الياريس قفلت العداد يارجالة بالتكييف

[محمدايهاب]

السلام عليكم
انا مش هاكدبك بس انا هاقارن بعربيتي
انا معايا كرولا وكنت لوحدي والعربية رغم الهوا في ضهرها وشبه منزل ومع ذلك لم تتجاوز ال 185 كم اطلاقا
ولو الهواء في وشها مستحيل تكسر حاجز ال 180
الكلام ده بكل الحالات وتكييف ومن غير وقافل ازاز ومفيهاش حمولة

والعربية مفيهاش اي تعديل سوى تغيير الجنوط ل 15-195-60
وطقم بوجيها ايرديوم مالهومش تاثير تقريبا
الكرولا ال 2007 نفس موتور الياريس
فكنت بسال ازاي انت وصلت ل 200 الا لو كنت في منزل جامد
--------
ملحوظة
الكيار ريو 2006 كسرت بيها حاجز ال 195 بسهولة وكان لسه فيها تاني وكانت 1400 بس

لأ يا كريم مش أنت إلي تقول الكلام ده ده اليارس أخف بكتيييييييييييييييييييير من الكورولا و أنا شخصيا جبت باليارس 190 و قريبا ( من 3 أيام) سوقت الكورولا2007 وعملت بيها 300 كيلو و جبت بالعداد 170 و ما عرفتش أجيب أكتر
ملاحظة بالنسبة للثبات سيئ إلى حد ما في العربيتين بعد140

[محمدايهاب]

تصدق يا عم كريم و حازم أنا كتبت ردي ( والله ) بعد أما قرأت رد كريم مباشرة من غير أما أشوف الردود اللاحقة سبـــــــــــــــــــــــــــــــحان اللــــــــــــــــــــــــه

[Sharky]

أنا جبت بالياريس 185 تقريبا و انا مسافر فى طريق العلمين و كانت العربية فيها إتنين غير الشنطة مليانة شنطة

بالنسبة للكرولا أنا ليه واحد صاحبى معاه واحدة و تقريبا كسر 90 الف و أخرها 170 كم بالعافية و العربية 1300 مانيوال

بالنسبة للثبات الإتنين تقريبا واحد

[S H @ F T]

أنا برضه جبت بيها ال200 أكتر من مرة على طريق السخنة وكمان ثبت بيها فترة
وكنا 4 في العربية ومشغل التكييف
بالنسبة للثبات بعد ال160 تعبان
بعد ال180 ضايع
ودي صور واللي صورها صاحب العربية (صديقي) عشان مكانش مصدق وكان بيقولي انها مجابتش معاه أكتر من 185 قبل كدة
بس أنا سواقتي قرص عشان كدة عرفت أجيب ال200 بسهولة

[Sharky]

هى العربية دى مانيوال و لا أتوماتيك؟

[Karim_Monir]

الكرولا بعد ال 140 ثباتها زي الياريس بالظبط
وكاوتش الكرولا 14-70-185
اول ما جبتها نزلت غيرت الجنوط والكاوتش
15-60-195
بوصل ل 160 و 170 مرتاح
لكن الياريس بتنزل ب 15 فعلا وثباتها وحش على 14
ثبات الكرولا لغاية 160 زي الفل بكل حياد بعد الجنوط ال 15
يا ريت يا حازم او يا شاركي تيجو بالياريس يوم المقابلة ونشوف الثبات في الاتنين على الدائري
بس تكون ياريس مانيوال
بالنسبة للوزن انا معرفش وزن الياريس كام لكن اللي متاكد منه هو وزن الكرولا 1300 فاضية
990 كجم بدون اي كماليات
1165 اقصى وزن بالجميع الكماليات
الحمولة القصوى 1550 كجم
دي موجود عندي في البروشور وفي الكتالوج
وبعدين انا قولت في الاول انا مش هاكدب اللي قال انه وصل للسرعة 200
بس انا مستغرب
بس في الغالب اكيد في نسبة فاقد في توصيل عزم الموتور من الياريس عن الكرولا عشان كدة ده السبب

[Sharky]

