إعـــــــلان

Collapse

.

,
See more
See less

وجهات نظر في كورولا 2014

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة magedtito مشاهدة المشاركة
    يا جماعة ان خلوني انقل ليكم انطباعي عن الكورولا الجديدة لاول وهلة تشوفها تتوهم بشكلها خاصة من قدام بس بعد فترة و تفكير تجد ان سعرها مبالغ فيه و برضوا التوكيل معتمد علي سمعة العربية التاريخية و اعادة البيع و ارجوكم محدش يقولي سعر الكوري و سيراتو و الالنترا لان سعرهم اصلا مستهبل ب اد 30 الف اوفر
    لما الاقي الكرولا الهاي لاين ب 210 الف يعني اقل 30 الف عن سيارة اوروبي ووحش زي 508 يبقي ده سعر جيد ؟ و لما تلاقيها كمان من غير فتحة سقف وفرش جلد في قماش ؟
    لما الاقي الكرولا الفول اوبشن ب 185 الف و بدون اوبشنز موجودة في العديد من السيارات الاوروبي المنافسة زي الاسترا او الفلونس و الاقي ان المميز في الكورولا ان hp 122 ازيد من المنافسيين بحوالي 7 حصان و باركينج سينسور امامي و park assist و الاخريين خصوصا الفلونس بنفس السعر و تزيد علي الكورولا فيما يلي:
    Start Engine Key و فتحة سقف كهرباء و فرش جلد بالكامل و سمارت كي و بصمة و ستائر خلفية و جانبية و درج تبلوه مبرد و جنط 17 و عداد سرعة ديجيتال باضاءة مبهرة و محدد سرعة و خامات داخلية عالية الجودة و المتانة و فتحة تكييف خلفية و شاشة لعرض بيانات الحرارة و الساعة و البلوتوس و الراديو في منتصف التبلوه ده اللي فاكره
    يبقي ده معناه ايه !! تقييمي الشخصي للكورولا 2014 علما اني راكب كورولا 2009 :
    الوسع الطولي للصالون هايل بس الوسع العرضي اققل
    وسع الشنطة الخلفية اكبر حاجة بسيطة من الشكل اللي قبله
    العربية من الامام قوية جديدا تصميم هايل بس من ورا عادي جدا كان لازم يبقي ليدات
    الصالون التبلوه حلو طبعا تصميم و خامات بس حامل الاكواب كان لازمله غطاء زي الشكل القديم و كان لازم يكون في مكان اكبر بالقرب من ال usb and aux plugs عشان تحط الموبيل فيه باقي الصالون للاسف فقير جدا و خامات رديئة و زراير الازاز غاية في الرداءة شكلا و موضوعا و الكراسي غيرمريحة و مش كهربا عجلة القيادة حلوة و المالتي فنكشن فيها ممتاز و الفتيس هايل و تجربة قيادتها جيدة بس مش ممتازة تحس ان الثبات ناتج عن انخفاضها علي الارض و انها لو عليت مش حتفرق كتير عن الشكل القديم
    و العربية واطية اي حد يقول ده من عند علبة الشكمان بس حقوله بغض النظر و اطية منين فهي واطية لازم سواقة متانية جدا و ده مش متماشي مع شكل العربية الخارجي الشرس يعني مينفعش زي زمان تاخد بلاعة عالية شوية من اللي بنلاقيهم في الشارع بين العجل زي زمان خاصة لو محمل و حتي لو ممكن تعمل كده حتخاف و ده بيديك انعدام ثقة مش لطيف و متنسوش ان سنة 2008 لما الكورولا الشكل القديم نزل كان من نقط القوة عند فريق التسويق في تويوتا نفسها انها احسن من السيفيك لانها اعلي و مناسبة لشوارع مصر
    و بصراحة مش عارف العربية حتبقي ايه ظروفها في السفر و هي محملة خمس اشخاص و شنطة مليانة !!
    ودي وجهة نظري مش اكتر و لا اقل و علي فكرة انا بغير عربيتي حاليا و مش عارف اجيب ايه بس انا بقارن بين الكورولا 2014 و المنافسين الاوروبيين
    كلامك يا باشا فني جداً مش زي اي حد عادي بيتفرج و خصوصاً انك راكب 2009 و اكيد جنوب افريقي عشان انت اتكلمت علي تقفيل الموتور عشان فعلاً كان متقفل كويس قوي زي الالماني واعلي كمان بس الياباني طول عمرة نفس شكل التقفيل
    بالنسبة ارتفاع العربية هيه مش واطيا اوي زي الناس ما فكرة ارتفعها من النصف حوالي 146 مم و في مناطق تانيه ورا العجل عند منطقه رفع الكوريك و في ناس بتقول علبه الشكمان 125 مم بس احب برضه اقولك ان Mercedes C Class ارتفاعها حوالي 100 مم و الناس بسم الله ما شاء الله عمروهم ما اشتكو

