لوقاطعنا التركى حيبعتولنا اليابانى

[ahmedtalat]

يا ترى يا جماعه لو تم تفعيل حمله مقاطعة المنتجات التركيه ردا على اهانه شيخ الأزهر و التدخل السافر فى الشئون المصريه - ممكن كده تويوتا الأم تبعت لنا النسخه اليابانى من الكورولا و لا ايه ؟؟؟

[shaddadfalcon1]

حلو موضوع المقاطعة ده ههههههه
بس معتقدش ان حد هيقاطع حاجه

كان الأولي يقاطعو امريكي وفرنسا والمانيا

[dr.hazem]

ياجدعان انتو محسسيني ان تويوتا اصلا بتبص عالملاليم اللي جايالها من الشرق الاوسط كله!!!!!
ثم ان شيخ الازهر يجيب الكلام لنفسه نطلع ندور على كبش فدى؟؟!
قاطعوا قاطعوا يمكن يبطلو يبعتولنا تويوتا اصلا....
ههههه
تحياتي

Sent from my Xperia Arc S using Forum Runner

[rotanamasoud]

انت تعرف ان اسرائيل بتثتثمر مليارات فى تركيا وان تركيا تعتبر بصنع فى تركيا بوابه اسرائيل للوطن العربى لانه عمره محيشترى حاجه صنع فى اسرائيل لاكن لو اسرائيل بنت مصنعها فى تركيا افهم انت بقى واحنا فرحانين باى حاجه تركى ومش داريين بحاجه

[4fun14]

قاطع براحتك بس فى ناس تانيه هتدور على التركى عشان تشتريه :p

[eng.khater]

ثم ان شيخ الازهر يجيب الكلام لنفسه نطلع ندور على كبش فدى؟؟!

ياريت توضيح لكلامك عشان الكلام دا معناه انتا نوافق على الهجوم السافل علي شيخ الأزهر ودا مرفوض

[eng.khater]

[QUOTE=dr.hazem;3875156987]
ثم ان شيخ الازهر يجيب الكلام لنفسه نطلع ندور على كبش فدى؟؟!

ياريت توضيح لكلامك عشان الكلام دا معناه انتا نوافق على الهجوم السافل علي شيخ الأزهر ودا مرفوض

[asemx1]

يوم ما اقرر اقاطع منتج من اى دوله

يكون عندى بديل منافس فى بلدى ومن انتاج بلدى

انما لو قاطعت دوله هقاطع غيرها وغيرها وبكدا مش هلاقى الى استعمله فى مصر

بصراحه الانفتاح التجارى والصناعى الى عمله السادات او عبد الناصر مش فاكر دمر صناعتنا

[yyy]

مين ال هيقاطع .... شعبنا بيقاطع بالكلام بس

[dr.hazem]

ثم ان شيخ الازهر يجيب الكلام لنفسه نطلع ندور على كبش فدى؟؟!

ياريت توضيح لكلامك عشان الكلام دا معناه انتا نوافق على الهجوم السافل علي شيخ الأزهر ودا مرفوض

تسمع عن الشايب العايب؟؟
لما يكون عند حد اقل الضررين هو سفك دماء ابرياء يبقى بيجييب.لنفسه الكلام ولا لا؟؟؟
بستغرب لما نقول لحد احترم نفسك وسنك يزعل....
احترام النفس يكون انك متسمحش لاي حد ايا كان وايا كانت اهدافه انه يغلط فيك... متديلوش فرصه..
رحم الله امرء جب عن نفسه الغيبه....
ياترى سماحته عمل كده؟؟
انا لا احب لحوم العلماء لانها مسمومه ويكفي ان في شيوخ وعلماء ردوا عليه وانكروا عليه فانا لا بهاجم حد ولا بدافع عن حد....

Sent from my Xperia Arc S using Forum Runner

[amgomaa]

هيه الفكرة ان الكورولا مبقتش تصنع اساسا فى اليابان فانت كده هتقاطع كورولا مش تركيا

[monamize4]

ياجدعان انتو محسسيني ان تويوتا اصلا بتبص عالملاليم اللي جايالها من الشرق الاوسط كله!!!!!
Sent from my Xperia Arc S using Forum Runner

ازاى بس يا باشا ؟!!!!!!!!!!!!!
TMC باعت السنة اللى فاتت حوالى 650K+ عربية ف ال middle east
يعنى approximately 7% من انتاج تويوتا
و yet الرقم دا مش قليل و مش ملاليم
كفاية ان اقولك ان دا بيساوى نص حصة اليابان نفسها

و no need 2 say ان ال major share من ال 650k عربية كانت من نصيب ال GCC
يعنى م الاخر كدة ,, الملاليم دى هى ارباح تويوتا ف مصر و الوطن العربى كله باستثناء ال GCC
لكن AFA دخلت ال GCC ف المعادلة يبقى الوضع يختلف كليا

[eng.khater]