أنا عربيتى أتوماتيك

طب ليه بقى الكرولا ثباتها أحسن من الياريس رغم إن الإتنين 15 و الكرولا أخف أو بنفس وزن الياريس ؟

[abo samra]

اعتقد الكورولا مش اخف من الياريس العكس والله اعلم

[2hmed_7osam]

وانا فى الاخر معترف ان المازدا ثباتها افضل من الياريس .. بس كل قصدى ان الفرق مش عملاق يعنى .... احنا بنتكلم عن عربيات اقتصادية وثباتها كويس لحد 160 170 180 ...
لكن الى يقولى 200 بقا وغرز وشد ...
امال الlamborghini عاملينها لية بقا

*لأ طبعا ربنا مايجيب خلاف بيننا

*ونا معاك ف ان العربيات بتاعتنا مش معمولة للكلام دا

*وزي ما في اخ هنا قال هيا بس بتكون حلاوة روح او سنة تهور بس مش اكتر

*لاكن 200 وغرز دي مش ميزة بالزات فمصر عشان شوارعنا حتى وطرق السفر البرية

*اللامبورجيني ودا موضوع تاني خالص انا هبقا اتطرقله فموضوع خاص بيها ف القسم اللي انا بتمنى من الادارة انها تعمله ف المنتدى
واللي اتقدمت بأنشاءه فقسم المقترحات

بعد تجربه شخصيه لها ان شاء الله
وهيبقا احلى تست درايف فالمنتدى كله

[Karim_Monir]

أنا عربيتى أتوماتيك

طب ليه بقى الكرولا ثباتها أحسن من الياريس رغم إن الإتنين 15 و الكرولا أخف أو بنفس وزن الياريس ؟

بيرجع لانظمة التعليق يا شاركي
وبعدين الحكم يوم المقابلة نشوف
لان امبارح كنت ماشي 170 على طريق مصر اسماعيلية واللي جنبي مش مصدق ان دي كرولا وماشية 170 ومصمم اننا 120 وانا عدادي بايظ
ها ها

اعتقد الكورولا مش اخف من الياريس العكس والله اعلم

وزن الكرولا بتاعتي 990 كجم
مفيش حد عارف يجيب وزن الياريس فاضية كام بالظبط من كاتلوج او بروشور

[Sharky]

Kerb Weight for Corolla 985 - 1185 Kg
Gross Vechile weight 1600Kg

Kerb Weight for Yaris 1000 - 1015 Kg
Gross Vechile weight 1500Kg

[tamagogo]

الكلام ده صحيح 100% انا كمان قفلت عداد الياريس 200 كيلو على طريق العين السخنه
وعلى فكره عربيتي اتوماتيك1300 بس التكلليف ماكانش شغال :)

[hazem_khidr]

يعني دلوقتي عندنا تلاته بيقولوا قفلوا العداد
و معانا كمان صوره اثبات
يبقي فعلا لما بودي قال انه قفل االعداد ما كدبش
انا راكب العربيه دي بقالها معايا 8 شهور و فعلا بتجري بطريقه غبيه.
الاتوماتيك غبيه شويه مش زي المانيوال
لكن انا جربت الكورولا الاتوماتيك و الياريس الاتوماتيك
لاء الياريس الاتوماتيك بتجري اسرع من الكورولا الاتوماتيك

[S H @ F T]

يعني دلوقتي عندنا تلاته بيقولوا قفلوا العداد
و معانا كمان صوره اثبات
يبقي فعلا لما بودي قال انه قفل االعداد ما كدبش
انا راكب العربيه دي بقالها معايا 8 شهور و فعلا بتجري بطريقه غبيه.
الاتوماتيك غبيه شويه مش زي المانيوال
لكن انا جربت الكورولا الاتوماتيك و الياريس الاتوماتيك
لاء الياريس الاتوماتيك بتجري اسرع من الكورولا الاتوماتيك

فعلا
أنا كمان مجرب الاتنين والياريس سحيها أحسن مع انهم نغس المكنة

[ahmad--ezzat]

هو حضرتك تقصد انهى تويوتا يا استاذ حازم؟