    خامات الزراير و البلاستيك مش زي الموديلات اللي فاتو و فعلن رديئه شويه بس مش ضايعة بس نقدر نقول تويوتا المفروض احسن من كدة خصوصا ان الاسترا مفيهاش من جو غلطة بس الفلونس تقريبا نفس الخامات التركي بالظبط

    العربية واسعه جداً مقارنه بالاسترا و الفلوينس
    استهلاك البنزين اكيد التويوتا احسن من الاسترا اللي في رأي الشخصي بلاعههههه بنزين الفلونس قريبه من التويوتا عشان ال CVT
    الاعتمادية تويوتا احسن من الاوروبي عموماً في قطع الغيار و الصيانه و سعر اعادة البيع
    الكمليات الفلونس بصراحة فيها كل حاجة و احسن من التويوتا و الاسترا
    ستاير - فرش جلد - فتحة سقف - سمارت كي - درج ثلاجة..... بس ياترا الكمليات اهم ولا الاعتماديه وانا شبه واثق ان سواقة التويوتا احسن من الرينو

    بس في النهاية لازم تعرف ان مفيش عربية فيها كل حاجة فلازم تشوف ايه اهم حاجة حتخليك مبسوط وانت راكب العربيه سواء الاوبشنز اهم ولا الاعتمادية وراحة بالك في الصيانة ولا سعر اعادة البيع...
    الحمد لله
    [SIGPIC][/SIGPIC]

    Comment


    • #32
      تويوتاويييييييييي علي طول

      Comment


      • #33
        المشاركة الأصلية كتبت بواسطة iusef مشاهدة المشاركة
        كلامك يا باشا فني جداً مش زي اي حد عادي بيتفرج و خصوصاً انك راكب 2009 و اكيد جنوب افريقي عشان انت اتكلمت علي تقفيل الموتور عشان فعلاً كان متقفل كويس قوي زي الالماني واعلي كمان بس الياباني طول عمرة نفس شكل التقفيل
        بالنسبة ارتفاع العربية هيه مش واطيا اوي زي الناس ما فكرة ارتفعها من النصف حوالي 146 مم و في مناطق تانيه ورا العجل عند منطقه رفع الكوريك و في ناس بتقول علبه الشكمان 125 مم بس احب برضه اقولك ان mercedes c class ارتفاعها حوالي 100 مم و الناس بسم الله ما شاء الله عمروهم ما اشتكو

        خامات الزراير و البلاستيك مش زي الموديلات اللي فاتو و فعلن رديئه شويه بس مش ضايعة بس نقدر نقول تويوتا المفروض احسن من كدة خصوصا ان الاسترا مفيهاش من جو غلطة بس الفلونس تقريبا نفس الخامات التركي بالظبط

        العربية واسعه جداً مقارنه بالاسترا و الفلوينس
        استهلاك البنزين اكيد التويوتا احسن من الاسترا اللي في رأي الشخصي بلاعههههه بنزين الفلونس قريبه من التويوتا عشان ال cvt
        الاعتمادية تويوتا احسن من الاوروبي عموماً في قطع الغيار و الصيانه و سعر اعادة البيع
        الكمليات الفلونس بصراحة فيها كل حاجة و احسن من التويوتا و الاسترا
        ستاير - فرش جلد - فتحة سقف - سمارت كي - درج ثلاجة..... بس ياترا الكمليات اهم ولا الاعتماديه وانا شبه واثق ان سواقة التويوتا احسن من الرينو

