تويوتا Supra!!!

[bigboss_215]

ريد بل كار بارك درفت كان فيه سوبرا

العربية دي الاقيها فين!! و هل هي فعلا اسطورة تستحق الاقتناء!!!

[eng.m7md.ali]

طبعاً .. اغلب سيارات الدريفت المعروفة عالمياً هيا السوبرا والنيسان 350z والنيسان سيلفيا

[abofandy]

NEW SUPRA 2014. FTHS concept - YouTube

[janagabr]

الصراحة اول مرة اسمع او اشوف العربية ده

[Ahmed Amin]

العربية دي أسطورة من أسطاير تويوتا, مواتيرها أقل تعديل فيه بيطلع هورس باور عالي بغباء,,
والشاسية بتاعها كان بيستحمل أي تعديل حتي لو التعديلات وصلتها ل 1600 حصان,, !!
وسوموها Toyota Top Secret كا متور 6 سلندر 3000 سي سي توين تربو قوي بالغباء دا وبيفلق لكل المواتير ال V8 وحتي ال V10 وال V16 وشاسية متين يستحمل التعديل,,

وأكيد أنت سمعت صوت موتور أحمد طارق كان عامل زي ما يكون ضرب نار أزاي أكن حد بيضرب برشاش وأنت مش شايف الضرب منين,
العربية دي التعديلات فيها وصلت ل 1000 و 1600 حصان قبل ما البوجاتي فيرون تتصنع وتاخد لقب أسرع عربية في عالم وهيا 1001 حصان.
العربية دي دور علي فيديوهاتها عال يوتيوب, هتلاقيها بتطلع من عربيات فيراري ولامبورجيني,, وتسارع أسطوري,,

شوف السحب الغبي بيبقي عامل أزاي ومتقولي فيراري تاني ولا لامبورجيني,
Toyota Supra 1250 WHP 0-300 km/h www.prepauto.com - YouTube

Turbo Supra From hell !! - YouTube
WORLDS FASTEST TOYOTA SUPRA BIG TURBO DRAG 7.88 1500 HP - YouTube

ومتدورش عليها لأنك مش هتلاقيها, العربية دي دلوقتي ومن زمان تعتبر Collectors Edition
نادرة جداً, أنتاجها كان نت 1992 ل 2002 ودا كان أخر أنتاج ليها,,

ودلوقتي الفيديو اللي حاطة abofandy لنسخة جديدة بيفكرو أنهم ينزلوها منها, مش اللي أنت بتتكلم عليها طبعاً, وأنا بقولك من دلوقتي مش هتبقي زي القديمة لو نزلت Hybird
ولا القديمة هتتعوض..


نختم بقي بأخر أهم فيديو, شوف بالتعديل ممكن توصل لكامحصان في أخر الفيديو
Amit Bhakta's 1622rwhp SAE WORLD RECORD supra dyno - YouTube

معني ال Burnout
Toyota Supra Super Burnout! - YouTube



ودول أكتر فيديوهين بحبهم ليها من أيام ما كنت صغير,,
Supra Dyno - YouTube
Supra Dyno flame 15psi 450 HP - YouTube

Nissan GTR & Toyota Supra
يعني الحب.

[AhMeD MeTwAlY]

هي فعلا سياره تستحق الاقتناء بس فين دي بقئ محدش عارف للاسف لانها نادره جدا في مصر

[Ahmed Amin]

مفيش منها,,
اللي عايز يدور في المواقع الياباني أو علي موقع Ebay ويشحنها من أمريكا لو لاقي حاجة نضيفة,,!

[akmm]

وحش ...................... على الطريق

[Ahmed Amin]

فيديو أحمد طارق من أيفينت ريد بل أمبارح,
Ahmed Tarek Drifitng With Toyota Supra (Red Bull Car Park Drift Egypt 2013) - YouTube

ودا فيديو قديم, من 3 أسابيع أيفينت التاندا كان في العاشر.
Ahmed Tarek - El Tanda drift challenge 7-9-2013 - YouTube


صور إيفينت أمبارح,









بصراحة كان يوم فقر علي عربيته اللي عطلت وعربية رامي سري كمان, بس هوا نصيب.
وتنظيم الإيفنت كان زي الزفت,,

ربنا يعوضه خير ويبارك له ف عربيته,



ودول أكتر فيديوهين بحبهم للسوبرا تاني علي قوة موتورها,,
Supra Dyno - YouTube
Supra Dyno flame 15psi 450 HP - YouTube

[ZOoOoMA]

عربيه مش محتاجه سؤال كنت بلعب بيها في موست ونتد كتير :d
و كانت قدامي في السعوديه بس كان شبه مستحيل اني ادخلها مصر
و لو معايا امكانيات ماديه كويسه عمري ما اشتري عربيه زيرو ب 200 الف انا اشتريها من بره احسنلي

[bigboss_215]

ما انا عشان كده مستغرب هو احمد طارق جابها منين دي!!!

