السيارة بتنتش والسلانسية مش مظبوط ,كورولا 2010

[wael_power]

السلام عليكم
السيارة كورولا 2010 منوال بتنتش والسحب مش مظبوط والسلانسية الار بي ام بيعلي ويوطي لوحده بشكل ملحوظ
كانت عملت كده من شهرين غيرت بوجيهات كانت مهببة ولما ركبت الجديدة ظبطت الاداء ومكانش في اي مشاكل في السحب والسلانسيه اتظبط بشكل كبير بس برده متغير بنسبه بسيطة
ودلوقتي رجعت تاني زي الاول السلانسيه باظ خالص والتنتيش كتير والسحب ضاع
كشفت علي البوجيه لاقيته مهبب شويه فقلت قبل ماغيره تاني عايز اعرف سبب تهبيب البوجيه
وهل يوجد بلف ايدل كونترول علي البوابه في الكورولا ولا لأ وهل هو سبب ارتفاع الار بي ام في السلانسيه ولا في حاجة تانيه؟ ولو موجود طريقة فكه وتظيفه اذاي
لان كان بيحصل معايه في اللانوس ان السلانسيه مش مظبوط ولما بنضف الايدل بيظبط السيارة جدا وبتسحب كويس

وشكرا جزيلا

[OilMan]

حضرتك غيرت البوجيهات فين؟ وهل اشترتها من التوكيل؟ وايه اخبار فلتر البنزين المفروض بيتغير على 85 الف كيلو

ملاحظه: البوجيهات فى الجنوب افريقى ايريدوم وبتتغير على 100 الف كيلو

[mashaly]

من غير ماتروح لمكانيكي فك بنفسك موبينه موبينه وبص على الحته البلاستيك اللي بتمسك في البوجيه فيها اي قطع ولا كلهم تمام لو لقيت فيها زي قطع هات لزق كهرباء نوع كويس ولفها وهتلاقي العربيه تمام كان عندي نفس المشكله ونضفة البوابه وغيرت فلاتر وحجات كتير وفي الاخر لقيت وحده منهم مقطوعه هي اللي كانت عمله كل المشاكل , فلتر البنزين بيخلي العربيه مكتوبه وممكن تطفي وانت ماشي لوكبست بنزين مره وحده ودا هتلاقيه جوا العوامه تحت الكنبه الخلفيه وتغيره عايز حد محترم مش اي كلام عشان مايبوظش الطلمبه وربنا يسهل وتكون حاجه بسيطه بس ياريت ترد بعد حل المشكله ايه سببها عشان الناس تستفيد

[wael_power]

حضرتك غيرت البوجيهات فين؟ وهل اشترتها من التوكيل؟ وايه اخبار فلتر البنزين المفروض بيتغير على 85 الف كيلو

ملاحظه: البوجيهات فى الجنوب افريقى ايريدوم وبتتغير على 100 الف كيلو

شكرا لاهتمامك
انا غيرت البوجيهات بنفسي وجبتها من موزع معتمد تويوتا بس ماكنتش ايرديوم كانت دينسو تويوتا
فلتر البنزين ماتغيرش خالص وهي عاملة 230 الف كم دلوقتي.

[wael_power]

من غير ماتروح لمكانيكي فك بنفسك موبينه موبينه وبص على الحته البلاستيك اللي بتمسك في البوجيه فيها اي قطع ولا كلهم تمام لو لقيت فيها زي قطع هات لزق كهرباء نوع كويس ولفها وهتلاقي العربيه تمام كان عندي نفس المشكله ونضفة البوابه وغيرت فلاتر وحجات كتير وفي الاخر لقيت وحده منهم مقطوعه هي اللي كانت عمله كل المشاكل , فلتر البنزين بيخلي العربيه مكتوبه وممكن تطفي وانت ماشي لوكبست بنزين مره وحده ودا هتلاقيه جوا العوامه تحت الكنبه الخلفيه وتغيره عايز حد محترم مش اي كلام عشان مايبوظش الطلمبه وربنا يسهل وتكون حاجه بسيطه بس ياريت ترد بعد حل المشكله ايه سببها عشان الناس تستفيد

شكرا لأهتمامك
انا هاجرب اعزل اطراف الموبينه لانها مشققه شويه واشوف ايه الاخبار وابلغك
بس موضوع الار بي ام العالي علي السلانسيه ديه مقلاقني من 1200 الي 1400 ار بي ام والعربيه سخنه او بارده ومش عارف ايه السبب ؟؟

[mashaly]

اعزلها كويس وان شاء الله المشكله هتروح هي دي السبب ياباشا

[eng.salama93]

دينزو بوجيهات زباله و عن تجربه ... هات ngk دا بتاع التويوتا الأصلي و كل الناس بتشكر فيه انا بستخدمه من 5 سنين

[wael_power]

في الاول فكت البوابه ونضفتها كويس وركبتها تاني والاداء كان زي ماهو مافيش تغيير رغم انها كانت مليانه تراب بس مافرقتش كتيير بعد التنضيف
بعد كده عزلت الموبينات كويس والتنتيش راح والسحب اتحسن كتيير ,وبقي طبيعي
لكن المشكله في الار بي ام العالي في السلانسيه لسه موجود ودلوقتي بقي يطلع ل 2000 وينزل لـ 1200 وبيتكرر الصعود والهبوط بشكل منتظم وده طبعا بيؤدي لسخونه الموتور اكتر من اللازم واستهلاك بنزين اعلي
مع العلم لمبه check Engine مش بتنور !!!