        بس في النهاية لازم تعرف ان مفيش عربية فيها كل حاجة فلازم تشوف ايه اهم حاجة حتخليك مبسوط وانت راكب العربيه سواء الاوبشنز اهم ولا الاعتمادية وراحة بالك في الصيانة ولا سعر اعادة البيع...
        طب رأيك عن الاعتمادية و اهميتها .. تفتكر ايه اكثر في الاعتمادية الكورولا 2014 وللا امبريزا 2013 ؟
        و لو حد من ملاك الكورولاالجديدة هل جرب قفلة الباب او ثقل العربية وجرب الاسترا او الامبريزا ؟
        و الف مبروك لكل اللي جابها و ربنا يبارك ليكو فيها و يرزقكم خيرها و يكفيكم شرها

        Comment


        • #34
          طب رأيك عن الاعتمادية و اهميتها .. تفتكر ايه اكثر في الاعتمادية الكورولا 2014 وللا امبريزا 2013 ؟
          و لو حد من ملاك الكورولاالجديدة هل جرب قفلة الباب او ثقل العربية وجرب الاسترا او الامبريزا ؟
          و الف مبروك لكل اللي جابها و ربنا يبارك ليكو فيها و يرزقكم خيرها و يكفيكم شرها[/quote]

          رائي المتواضع ان الكورولا اعتمادية اكتر بكتير وعلشان تتاكد هي معدلة بسيطة هي مستوي المبيعات و الانتشار = قطع غيار وصيانة متوفرة وناس تفهم في العربية ومشاكلها اكتر = سعر اعادة بيع جيدة

          بس دة طبعا ماينكرش ان الامبريزا عربيه ممتازة و منافسة جدا و يمكن اقوي من الكورولا بس ملهاش حظ اوي و الناس بتخاف من قطع الغيار انها تكون غالية و سعر اعادة بيع سئ

          بالنسبة للاسترا فهي نفس مشاكل الامبريزا بس اقل شويتين يعني العربية بصراحة منتشرة اكتر وسعر اعادة بيعها كويس عشان تعتبر عربية الماني غير ان العربية ممتازة جداً خامات وتقفيل و عزل وثبات انا سوقتها كتير وتصميمها الداخلي تحفة بس العربية بالنسبالي صغيرة حبيتين تلاتة الكورولا اكبر بكتير خصوصاً الكنبة الخلفية و استهلاك البنزين فيها مهوللللللللللللللللللللللللللللللللل بلاعه بنزين بمعني اصح

          وبصراحة الكورولا تعتبر من اكتر السيارات اعتمادية في العالم مش في مصر بس
          الحمد لله
          [SIGPIC][/SIGPIC]

          Comment


          • #35
            رائي المتواضع ان الكورولا اعتمادية اكتر بكتير وعلشان تتاكد هي معدلة بسيطة هي مستوي المبيعات و الانتشار = قطع غيار وصيانة متوفرة وناس تفهم في العربية ومشاكلها اكتر = سعر اعادة بيع جيدة

            بس دة طبعا ماينكرش ان الامبريزا عربيه ممتازة و منافسة جدا و يمكن اقوي من الكورولا بس ملهاش حظ اوي و الناس بتخاف من قطع الغيار انها تكون غالية و سعر اعادة بيع سئ

            بالنسبة للاسترا فهي نفس مشاكل الامبريزا بس اقل شويتين يعني العربية بصراحة منتشرة اكتر وسعر اعادة بيعها كويس عشان تعتبر عربية الماني غير ان العربية ممتازة جداً خامات وتقفيل و عزل وثبات انا سوقتها كتير وتصميمها الداخلي تحفة بس العربية بالنسبالي صغيرة حبيتين تلاتة الكورولا اكبر بكتير خصوصاً الكنبة الخلفية و استهلاك البنزين فيها مهوللللللللللللللللللللللللللللللللل بلاعه بنزين بمعني اصح

            وبصراحة الكورولا تعتبر من اكتر السيارات اعتمادية في العالم مش في مصر بس[/quote]

