محتاج تقييم سعر كورولا 2005

[dreslam]

اصدقائي الاعزاء

محتاج مشورتكم في سعر بيع كورولا 2006 مانيوال الفئه اللي بدون زجاج كهربا..هي ماشيه 35 الف كيلو فقط وصياناتها جميعا بالتوكيل باستثناء انها غيرت باب خلفي شمال وفانوس امامي..ورش جنب وكبوت نظافه.
تقييمكم السعري ليها كام بعد اذنكم؟

[S O P H O S]

لو العداد سليم والعربية نظيفة فعلا هتكون متوسط سعر 85 الف
وممكن تزيد علي حسب الحالة واسئل الاخوة
والله اعلم ..

[dreslam]

هو العداد سليم والعربيه نظيفه جدا دي بتاعت قريبتي ومشاويرها كلها كانت بيتي

[S O P H O S]

بص مدام انت عارف تاريخ العربية دي
يبقي توكل علي الله
وقول بردوا السعر المطلوب ايه
ولا انت الي بتقيم العربية وهما مش محددين سعر

[dreslam]

بالضبط حضرتك انا اللي حبيعها او حبدلها بعربيه اخرى فكنت منتظر راي الاعضاء ومن ضمنهم حضرتك "شكرا لاجابتك" عشان اتكلم في رينج كام

[S O P H O S]

بص يا باشا مدام هتبيع يبقي فحالة ان الكاوتش جديد والعربية
ليها صيانة معمولة قريب ممكن تتطلب 88
ولما تتباع وب 88 ولا 86 كويس علشان هي مانيوال و 1300
انما لو عادية يبقي تبيع ب 83 او 85 نظرا ان العربية بيتي والعداد قليل ومتحافظ عليها
يعني لو العربية 2006 هتكون فرينج 83 الي 87 مثلا وده يبقي سعر كويس ليها
والي هيحدد حالة العربية وقت المعانية
وربنا يوفقك للخير
والله اعلم ..

[hfekry]

ارجو السادة الزملاء التكرم بالمساعدة فى تسعير سيارة :
كرولا موديل 2005 خليجى اتوماتيك 1300 سى سى . العداد 60 الف كم
فابريقة من الخارج والداخل . اللون فضى