2013 وﻻ 2014

[gangsta6600]

السلام عليكم
يا جماعة انا محتار بين تويوتا 2013 و 2014!!!
بس كذا واحد قالى ان 2013 يابانى لكن 2014 تركى !!!
وكنت عايز اعرف الفرق بين الوكيل والخليجى فى موديل 2013!! وهل فى اكتر من لل2013 ؟؟
وجزاكم الله خيراااا

[iUsef]

في السوق دلوقتي نوعين 2013 نوع زي بتاع التوكيل في الاوبشن ونوع تاني فاضي خالص و دة بيعمل حوالي 158000 ل 165000 و اللي عالية شوية و الكاسيت بتعها العريض تعمل حوالي 178000 و الهاي لاين توصل 203000 طبعاً السعر دة غالي جداً بالنسبة ان سعرها كان 182000 ايام ما كان الدولار ب 7.2 و بعد كدة وصلت 185000 قبل التركي ما تنزل بس التجار اللي خزن و اللي بعت اشتري من الخليج و بيحولو يقنعو الناس ان دي احسن و دة بسبب ان التركي كمان مش موجودة ولسة مفيش منها كتير و الناس لسة مقيمتهاش, انا سئلت واحد من التجار قلي ان الوقت دة عامل زي البلونة يا التركي تعمل اسم كويس و ساعنها الياباني يرجع لسعرة الاصلي يعني خسارة حوالي 20000 او التركي لا قدر الله تفشل ويطلع فيها مشاكل و ساعتها الياباني هتبقي فعلا تستاهل سعرها
هو طبعاً حاجة محيرة بس لو انت مش مستعجل احجز التركي في التوكيل و عقبال ما هتستلم بعد شهر او اتنين هيكون في دفعه تانية نزلت و الناس ركبت العربية اكتر و تقدر تعرف تستاهل ولا لا... لان هي اللي حتحدد سوق الكورولا عموماً

[bassem.naguib]

مش عارف الناس مقلقة ليه من التقفيل التركي ؟! أنا شفت العربية على الطبيعة التقفيل بتاعها زي الفل ولا تقل جودة عن التقفيل الياباني .. ومش عاوزين ننسى أن عمليات التجميع خارج اليابان لازم تتم تحت إشراف الشركة الأم وتحت رقابة صارمة لأن ده اسم تجاري له سمعته مش لعبة .

معلومة على الماشي .. التقفيل التركي بيخش أوروبا كلها .. والكرولا 2014 في دول الخليج حتبقى تقفيل تايلندي على ما أعتقد مش ياباني برضه .. والنسخة اللي نازلة في دول أمريكا شكلها مختلف تماماً والنسخة اللي عندنا شكلها أحلى .

أما عن المشاكل التي واجهت الموديل المجمع في جنوب أفريقيا .. فالمشاكل فيه كانت بسبب تكنولوجيا الفتيس فقط وليس في التقفيل .

أما عن الأداء .. فأكيد صحاب العربية اتكلموا عنها كتير وبيشكروا فيها .. فيما عدا نقطة الارتفاع عن الأرض وحتى مش مسببة أزمة كبيرة .

وتذكر قبل أي شيء الاستخارة .. وإن شاء الله ربنا حيهديك للي فيه الخير ليك .

[gangsta6600]

اول مشكلة : التركى وانه لسه جديد ومش عارفين اذا كان هيثبت نفسه وﻻ ﻻ
ثانى مشكلة: انها واطية على الارض بارفتاع 12.5 Cm
هل فى مشاكل تانى؟؟؟؟؟
سؤال تانى ايه الفرق بين الوكيل و الخليجى لل2013 ؟؟؟

[gangsta6600]

في السوق دلوقتي نوعين 2013 نوع زي بتاع التوكيل في الاوبشن ونوع تاني فاضي خالص و دة بيعمل حوالي 158000 ل 165000 و اللي عالية شوية و الكاسيت بتعها العريض تعمل حوالي 178000 و الهاي لاين توصل 203000 طبعاً السعر دة غالي جداً بالنسبة ان سعرها كان 182000 ايام ما كان الدولار ب 7.2 و بعد كدة وصلت 185000 قبل التركي ما تنزل بس التجار اللي خزن و اللي بعت اشتري من الخليج و بيحولو يقنعو الناس ان دي احسن و دة بسبب ان التركي كمان مش موجودة ولسة مفيش منها كتير و الناس لسة مقيمتهاش, انا سئلت واحد من التجار قلي ان الوقت دة عامل زي البلونة يا التركي تعمل اسم كويس و ساعنها الياباني يرجع لسعرة الاصلي يعني خسارة حوالي 20000 او التركي لا قدر الله تفشل ويطلع فيها مشاكل و ساعتها الياباني هتبقي فعلا تستاهل سعرها
هو طبعاً حاجة محيرة بس لو انت مش مستعجل احجز التركي في التوكيل و عقبال ما هتستلم بعد شهر او اتنين هيكون في دفعه تانية نزلت و الناس ركبت العربية اكتر و تقدر تعرف تستاهل ولا لا... لان هي اللي حتحدد سوق الكورولا عموماً

معلش بعد اذنك هحتاج منك توضيح اكتر وانا اسف لو فيها تعب... ممكن اعرف الفرق بين المودلين يتوع الوكيل 2013؟؟
وممكن اعرف الفرق بين الوكيل والخليجى ؟؟؟؟ ومين الاحسسن؟

[iUsef]

معلش بعد اذنك هحتاج منك توضيح اكتر وانا اسف لو فيها تعب... ممكن اعرف الفرق بين المودلين يتوع الوكيل 2013؟؟
وممكن اعرف الفرق بين الوكيل والخليجى ؟؟؟؟ ومين الاحسسن؟

اولاً موديلات التوكيل...