            أتفق معاك على ان الاوبل من اكثر السيارات اعتمادية فى العالم لكن مش الكورولا الجديدة لانها لسه لم تختبر فترة عشان يبان قوتها و اعتماديتها ..
            لكن اختلف معاك فى ان الاعتمادية تقاس بالانتشار .. طب ما العربيات الاسبرنزا منتشرة هل ده معناه انها اعتمادية ؟ مع كامل احترامى للاسبرنزا طبعا .. لكن انا بتكلم فى الاعتمادية عن عربية بيتغير فيها البوجيهات كل 100 الف كيلو ,, قطع الغيار بتاعتها معمره ..
            اما بالنسبة لان اى حد يشتغل فيها فا بصراحة وجهه نظرى انى مش هدفع 180 الف وللا 190 الف عشان اروح اصلح العربية عند اى حد وللا اخلى اى حد يفتح العربية و يعيش .. اكيد مش هتعامل ولا هأتمن حد غير الوكيل .. و أخيرا اعاده البيع و بدون نقاش فى صالح التويوتا , لكن ده لو اثبت الموديل الجديد كفاءته زى اليابانى وليس الجنوب افريقي اللى نزل سعر اعاده بيعه جدا لمجرد عيب لم يظهر فى كل العربيات لكن خوف الناس و الكلام لوحده كافى انه ينزل سعر عربية فى الأرض..
            و زى ما وضحت فى الأول هيا كلها اراء و ربنا يقدر لكل منا الخير :)

            Comment


            • #36
              الكورولا ماعليهاش كلام ....بس عندي سؤال لما تبص للكبوت تحس انه عامل شكل راس سهم اول نقطه فيه علامه الكورولا وده هيعرض الكيوت للتاثر باي ترييحه عليه و ممكن ما يافلش ..ولا رايكوا ايه
              اللهم ارنا الحق حقا و ارزقنا اتباعه
              و ارنا الباطل باطلا وارزقنا اجتنابه

              Comment


              • #37
                سؤال لولبي ...

                هو بعد 4 او 5 شهور مثلاً السعرر ممكن يتغير ؟ ينزل مثلاً ؟؟؟
                [CENTER]اللهم أغفر وارحم وثبت من إشتاقت عيني لرؤيتها،ويدي لمصافحتها،واذني لسماع صوتها اللهم اجعل الجنة دار ومستقر لها.
                اللهم إرحم أمي رحمة واسعة وأسكنها فسيح جناتك
                [/CENTER]

                Comment


                • #38
                  اعتقد صعب السعر ينزل ...
                  هى فية حاجة في مصر سعرها بينزل الا الانسان
                  [SIGPIC]http://www.nilemotors.net/Nile/signaturepics/sigpic60964_2.gif[/SIGPIC]

                  Comment


                  • #39
                    انا لية رأي ممكن يكون مختلف ويمكن سببة اني متحيز للعربيات الاوروبي اكتر
                    طالما حضرتك خسرت في سعر العربية اللي فاتت فدة معناة انك هاتخسر في العربية دي لانهم الاتنين مش ياباني
                    ثانيا انا مش متصور ازاي هاتركب مثلا 3 او 4 عربيات نفس النوع ورا بعض دة شئ ممل جدا وخاصة انه مش مرسيدس مثلا انا اول ما بشتري عربية بفكر عالطول اية العربية الجاية لو العمر طال وكان فية بقية بشرط انها تكون حاجة مختلفة ولو اني للامانة كنت هاشتري بعد الاوكتافيا a4 كنت هاجيب الفانتزيا لاني مش لاقي بدائل في متوسط المبلغ اللي كان معاية وبعدين بعد تفكير كتير قررت اجيب بي ام علي الرغم انة تقدر تقول ان دة كان حلم مؤجل
                    بس فكرة العربية نفس الطعم دة شئ في غاية الملل ومش معناة ان العربية وحشة بالعكس الاوكتافيا انا رأيي فيه انها من اروع العربيات المناسبة لاجواء وشوارع مصر بس معني اني اركب فانتزيا مش هاحس اني غيرت
                    رابعا انا متحفظ علي شكل الكورولا الجديد لانة مسروق من الهوندا وتقدر تقول ان شكلها مش مستقل
                    خامسا انا اتفرجت كويس علي الكورولا وشوفت الامبريزا ورأيي انك تشوفها عربية ياباني و4 ويل. او تفكر في حاجة اوروبي يعني مثلا الفلونس واثبتت كفائة
                    وخاصة اني حاسس ان صاج التويوتا مش قوي واوعي تخاف من فكرة قطع الغيار انها غالية جدا دة مش مظبوط
                    انا من الاخر بقولك اطلع من الدايرة اللي انت حابس نفسك فيها
                    وسادسا خد رأي الناس اللي ركبت عربيات كتير ودة دائما بعملة علي الرغم اني ركبت عربيات كتير بس هاضربلك مثل
                    لو ان واحد كان راكب 128 وبعدين راكب دلوقتي اكسنت فاكيد لوسألتة علي الالنترا هايقول انها الافضل
                    انما سألت واحد ركب من اول السيات 128 واكسنت وكرولا وباسات ومرسيدس احساسة بالعربيات بيكون احسن وكون فكرة اكبر علي مدار تجربتة المتراكمة ويقدر يفيدك لاني ببساطة لو راكب كورولا 1996 فاهكون شايف ان 2013 هي الافضل ( ملحوظة دة ليس تقليل من اي من اراء الزملاء دة مجرد مثل )
                    وسابعا وهو اولا واخير الاستخارة للي فية الخير
                    واخير اتمني لك التوفيق
                    محمد حمزه



