Tweet
السلام عليكم..أنا أخوكم من قسم سكودا.يمكن دي أول مرة أعمل موضوع في تويوتا بس فعلاً الأمر هام للجميع.
- النهاردة وأنا في شغلي كلمني صديق ليا قالي إنه عطلان في ميدان الرماية وعاوزني أروحله.عربيته كرولا 2011 أوتوماتيك.روحتله ولقيت العربية بتدور عادي وأول ما يديها الغيار ويتحرك بيهم تبطل.أنا خمنت انها تكون طرمبة بنزين وطلعت هيا فعلاً..الغريب إن العربية عاملة 49000 كم !!!!!!! وهو بيحافظ عليها لأقصي درجة ممكنة ! وسألته هل مرة حطيت بنزين في محطة مش نظيفة أو شكلها مريب قالي ولا مرة من يوم ما اشتراها.
المهم روحنا التوكيل فرع أبو رواش لأنه كان أقرب حاجة لينا.وطبعاً جيبتله ونش وكانت سحلة ما يعلم بيها إلا ربنا...المهم
وصلنا هناك دخلنا الإستقبال وفتحوا job للعربية وكتبوا بياناتها..وقالوا لصاحب العربية يمضي عليه قبل ما تدخل الصيانة.
دخلوا العربية الساعة 1 وفضلنا مستنيين لحد الساعة 3.30 بنتفرج علي الموديلات الجديدة لحد ما يخلصوا..اتصلوا بينا قالوا فعلاً طرمبة البنزين باظت وتحتاج تغيير بالفيلتر..طبعاً المفروض إن الكلام ده علي حساب الضمان وهما قالولنا هنغيرها علي حساب الضمان لكن الفيلتر خارج الضمان..بكام يا عم الفيلتر ... 720 جنيه !!!!!!!!!!!!!!!!!!!!!!!!!!!!!!!!!!!!!! حاجة هم..
مسافة ما روحنا نشتري الفيلتر اتصلوا بينا يقولولنا الطرمبة مش هتتغير علي حساب الضمان.ليه يا جدعان..قالك سوء استخدام وتعالوا نوريهالكم..روحنا نشوفها لقينا الـ strainer بتاع الطرمبة عليه زي صدأ كده..نقولهم ده تعتبروه سوء استخدام علي أساس إيه ؟ بمنتهي البرود يقولوا انت بتحط بنزين مش نظيف في العربية.واحنا ملناش دعوة !! طبعاً عملنا خناقة لرب السما وصوت عالي وشتيمة في التوكيل علي صحابه.جالنا شاب سيس كده بيقوله عليه ماسك الـ quality control وده جيه أول ما سمعنا بنقول حماية المستهلك.
صور الطرمبة من جميع الزوايا وقال هنبعت الصور لليابان ونشوف ردهم إيه !!
واستنينا عقبال ما يطلعوا العربية عشان ناخدها ونحملها علي الونش ونمشي.وروحنا عشان نستلم قالولنا في 250 جنيه تمن كشف !! وصاحب العربية قالهم مش هدفع حاجة انتوا معملتوش فيها حاجة.قالوا بس انت ماضي انك هتدفع !! أتاري الـ job بتاع العربية في كام سطر فاضيين ودول عشان يعوروا الزبون بعد ما يمضي يكتبوا فيه اللي هما عاوزينه.حسبي الله ونعم الوكيل فيهم.
وبعد ما طلعنا بنتصل بواحد اسمه البرجسي في شارع مراد قالنا الطرمبة موجودة جديدة بمشتملاتها بـ 1850 جنيه..في حين إنها في التوكيل بـ 3500 جنيه ؟؟؟!!!!!!!
احنا محتاجين رأي حضراتكم..نمشي في سكة حماية المستهلك؟ولا نعمل إيه..آسف علي الإطالة
- النهاردة وأنا في شغلي كلمني صديق ليا قالي إنه عطلان في ميدان الرماية وعاوزني أروحله.عربيته كرولا 2011 أوتوماتيك.روحتله ولقيت العربية بتدور عادي وأول ما يديها الغيار ويتحرك بيهم تبطل.أنا خمنت انها تكون طرمبة بنزين وطلعت هيا فعلاً..الغريب إن العربية عاملة 49000 كم !!!!!!! وهو بيحافظ عليها لأقصي درجة ممكنة ! وسألته هل مرة حطيت بنزين في محطة مش نظيفة أو شكلها مريب قالي ولا مرة من يوم ما اشتراها.
المهم روحنا التوكيل فرع أبو رواش لأنه كان أقرب حاجة لينا.وطبعاً جيبتله ونش وكانت سحلة ما يعلم بيها إلا ربنا...المهم
وصلنا هناك دخلنا الإستقبال وفتحوا job للعربية وكتبوا بياناتها..وقالوا لصاحب العربية يمضي عليه قبل ما تدخل الصيانة.
دخلوا العربية الساعة 1 وفضلنا مستنيين لحد الساعة 3.30 بنتفرج علي الموديلات الجديدة لحد ما يخلصوا..اتصلوا بينا قالوا فعلاً طرمبة البنزين باظت وتحتاج تغيير بالفيلتر..طبعاً المفروض إن الكلام ده علي حساب الضمان وهما قالولنا هنغيرها علي حساب الضمان لكن الفيلتر خارج الضمان..بكام يا عم الفيلتر ... 720 جنيه !!!!!!!!!!!!!!!!!!!!!!!!!!!!!!!!!!!!!! حاجة هم..
مسافة ما روحنا نشتري الفيلتر اتصلوا بينا يقولولنا الطرمبة مش هتتغير علي حساب الضمان.ليه يا جدعان..قالك سوء استخدام وتعالوا نوريهالكم..روحنا نشوفها لقينا الـ strainer بتاع الطرمبة عليه زي صدأ كده..نقولهم ده تعتبروه سوء استخدام علي أساس إيه ؟ بمنتهي البرود يقولوا انت بتحط بنزين مش نظيف في العربية.واحنا ملناش دعوة !! طبعاً عملنا خناقة لرب السما وصوت عالي وشتيمة في التوكيل علي صحابه.جالنا شاب سيس كده بيقوله عليه ماسك الـ quality control وده جيه أول ما سمعنا بنقول حماية المستهلك.
صور الطرمبة من جميع الزوايا وقال هنبعت الصور لليابان ونشوف ردهم إيه !!
واستنينا عقبال ما يطلعوا العربية عشان ناخدها ونحملها علي الونش ونمشي.وروحنا عشان نستلم قالولنا في 250 جنيه تمن كشف !! وصاحب العربية قالهم مش هدفع حاجة انتوا معملتوش فيها حاجة.قالوا بس انت ماضي انك هتدفع !! أتاري الـ job بتاع العربية في كام سطر فاضيين ودول عشان يعوروا الزبون بعد ما يمضي يكتبوا فيه اللي هما عاوزينه.حسبي الله ونعم الوكيل فيهم.
وبعد ما طلعنا بنتصل بواحد اسمه البرجسي في شارع مراد قالنا الطرمبة موجودة جديدة بمشتملاتها بـ 1850 جنيه..في حين إنها في التوكيل بـ 3500 جنيه ؟؟؟!!!!!!!
احنا محتاجين رأي حضراتكم..نمشي في سكة حماية المستهلك؟ولا نعمل إيه..آسف علي الإطالة
Comment