحمنا القاعده الحديد في الازاز وركبت المرايا بس المرايه كاتبه رقم 5 ومش عايز تتظبط
ولما برجع لورا بسمع صفاره بس الشاسه مكتوب عليها no signal
وانا جي امبارح لمبة الموتور نورت وكنت علي كبري ومش عارف اقف المهم كملت مشواري وبعدين بشغل العربيه اللمبه منورتش كبرت دماغي روحت كام مشوار كدا بتاع
130 كيلو وانا راجع لمبة البطاريه نورت قفلت النور مع انه مخالف والتكييف وفتحت الازاز ومشيت غيرت وضع الفتيس ل s وشديت علي العربيه شويه عشان متفضاش خالص واروح بونش
وحت ركنت العربيه وقمت الصبح بدري ونظمت ورقي وطالع اخد العربيه لقيت مؤشر شحن البطاريه قريب من 9 والنص عندي 14 لقيت الحلوه اشتغلت قولت نتوكل علي الله وانا قلقان نقلت الروس لقيت العربيه فصلت
سبتها شويه وضغط علي مفتاح ستارت start سمعت صوت زنه كدا قمت فاكك كبل البطاريه واتصلت علي كهربائي عقبال لما جه كنت قفلت العربيه بالريموت جيت افتحها مش عايزه تفتح نهائي الكهربائي وصلي تونجر سلك كدا فوق الكفر الامامي الشمال تقريبا وصله في حته قريبه من الدينو ووصل التاني في بطن العربيه
وبصل علي امبير التونجر قالي بتشحن دلؤقتي بس بفتحها بالريموت مش عايزه تفتح واعمل ايه

[dr.hazem]

الريموت بيبقى فيه مفتاح للطوارئ بيطلع بكلبس غالبا..
هتطلعه وتفتح بيه..
وبص على سير الدينامو سلثم ولا لا....

Sent from my Xperia Arc S using Forum Runner

[AhMeD MeTwAlY]

الحمد لله العربيه اتفتحت واشتلت كمان
المشكله ان اللمبه بتاعت البطاريه لسه منوره فسبناها علي التوننجر بنفس الطريقه ﻻني مش لقي الكهربائي راح يتغدي
لما يرجع هخليه يوصل البطاريه مباشرة علي التنجر والسير مشدود وتمام بس المشكله الدينمو في مكان ابن ستين في سبعين مستخبي في الموتور
المشكله ان الواحد مش عايز يلعب في العربيه لحاجه تضرب

[minicooper20]

مقولتلك العربيه د ى مشمومه
هههههههههه
اول مره اشوف لاند كروزر عطلانه فى السعوديه
دى بتمشى على الحيطه يا عم

[bmw323]

نصيحة وديها التوكيل يتكشف عليها أفضل !! بدل ما كل شوية تلاقي حاجة بايظة

[AhMeD MeTwAlY]

مقولتلك العربيه د ى مشمومه
هههههههههه
اول مره اشوف لاند كروزر عطلانه فى السعوديه
دى بتمشى على الحيطه يا عم

شكلها كدا وربنا يا كوبر
هي احسن من الونيت بس ميزة الونيت كنت بصينها باستمرار دي مشفتش ريحة الصيانه من يوم لما جت

[AhMeD MeTwAlY]

نصيحة وديها التوكيل يتكشف عليها أفضل !! بدل ما كل شوية تلاقي حاجة بايظة

انا هشحن البطاريه وارميها مكنها وخﻻص مش ناقص وجع قلب

[dr.hazem]

الحمد لله العربيه اتفتحت واشتلت كمان
المشكله ان اللمبه بتاعت البطاريه لسه منوره فسبناها علي التوننجر بنفس الطريقه ﻻني مش لقي الكهربائي راح يتغدي
لما يرجع هخليه يوصل البطاريه مباشرة علي التنجر والسير مشدود وتمام بس المشكله الدينمو في مكان ابن ستين في سبعين مستخبي في الموتور
المشكله ان الواحد مش عايز يلعب في العربيه لحاجه تضرب

ممكن يكون بيتفك من تحت العربيه ...
طالما لمبة البطاريه منوره والسير مظبوط يبقى الدينمو فيه مشكله....
تحياتي