                    Uploaded with ImageShack.us
                    ما اعظم ان تكون غائبا حاضرا علي ان تكون حاضرا غائبا

                    Comment


                    • #40
                      حد عنده فكره عن الموضوع دا
                      تويوتا "كورولا" تفشل في اختبار للسلامة - CNNArabic.com

                      Comment


                      • #41
                        المشاركة الأصلية كتبت بواسطة د.عماد صلاح مشاهدة المشاركة
                        الكورولا ماعليهاش كلام ....بس عندي سؤال لما تبص للكبوت تحس انه عامل شكل راس سهم اول نقطه فيه علامه الكورولا وده هيعرض الكيوت للتاثر باي ترييحه عليه و ممكن ما يافلش ..ولا رايكوا ايه
                        د.عماد الكبوت فعلا شكله مدبب و ده متناسق وماشي جدا مع شكل العربية الامامي الهجومي وغير كده و ده الاهم بيديها انسيابية هايلة وتوزيع هايل للهواء من حوليها لضمان الثبات و استهلاك البنزين علي السرعات العالية, اما بالنسبة للتريحية في دي امر ربنا و انت و نصيبك بس عموما اى تريحة في العربيات الجديدة يعني سمكرى و ربنا يبعد مابينا و بينهم .

                        تقبل تحياتي
                        psycholain سابقا

                        Comment


                        • #42
                          المشاركة الأصلية كتبت بواسطة tefafathy1 مشاهدة المشاركة
                          أتفق معاك على ان الاوبل من اكثر السيارات اعتمادية فى العالم لكن مش الكورولا الجديدة لانها لسه لم تختبر فترة عشان يبان قوتها و اعتماديتها ..
                          لكن اختلف معاك فى ان الاعتمادية تقاس بالانتشار .. طب ما العربيات الاسبرنزا منتشرة هل ده معناه انها اعتمادية ؟ مع كامل احترامى للاسبرنزا طبعا .. لكن انا بتكلم فى الاعتمادية عن عربية بيتغير فيها البوجيهات كل 100 الف كيلو ,, قطع الغيار بتاعتها معمره ..
                          اما بالنسبة لان اى حد يشتغل فيها فا بصراحة وجهه نظرى انى مش هدفع 180 الف وللا 190 الف عشان اروح اصلح العربية عند اى حد وللا اخلى اى حد يفتح العربية و يعيش .. اكيد مش هتعامل ولا هأتمن حد غير الوكيل .. و أخيرا اعاده البيع و بدون نقاش فى صالح التويوتا , لكن ده لو اثبت الموديل الجديد كفاءته زى اليابانى وليس الجنوب افريقي اللى نزل سعر اعاده بيعه جدا لمجرد عيب لم يظهر فى كل العربيات لكن خوف الناس و الكلام لوحده كافى انه ينزل سعر عربية فى الأرض..
                          و زى ما وضحت فى الأول هيا كلها اراء و ربنا يقدر لكل منا الخير :)