الهاي لاين
جنوط سبور 16
سبويلر خلفي
فتحة سقف
راديو 6 سي دي و 6 سماعات
مرايات ضم
الكنبة الخلفية بتتقفل
فوج لايت
4 زجاج كهرباء
باور
2 ايرباج
الطبلوة في حليات سيلفر

البيز لاين
راديو سي دي و 4 سماعات
مرايات ضم
4 زجاج كهرباء
باور
2 ايرباج
طاسات عجل

موديلات الاستيراد

البيز لاين
راديو سي دي و 4 سماعات (شبة الكاسيت الاديم بتاع التسعينات الرفيع مش العريض اللي بياخد الطبلوه كله)
مرايات ضم
4 زجاج كهرباء
باور
2 ايرباج
طاسات عجل
شكل العدادات مختلف

الهاي لاين مشوفتهاش بس تقريباً نفس الهاي لاين بتاعت الوكيل
و خلي بالك لان السعودية نازل فيها اليباني و الامرات نازل فيها تايلاندي و عموما بيكتبو بلد الصنع علي قايم الباب الشمال

[gangsta6600]

اولاً موديلات التوكيل...

الهاي لاين
جنوط سبور 16
سبويلر خلفي
فتحة سقف
راديو 6 سي دي و 6 سماعات
مرايات ضم
الكنبة الخلفية بتتقفل
فوج لايت
4 زجاج كهرباء
باور
2 ايرباج
الطبلوة في حليات سيلفر

البيز لاين
راديو سي دي و 4 سماعات
مرايات ضم
4 زجاج كهرباء
باور
2 ايرباج
طاسات عجل

موديلات الاستيراد

البيز لاين
راديو سي دي و 4 سماعات (شبة الكاسيت الاديم بتاع التسعينات الرفيع مش العريض اللي بياخد الطبلوه كله)
مرايات ضم
4 زجاج كهرباء
باور
2 ايرباج
طاسات عجل
شكل العدادات مختلف

الهاي لاين مشوفتهاش بس تقريباً نفس الهاي لاين بتاعت الوكيل
و خلي بالك لان السعودية نازل فيها اليباني و الامرات نازل فيها تايلاندي و عموما بيكتبو بلد الصنع علي قايم الباب الشمال

طيبوالخليجى اعلى شوية ومصفحة من تحت وتكيف احسن وبوهيا احسن تتحمل اشعة الشمس
اوكيل فيه اى ميزة يشجعنى اجيبه؟؟
يعنى انت لو مكانى تجيب ايه؟ و معاك سعر الاتنين؟

[abofandy]

لو مكانك اجيب ال 2014 للكماليات الى فيها والشكل الجديد المختلف تمام في كل شيى
انما لو عايز في موديل 2013 فا كيد بدون تفكير هجيب الاستيراد الخليجى ( اليابانى ) لية ؟ لانها اثبتت كفاءه كتير وعن تجربة 2009 خليجى معانا من الزيرو حتى الان والحمد لله مفيش اى مشاكل

[sharkass]

بسم الله الرحمن الرحيم
ياباشا انا كنت بتفرج فى المعرض التجمع الخامس ( تويوتا ) كان فيه الشكلين القديم 2013 و الجديد 2014
القديم فى نظرى ممتاز جدا ولكن فقير فى كمالياته بخلاف ذلك فهو ممتاز و على القائم الشمال الخاص بالسواق مكتوب ( صنع فى اليابان وفقا للمواصفات الخليجية و السعودية للسيارات ) بمعنى انها خليجى يابانى و موجوده بالتوكيل نفسه وده من كام اسبوع .
و التركى ممتازة برضه بالمقارنه بإمكانياتها و كماليتها و شكلها الجديد بس لسه محدش استلمها كتتير علشان يعمل عنها تقرير مفصل ألا بعد 5000 كيلو على الاقل يكون كون فكرة كويسه عنها و بلغنا هل فيها عيوب ولا تمام .
استنى شوية حتى تتضح الصورة امام سيادتكم .

[Abdulrahman M]

متابع

[azahranm]

متابع

[S O P H O S]

لو اختار اكيد هفكر ف 2014

[mostafa magdy]

شفت ال 2014 خارجيا العربيه تحفه فنيه
داخليا العربيه فقيره جدا في تقفيلها من وجهه نظري المتواضعه
و ال ground clearance 12 سم قليل جدا ( مع إني شايفه مش عيب أوي ) بس مجربتش الحقيقه و الناس اللي جربته ساعتها قالتلي وحش جدا و هيضايقك في المطبات و لسه العربيه لم تختبر
جبت حاليا ال كورولا 2013 زيرو خليجي كويسه و تمام و كانت فاضيه و انا عدلت فيها عامله 1000 كيلو الوقتي و الحمد لله مليتها أوبشنز

,و روح للي إن مرتاح له لو مرتاح للجديده توكل علي الله
لو مش مرتاح هات القديمه

[Mohamed.Hany]

انا معايا 2013 و بعتها وحاجز 2014

[yassermahmmoud]

يا أخي الكريم عن تجربة حقيقية الكورولا 2013 ضيقة جدا في الكنبة الخلفية يعني لو رجعت الكرسي الامامي شوية صغيرة للخلف لا يستطيع احد ان يجلس في الكنبة الخلفية.