[

تسمع عن الشايب العايب؟؟
لما يكون عند حد اقل الضررين هو سفك دماء ابرياء يبقى بيجييب.لنفسه الكلام ولا لا؟؟؟
- عمر الشيبه ماكانت عيب دي سنة الحياه وبستغرب اني اسمع الكلام دا علي شيخ الازهر الي كل الامه الاسلاميه تتعلم منه وتقدر دوره و تحترمه وليس شرط ان تقتنع بشيخ الازهر ام لا لانه بيحكم باحكام ليس علي الهوا الشخصي او المزاج لائن هذا الحكم بيكون مستند الي اسانيد في الدين وهو من يتحمل مسؤليه هذا لائن هوا شيخ الازهر ولا احد يتكلم في الدين من بعده
اما موضوع دماء الابرياء دي اختلف معك فيها جدا لائن هذا اسمه اعتداء علي حرمه لبيوت لما انت تبقي قاعد في بيتك و تلاقي واحد قاعد تحت البلكونه بيعمل ............... ويقلك ادخل جوه دا اسمه ايه؟؟؟ هوا دا الاسلام ؟؟؟ هو الاسلام بيقول كده ؟؟؟؟ دا الاسلام بيقول اماطه الاذاي عن الطريق ليس عكس ذالك
بستغرب لما نقول لحد احترم نفسك وسنك يزعل....
احترام النفس يكون انك متسمحش لاي حد ايا كان وايا كانت اهدافه انه يغلط فيك... متديلوش فرصه..
رحم الله امرء جب عن نفسه الغيبه....
ياترى سماحته عمل كده؟؟
اما لهذه النقطه فهو اخذ رايه في هذه النقطه لائنه هوا المسؤال في الدوله عن الدين الاسلامي والراجل محترم نفسه ولا تطاول علي احد ولكن العكس هوا دائما يتم الاعتداء عليه و هو دائما لا يعير لهم اي اهتمام لائه واثق من احكامه ولا يقوم بدعاه الجيش الاسرائيلي الي الدخول مصر لائنه ارحم من جيشها كما قال المخبول القرضاوي ؟؟؟؟
انا لا احب لحوم العلماء لانها مسمومه ويكفي ان في شيوخ وعلماء ردوا عليه وانكروا عليه
اما هذه النقطه لا اراي شيوخ و علماء ردو عليه غير من لهم اهداف و مقارب شخصيه لتحطيم البلد كما ذكرة في النقطه السابقه وهنا احب ان اذكر قول الله تعالي في سوره الحجرات قوله تعالى: {يَا أَيُّهَا الَّذِينَ آَمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ} [الحجرات: 12]
وهذا من أحسن القياس التمثيلي؛ فإنه شبَّه تمزيق عرض الأخ بتمزيق لحمه .. ولما كان المغتاب يمزق عرض أخيه في غيبته، كان بمنزلة من يقطع لحمه في حال غيبة روحه عنه بالموت؛ لما كان المغتاب عاجزًا عن دفعه بنفسه بكونه غائبًا عن ذمِّه كان بمنزلة الميت الذي يُقَطَّع لحمه ولا يستطيع أن يدفع عن نفسه.
ولما كان مقتضى الأخوة التراحم والتواصل والتناصر، فعلَّق عليها المغتاب ضد مقتضاها من الذمِّ والعيب والطعن .. كان ذلك نظير تقطيعه لحم أخيه، والأخوة تقتضي حفظه وصيانته والذب عنه.
ولما كان المغتاب متفكهًا بغيبته وذمِّه، متحليًا بذلك .. شبه بأكل لحم أخيه بعد تقطيعه .. ولما كان المغتاب محبًا لذلك معجبًا به، شبه بمن يحب أكل لحم أخيه ميتًا ..
ومحبته لذلك قدر زائد على مجرد أكله، كما أن أكله قدر زائد على تمزيقه .. فتأمل هذا التشبيه والتمثيل وحسن موقعه ومطابقة المعقول فيه للمحسوس، وتأمل أخباره عنهم بكراهة أكل لحم الأخ ميتًا ووصفهم بذلك في آخر الآية والإنكار عليهم في أولها أن يحب أحدهم ذلك ..
فكما أن هذا مكروه في طباعهم، فكيف يحبون ما هو مثله ونظيره؟!
فاحتج عليهم بما كرهوه على ما أحبوه، وشبه لهم ما يحبونه بما هو أكره شيء إليهم وهم أشد شيء نفرة عنه ..
فلهذا يوجب العقل والفطرة والحكمة أن يكونوا أشد شيء نفرة عما هو نظيره ومشبهه وبالله التوفيق،،
ابن القيم
فانا لا بهاجم حد ولا بدافع عن حد....
اما هذه النقطه احييك عليها وافضل ان يهدنا الله جميعا و ان يولي من يصلح وخلينا في اخبار السيارات افضل حتي لا نختلف في الاراء وفقنا الله جميعا لما في الخير
Sent from my Xperia Arc S using Forum Runner

[dr.hazem]

مبدئيا بس شيخ الازهر لا يمثل الا نفسه...
لم يفوضه احد للتحدث بلسان الناس ولا حد عينه مسؤولا عن الدين الاسلامي في مصر ببساطه لان كل شخص مسؤول عن نفسه ولا تزر وازرة وزر اخرى....

وانا مش عايز ابوظ الموضوع اللي بيتكلم عن تويوتا مش عن شيخ الازهر....
وطوبى لمن ترك المراء....

تحياتي

Sent from my Xperia Arc S using Forum Runner

[dr.hazem]

ازاى بس يا باشا ؟!!!!!!!!!!!!!
TMC باعت السنة اللى فاتت حوالى 650K+ عربية ف ال middle east
يعنى approximately 7% من انتاج تويوتا
و yet الرقم دا مش قليل و مش ملاليم
كفاية ان اقولك ان دا بيساوى نص حصة اليابان نفسها

و no need 2 say ان ال major share من ال 650k عربية كانت من نصيب ال GCC
يعنى م الاخر كدة ,, الملاليم دى هى ارباح تويوتا ف مصر و الوطن العربى كله باستثناء ال GCC
لكن AFA دخلت ال GCC ف المعادلة يبقى الوضع يختلف كليا

7% قصاد 93 %
ياراجل كبر مخك...
كفايه مبيعاتهم في امريكا نفسها....

Sent from my Xperia Arc S using Forum Runner