يا ترى اشترى الفول اوبشن و لا الهايلاين (كلام فى الكورولا 2014)

[ahmedtalat]

زرت النهارده توكيل تويوتا و شوفت الموديلات بتاعه كورولا 2014

بصراحه محتار بين الفئه الفول اوبشن ي 185000 و الفئه الهاى لاين ب 210000

الهاى لاين تزيد عوامل امان ممتازه ( 7 ابرباج )

و شويه حاجات كده مش بطاله برضه

المفتاح الذكى
الكاميرا الخلفيه
الكاسيت التاتش
المرايات الكهربيه فى الصالون
المساحات و النور اتوماتيك مع الضوء و المطر



بصراحه كورولا عامله شغل ممتاز بس مش عارف اختار مين فيهم


الألوان كمان بصراحه ممتازه (الأسود و البرونز) فى منتهى الشيكه

بس الأسود بيبرز النواكل اكتر


ماذا تفعل لو كنت مكانى

[abofandy]

انصحك بالفئة التانية ... عليها سحب غير عادى لماذا ؟؟ لدرجة ان مبقاش فية عربيات حتى في السوق السودا

لان ببساطه فيها كل حاجة من رفاهية وكل حاجة
انما الفئة الهاى لاين شايفاه انها اوفر اوى ورفاهية زيادة عن اللزوم ( السعر مقابل المواصفات )

يعنى لو جيت تبص فرق الكاسيت العادى الى في الفئة التانية عن الكاميرا والتاتش مش كبير اوى ولو هتشترى الكاست نفسة كامل من التوكيل هيبقى سعره حوالى 4الاف وشوية بالكاميرا

الحاجة التانية الى مضيقانى او وخلتنى ابعد نظرى عن الهاى لين ان الفرش فيها مش جلد كامل ولكن قماش وجلد وحتى تلاقى القماش اكتر من الجلد والجلد متواجد في اطراف الكراسى فقط وشريط بس في التابلو

الحاجة التالته المفتاح الذكى والبصمة انا بصراحة بخاف موت من البصمة دى ( راى شخصى يحتمل الصواب والخطا والناس اذواق طبعا ) ان البصمة دى الكهربا بتاعتها بتبقى معقدة والى انا اعرفه عن التويتا من صغرى انها اسهل صيانة وبتبعد عن التعقيد فا انا شوفت بعينى مشكلة قبل كدة في بصمة عربية تعبت اعصابى فبخاف منها مع انها شياكه اوووووووووووى في العربية

حساس المطر وحساس الاضاءة من وجه نظرى المتواضعة مش اضافه اوى للعربية يعنى والناس الى عندهم مش بيسخدموها اوى


الخلاصة :::::
الفئة التانية اتوماتيك فيها كل الرفاهيات والامان
هحتاج اية اكتر من جنوط اسبور - فرامل abs - نظام الثبات الالكترونى - زار الرياضى للعربية - خاصية التراكشين السحب - اتو بارك - فوانيش فوجاات - نيكل مدى للعربية منظر جميل

مش محتاج اكتر من كدة بصراحة في مقابل السعر واتمنى من ربنا ان العربية متزدش سعرها في الدفعة التانية ليها الى نازله بعد العيد ان شاء الله الى انا حاجز فيها لان مش معايا فلوس تانى خلاص بح

بالنسبة للالون في انا محتار اوى بين الفضى والفيرانى
انما الالون الغامقة الاسود بخااااااااااااااااااااااف منها

[M I D O]

في رايي الفول اوبشن افضل

[my3fox]

الفول أوبشن مغرية جدا..... أفضلها طبعا

[ahmedtalat]

بخصوص البصمه

ما اظنش ات العربيه فيها مفتاح بألبصمه

هيه فيها المفتاح الذكى اللى بيحس انك على بعد 1 متر من السياره

و فى زرار (start/stop)

[abofandy]

انا اقصد بالبصمة مش بصمه اليد
انا اقصد البصمة يعنى بتدور بزرار start engine stop في السوق يعرف هذا الزرار بالبصمه
وهذا ما اقصده

وانا لو منك اجيب الفئة التانية الفول اوبشن وليس الهاى لاين بالسعر 210 لانه غالى اوى بصراحة ودخلت في فئة سعرية اعلى ممكن يبقى فيه مقارنات كتير اوى بالسعر دة

[janagabr]

الفول اوبشن ووفر باقي الفلوس انما الهاي لاين سعرها زايد عن مواصفتها

[abofandy]

الفول اوبشن ووفر باقي الفلوس انما الهاي لاين سعرها زايد عن مواصفتها

اتفق معاك بشدة

[hugan]

25000 مش مبلغ قليل

[azahranm]

الهاي لاين

[فبريكا]

صراحة انا لو مكانك و معايا فلوسها حجيب الهاي لاين بغض النظر عن وجهة نظر الاعضاء للسعر وهم محقين تماما 25 مش مبلغ سهل لو عصرت التويوتا ممكن تنزل 128 صغننين بس الواحد لما بيجيب عربية زيرو ويمكن تكون اول عربية في حياتوا وفرحة عمرة نفسوا يفرح وما يحرمش نفسة من حاجة احسن ما يقعد يلوم نفسة يا ريتنى جبتها و العربية بصراحة شكلها جميل واختيار موفق ربنا يتمملك على خير .

[teto007]

الحاجه الوحيده اللى تخلينى اجيب الهاى لاين هى السيفتى برضو 7 اير باج مش شويه

[Rsarabia]

الفئة التانية احسن من الهاى ﻻين فى ال
value for money
هات الفئة التانية لون ابيض شيااااااكة

[Omar.Shawki]

فى الهاى لاين شكل العدادات مختلف واشيك كتير وشاشة كمبيوتر كبيرة ودى ميزة تانية مع 7 ايرباج

مش عارف خامات التابلوه واحدة ولا مختلفة فى الهاى لاين ياريت حد يفيدنا ؟

فرق الفلوس برضه مش قليل

[Omar.Shawki]

http://nileup.com/up/uploads/nilemotors_13808744271.jpg

http://nileup.com/up/uploads/nilemotors_13808744272.jpg