وشكرا لاهتمامكم

[swimmer25]

فيه حساس أيدل في التويوتا (هو إسمه حساس هواء لأنه بيقيس كمية الهواء اللي داخلة للمحرك )
هتلاقيه راكب علي خرطوم العمة وسهل أوي فكه وتنظيفه
هتلاقيه بالشكل دا تقريبا



ولما تفكه هيكون كدا



جواه من تحت فيه سنسور عبارة عن سلك رفيع..هات منظف الكترونيات ونضفه ومتلمسوش خالص..ممكن بس بطرف منديل ورق لو فيه منظف بس تلمسه بطرف المنديل عشان يمتص المنظف وتحرك المنديل خفيف أوي حوالين السلك بحرص جدا

أنا نضفته ب WD40 بس مش واثق إنه ممكن يكون عليه مشكلة ومش متأكد من منظف الإلكترونيات بس أعتقد يمشي بس علي مسؤوليتك يا باشا

[wael_power]

فيه حساس أيدل في التويوتا (هو إسمه حساس هواء لأنه بيقيس كمية الهواء اللي داخلة للمحرك )
هتلاقيه راكب علي خرطوم العمة وسهل أوي فكه وتنظيفه
هتلاقيه بالشكل دا تقريبا



ولما تفكه هيكون كدا



جواه من تحت فيه سنسور عبارة عن سلك رفيع..هات منظف الكترونيات ونضفه ومتلمسوش خالص..ممكن بس بطرف منديل ورق لو فيه منظف بس تلمسه بطرف المنديل عشان يمتص المنظف وتحرك المنديل خفيف أوي حوالين السلك بحرص جدا

أنا نضفته ب wd40 بس مش واثق إنه ممكن يكون عليه مشكلة ومش متأكد من منظف الإلكترونيات بس أعتقد يمشي بس علي مسؤوليتك يا باشا

شكرا يا باشا انا نضفته فعلا بمنظف كاربرتير الاسبراي بس للأسف مافيش تأثير

[OilMan]

http://www.nilemotors.net/Nile/363594-mmt.html

بالفعل الموضوع صح وانا قابلت واحد فى التوكيل يوم السبت الماضى (يوم قياسى للارتفاع للعربية الجديدة عن الارض) يملك السيارة موديل 2008 وعامل بيها 200 الف كيلو وكان قادم ليتفرج على الجديدة وذكر بالفعل موضوع التغيير ده وقال بالحرف يكفينى ان التوكيل ما سبنيش خمس سنين وبيحاول يصلح الخطأ اوالعيب الموجود وعلشان كده جاى اشترى تانى برده تويوتا وعلى فكرة انا سالت بنفسى المهندسين هناك اكدوا المعلومة انه سوف يتم تغيير الفتيس وياريت حضرتك تبص على موضوعى السابق (اللينك فوق)

[wael_power]

http://www.nilemotors.net/nile/363594-mmt.html

بالفعل الموضوع صح وانا قابلت واحد فى التوكيل يوم السبت الماضى (يوم قياسى للارتفاع للعربية الجديدة عن الارض) يملك السيارة موديل 2008 وعامل بيها 200 الف كيلو وكان قادم ليتفرج على الجديدة وذكر بالفعل موضوع التغيير ده وقال بالحرف يكفينى ان التوكيل ما سبنيش خمس سنين وبيحاول يصلح الخطأ اوالعيب الموجود وعلشان كده جاى اشترى تانى برده تويوتا وعلى فكرة انا سالت بنفسى المهندسين هناك اكدوا المعلومة انه سوف يتم تغيير الفتيس وياريت حضرتك تبص على موضوعى السابق (اللينك فوق)

شكرا يا باشا بس الفتيس عندي منوال

[swimmer25]

شكرا يا باشا انا نضفته فعلا بمنظف كاربرتير الاسبراي بس للأسف مافيش تأثير

هو إنت نضفت الحساس ولا البوابة ولا الاتنين؟
لو منضفتش البوابة نضفها وإنت فاصل البطارية وسيبها مفصولة لمدة 10 دقائق وبعدين وصل البطارية وإعمل أيدل ليرن زي خطوات اللانوس

لو منفعش الحل دا يبقي شكلها كدا لازم تعملها سكان كمبيوتر عند كهربائي عشان تعرف العيب فين

[wael_power]

في صمام راكب علي علبه الفلتر من الخلف ومتوصل بيه خرطومين هواء وفيشة كهرباء حد عارف ده بتاع ايه ؟
انا لما شلت الخرطوم اللي داخل علي الموتور وجاي من الصمام ده
الا ربي ام وطي بس سرعة الموتور بتتهز ومش ثابته واول ماركب الخرطوم الار بي ام بيعلي !!

[wael_power]

هو إنت نضفت الحساس ولا البوابة ولا الاتنين؟
لو منضفتش البوابة نضفها وإنت فاصل البطارية وسيبها مفصولة لمدة 10 دقائق وبعدين وصل البطارية وإعمل أيدل ليرن زي خطوات اللانوس

لو منفعش الحل دا يبقي شكلها كدا لازم تعملها سكان كمبيوتر عند كهربائي عشان تعرف العيب فين

نضفت الاتنين ،
فكيت البوابه برة وشيلت كابل الكنترول ونشفتها بالهواء قبل ماركبها
بس ماعملتش ايدل ليرن هجرب كده وقولك ايه الاخبار
بص الصمام اللي متثبت علي فلتر الهواء ده ماتعرفش بتاع ايه ؟ لاني شاكك فيه