                          طبعاً عندك حق ان الكورولا الجديدة لازم تمشي شويتين وانا عن نفسي كان نفسي انتظر لغاية شهر 6 - 2014 عشان اشوف السوق اكتر خصوصاً ان في عربيات كتير لسه اول سنه ليها زي الكورولا و الاوكتافيا الجديدة حتي الفلونس الفيس ليفت فيها تغيرات جامدة بس ظروف عربيتي خلتني لازم اغير خصوصاً انها كانت وصلت 193000 كيلو و لو كنت قعدت بيها شهر كمان كان زماني جبت 250000 عشان انا بسافر كتير شوية.
                          بس انا بتكلم علي موضوع الاعتمادية معتمد علي السمعة و تجاربي مع 3 عربيات كورولا قبل كدة و للعلم انا من النوع المحسوك شويتين و علي طول بعمل صيانة في التوكيل و خصوصاً عشان ضمان الفتيس ميروحش عليا بس غصب عني كنت ساعات بعمل صيانه بره و عند الميكانيكي كمان بس حاجات زي تغيير التيل و الطنابير لاكن العربية الحمد لله من 2008 عمرها ما احتاجت غير الحاجات العادية زيوت فلاتر وطنابير فين و فين و العربيه عامله 180000 علبه الدركسيون بدات تطقطق في المطبات و البوابه كانت بدات تعلق و كانت عايزة تتنضف اظن مفيش اعتمادية اكتر من كدة :) و للعلم برضه ان البوجيهات بتتغير كل 100000 كيلو يعني زي الالماني.
                          بالنسبه بقي للاعتماديه فهي عدة عوامل مش الانتشار بس طبعا يعني البي ام و المرسيدس مثلا المرسيدس اكثر اعتمادية و قطع غيار ارخص و بتعيش اكتر و سعر اعادة بيع اعلي دة مش معناة ان البي ام وحشة دة ينقطع لساني :) بس دي دماغ ودي دماغ تانية خالص بس البلد وظروفها الاقتصادية بيخلي الواحد يحاول يجيب حاجة Value for money وانا خصوصا بعد ما خسرت قريب من 40% من العربيه كنت لازم افكر كتير شويه وخصوصاً في اعادة البيع وهو دة اللي خلاني اعمل الموضوع لاني لما لبست الجنوب افريقي كانت اول دفعه يعني وش القفص ودة في العربيات مش كويس زي مشكلة ال DSG في الفولكس انا دلوقتي عمال اشوف الناس جوة و برة بيقولو ايه و ايه تقيمهم عشان احاول مغلطش نفس الغلطة.
                          بالنسبة للاسبرنزا فهي تعتبر اعتمادية للي قادر يشتريها و مش قادر يجيب حاجة احسن وربنا يرزق الجميع
                          الحمد لله
                          [SIGPIC][/SIGPIC]

                          Comment


                          • #43
                            المشاركة الأصلية كتبت بواسطة abdulrahman m مشاهدة المشاركة
                            سؤال لولبي ...

                            هو بعد 4 او 5 شهور مثلاً السعرر ممكن يتغير ؟ ينزل مثلاً ؟؟؟
                            في رأى الشخصي ان مفيش عربية نزلت بلدنا و سعرها قل حتي لوفشلت .هي بتقل عشان ده كان سعرها قبل الدولار ما يغلا و هو رخص.
                            ده بالعكس دايما السعر اللي بتنزل بيه العربية بيكون سعر مبدئ و استشعار لتقبل السوق للعربية وبعدها بكام شهر بيزييد و قيمة الزيادة و سرعتها حسب الطلب علي العربية وده طبعا لجشع التوكيلات و التجار .
                            للدولار طبعا تأثير علي السنة اللي فاتت و ده كان مخلي العربيات زيادة 15% الي 20% بدليل غبور عامل تخفيض دلوقتي علي الهيونداي موديل 2013 يصل الي 12000 جنيه.
                            فالزيادة هتكون معقولة مش زى السنة الللى فاتت و متوقع ان الفئة الثانية بالذات سعرها يتحرك من 5 الي 10 اللاف جنية وده بعد نقاش مع صديق لي في تويوتا اللي بيأكدلي ان الدفعة اللي بتتسلم مفيش ولا واحد لغي الحجز بتاعه و ان عليها حجوزات جامدة جدا فبالتالي لما السلعة عليها طلب جامد هيزودو سعرها, زى سمير ريان اللي بيبعها فورى ب 195000 جنيه و الناس بتشترى عادى.