Sent from my Xperia Arc S using Forum Runner

[AhMeD MeTwAlY]

زي ما قالك كدا مني كوبر انها عربيه وسخه دا انا ماشي بيها لقيت التكييف فصل والازاز مش عايز يفتح جبت مايه من كل حته
دلؤقتي وغالبا المشكله في البطاريه ﻻني لما حطتها علي التونجر لمدة 3 ساعات الشحن مزدش عن 14 بل اقل عندي امبير في الطبلون بيبين مستوي شحن البطاريه فكدا اخر حاجه هعملها اجيب بطاريه جديده
غير كدا مش هعمل لو حتي هركب عجله بجرس

[dr.hazem]

زي ما قالك كدا مني كوبر انها عربيه وسخه دا انا ماشي بيها لقيت التكييف فصل والازاز مش عايز يفتح جبت مايه من كل حته
دلؤقتي وغالبا المشكله في البطاريه ﻻني لما حطتها علي التونجر لمدة 3 ساعات الشحن مزدش عن 14 بل اقل عندي امبير في الطبلون بيبين مستوي شحن البطاريه فكدا اخر حاجه هعملها اجيب بطاريه جديده
غير كدا مش هعمل لو حتي هركب عجله بجرس

مينفعش تكون البطاريه....
شغل العربيه وافصل البطاريه لو طفت يبقى الدينامو لو فضلت شغاله يبقى االبطاريع....
اللاندكروزر من اسهل العربيات في فئتها :-D

Sent from my Xperia Arc S using Forum Runner

[AhMeD MeTwAlY]

مينفعش تكون البطاريه....
شغل العربيه وافصل البطاريه لو طفت يبقى الدينامو لو فضلت شغاله يبقى االبطاريع....
اللاندكروزر من اسهل العربيات في فئتها :-d

sent from my xperia arc s using forum runner

افصل البطاريه والعربيه شغاله مش عارف مش مطمن ليه للموضوع دا وبعدين لو كانت مشكلة دينمو كان زمان التونجر شحن البطاريه انما البطاريه يا دوب فيها شحن يشغل العربيه

[dr.hazem]

افصل البطاريه والعربيه شغاله مش عارف مش مطمن ليه للموضوع دا وبعدين لو كانت مشكلة دينمو كان زمان التونجر شحن البطاريه انما البطاريه يا دوب فيها شحن يشغل العربيه

حلو...
وظيفة البطاريه تشغيل العربيه وبس فلو اللي مشغل العربيه هو البطاريه اول متفصلها هتطفي وبكده الدينامو فيه حاجه.. انما لو فضلت دايرة يبقى توكل على الله وغير البطاريه.....

Sent from my Xperia Arc S using Forum Runner

[Land_Cruiser]

اول ما شوفت عنوان الموضوع افتكرت حضرتك زعلان مني بس الحمد لله طلعت العربيه

هي فعلا كميه المشاكل اللي حضرتك ذكرتها دي تعتبر غريبه عليها حتي لو موديلها اقدم من كده بكتير يعني لاندكروزر فاتحه بقها دي حاجه ملفته للنظر بس احتمال كبير انه بسبب إهمال في عمل صياناتها الدوريه هو اللي يوصلها للمرحله دي او ان كان فيها عيوب صناعه من البدايه في العربيه دي بالذات و اعتقد ان المشاكل اللي حضرتك ذكرتها في الموضوع من البطاريه و هي محتاجه تتغير انما النصيحه لحضرتك هو انك تشوف قراءه عداد الكيلومتر بتاعها كام و تروح بيها علي التوكيل او مركز صيانه معتمد تعملها صيانه اقرب رقم لعداد الكيلومتر و بالمره تقوله علي المشاكل علشان يحلوها او ان حضرتك تبيعها لو ما عندكش استعداد لان العربيه في طريقها لان تصبح كتله من المشاكل المتحركة بالطريقه دي خاصه و ان التكنولوجيا اللي فيها عاليه فلو لم يتم الاهتمام بها شويه هتلاقيها كل شويه بمشكله جديده و تقف بك في مكانها نتيجه لعيب مختلف

[eleanor]

90 % مشكله بطاريه لان العربيات دى معروفه بقله اعطالها