[1.8Tee]

بعد اذنك,

العربية دي أسطورة من أسطاير تويوتا, مواتيرها أقل تعديل فيه بيطلع هورس باور عالي بغباء,,

فعلا كلامك صح..ال 2jz من المواتير الللى بت respond very well to mods .

وسوموها Toyota Top Secret كا متور 6 سلندر 3000 سي سي توين تربو قوي بالغباء دا وبيفلق لكل المواتير ال V8 وحتي ال V10 وال V16 وشاسية متين يستحمل التعديل,,

هو Top Secret اسم شركة تعديل يابانى (معظم شركات التعديل اليابانى اساميها بتبقى cheesy شوية)....و اشهر عربيتين سوبرا عملتهم Top Secret كانت بمواتير غير ال 2jz , واحدة كانت بموتور v12 متاخد من التويوتا century والتانى كان rb26 متاخد من ال Skyline GT-R .

هو ال 2jz فى ال stock form ميسدش قوى مع موتور v8 قوى واكيد ميسدش مع ال v10 و ال v16 و اصلا معظم اللى بيعدلوا ال 2jz بيعملوا conversion من twin ل single نربو....قوة حصانية اكبر.

وأكيد أنت سمعت صوت موتور أحمد طارق كان عامل زي ما يكون ضرب نار أزاي أكن حد بيضرب برشاش وأنت مش شايف الضرب منين,

anti lag system يا باشا....تعديل مشهور فى العربيات التربو.

العربية دي التعديلات فيها وصلت ل 1000 و 1600 حصان قبل ما البوجاتي فيرون تتصنع وتاخد لقب أسرع عربية في عالم وهيا 1001 حصان.
العربية دي دور علي فيديوهاتها عال يوتيوب, هتلاقيها بتطلع من عربيات فيراري ولامبورجيني,, وتسارع أسطوري,,

stock vs modded ....مينفعش المقارنة يا باشا....

ومتدورش عليها لأنك مش هتلاقيها, العربية دي دلوقتي ومن زمان تعتبر Collectors Edition
نادرة جداً, أنتاجها كان نت 1992 ل 2002 ودا كان أخر أنتاج ليها,,

هى عربية كانت عادى mass produced , بس هى الفكرة ان صعب دلوقتى تلاقى واحدة برة سعرها يكون رخيص و تكون in stock form و صاحبها مش لاعب فيها.

[saddam]

صديقي المواطن
عربية محترمة وتسنحق اﻹقتناء جدا ومن فترة.كانت عالنت وحده معروضة للبيع عالنت ودور حتلاقي مصر فيها كل حاجة أنا أحيانا والناس هنا عرفاني بقعد أدور على عربية سنتين وتلاتة بس في اﻵخر بجيبها ودلوأتي بخلص في عربية بدور عليها من سنتين ولقيتها بالصدفة مرمية في الشارع جنب كوم زبالة وإشتريتها كالعادة.بالقسط وبجهز في العربون وحدفع خلال أسبوع
الخلاصة لو بتحبها حتلاقيها وأول حاجة تعملها تكلم الشاب بتاع الدريفت توصل له وتقله تعرف سكة وحده لو قال لك ﻷ إسأله مين بيبيعلك قطع غيارها وروحلهم وزغلل عنيهم بألفين تلاتة إكرامية لو جابولك وحده هم حيستنوا زبون عنده ويكلموه في بيع والموضوع بسيط وهناك طرق أخرى واسطة في مرور الدراسة.عالكمبيوتر أو في اﻷمن يطلعلك كل سيارات الجمهورية من نوعها وتلف عليها وحيبيعولك واﻷسعار من 65 إلى 115 ألف وحتلاقي موديلات قديمة بثلاثينات
ودمتم.للنضال