                            تقبل تحياتي
                            psycholain سابقا

                            Comment


                            • #44
                              المشاركة الأصلية كتبت بواسطة iusef مشاهدة المشاركة
                              طبعاً عندك حق ان الكورولا الجديدة لازم تمشي شويتين وانا عن نفسي كان نفسي انتظر لغاية شهر 6 - 2014 عشان اشوف السوق اكتر خصوصاً ان في عربيات كتير لسه اول سنه ليها زي الكورولا و الاوكتافيا الجديدة حتي الفلونس الفيس ليفت فيها تغيرات جامدة بس ظروف عربيتي خلتني لازم اغير خصوصاً انها كانت وصلت 193000 كيلو و لو كنت قعدت بيها شهر كمان كان زماني جبت 250000 عشان انا بسافر كتير شوية.
                              بس انا بتكلم علي موضوع الاعتمادية معتمد علي السمعة و تجاربي مع 3 عربيات كورولا قبل كدة و للعلم انا من النوع المحسوك شويتين و علي طول بعمل صيانة في التوكيل و خصوصاً عشان ضمان الفتيس ميروحش عليا بس غصب عني كنت ساعات بعمل صيانه بره و عند الميكانيكي كمان بس حاجات زي تغيير التيل و الطنابير لاكن العربية الحمد لله من 2008 عمرها ما احتاجت غير الحاجات العادية زيوت فلاتر وطنابير فين و فين و العربيه عامله 180000 علبه الدركسيون بدات تطقطق في المطبات و البوابه كانت بدات تعلق و كانت عايزة تتنضف اظن مفيش اعتمادية اكتر من كدة :) و للعلم برضه ان البوجيهات بتتغير كل 100000 كيلو يعني زي الالماني.
                              بالنسبه بقي للاعتماديه فهي عدة عوامل مش الانتشار بس طبعا يعني البي ام و المرسيدس مثلا المرسيدس اكثر اعتمادية و قطع غيار ارخص و بتعيش اكتر و سعر اعادة بيع اعلي دة مش معناة ان البي ام وحشة دة ينقطع لساني :) بس دي دماغ ودي دماغ تانية خالص بس البلد وظروفها الاقتصادية بيخلي الواحد يحاول يجيب حاجة value for money وانا خصوصا بعد ما خسرت قريب من 40% من العربيه كنت لازم افكر كتير شويه وخصوصاً في اعادة البيع وهو دة اللي خلاني اعمل الموضوع لاني لما لبست الجنوب افريقي كانت اول دفعه يعني وش القفص ودة في العربيات مش كويس زي مشكلة ال dsg في الفولكس انا دلوقتي عمال اشوف الناس جوة و برة بيقولو ايه و ايه تقيمهم عشان احاول مغلطش نفس الغلطة.
                              بالنسبة للاسبرنزا فهي تعتبر اعتمادية للي قادر يشتريها و مش قادر يجيب حاجة احسن وربنا يرزق الجميع
                              تغيية التيل بره التوكيل دى حاجة عادية و بسيطة و لا تعتبر تعامل فى ميكانيكا العربية و اى حد من الشارع و الكلام اللى كنا بنتكلم عليه خالص.. اما بالنسبة للاعتمادية محدش يقدر يقول حاجة عن التويوتا عموما و اعتماديتها المشهورة بيها , لكن زى ما قولتلك قبل كده انا اللى قلقنى شوية منها انها تركى و شكلها و قفله الباب و الشنطة كنت حاسس بفرق بصراحة كبير بينها و بين بعض العربيات التانية..
                              و بصراحة انا متفق مع حمزة فى انك تركب نفس العربية حتى لو موديل بعدها مش هيحقق الأحساس بالأختلاف الكبير و انك غيرت بحاجة مختلفة اوى..
                              لكن هرجع و اقولك ان اقتناعك و حبك لعربية ده اهم حاجة لانك لو ركبت احسن عربية و انت مش بتحبها عمرك ما هتحس بيها , و إن شاء الله تكون الكورولا 2014 عند حسن ظن الناس بيها :)

                              Comment


                              • #45
                                المشاركة الأصلية كتبت بواسطة Mohammmed مشاهدة المشاركة
                                أ\ محمد
                                المضوع تم طرحه و نقاشه و يمكنك تفقده علي الرابط
                                psycholain سابقا

                                Comment

                                Working...
                                X