ليه كل الجدل علي الارتفاع كورولا 2014

[Hunting_Eagle]

اللي مش عاجباه العربيات القريبة من الارض يروح يشتريله بيجو 504 و يركب المطبات براحته و اهو يوفر فلوس بردو

او يروح يشتريله فورد f150 ويدفعله كذا 100 الف علشان ما يحكش في المطبات

ده احنا شعب غلبان

[dr.amr]

مانا قلت لك تصميم الباب والكابينة بتاعت ال C Class أقصر من الفانتازيا,
والأوكتافيا عالية عن الأرض دي حاجة وباينة أووي, وكمان الكابينة والباب أعلي من ال C Class
فادا مزود ال overall height في الاسكودا عن المرسيدس,,



يعني عندك المرسيدس أرتفاعها الكلي عن الأرض 1,447mm
والأوكتافيا أرتفاعها الكلي عن الأرض 1.462mm
طبعاً الفرق مش كبير,

ضيف عليهم بقي ال 3 ل 4 سم اللي الأوكتافيا أعلي فيهم عن الأرض من المرسيدس وعربيات تانية كتير,,
وتصميم الباب بتاع المرسيدس اللي مش كبير في طوله من أول المراية لحد أخرة زي طول باب الأوكتافيا,
دا هيخليه يعدي من تحت مراية الاوكتافيا في الأستخوبص كدا,,

الاوكتافيا من افضل العربيات اللي جمعت بين العلو عن الارض والقدره علي التحميل جواها والثبات الرائع
عربيه بعتبرها من الفلتات بصراحه

[dr.amr]

المشكله عندنا فعلا في المطبات
يعني اللي عايز ياخد فكره عن المطبات في مصر ياخد جوله صغيره في الدلتا
وها يشوف احلي جبال صناعيه اما م كل قريه
تجيب العربيه بالطول بالعرض مقصات تمشيها علي جنبها
لازم تحك وبببهدله من الاسفل

ليا قرايبي في المنوفيه ولما بروح هناك العربيه بيتعمل معاها احلي واجب

[abofandy]

بصوا يا جماعة
احنا لازم نتفق ونكون عرفين نقطة ان مفيش اى عربية موجودة كاااااااااااااااااااااااااااااامله
لازم كل عربية يبقى فيها عيب وان مظهرش العيب دلوقتى هيظهر بعدين
الكل اتكلم عن انخفاض العربية بعض الناس شايفه ان دى حاجة سيئة وتخلى العربية وحشة ومبقاش عايز اركبها وتوصل انه يستحقرها دى حاجة
الناس بتشوف ان دى حاجة كويسة لانها بتزيد ثبات العربية وانا شايف ان ثبات الكورولا زاد اوى في الموديل والى ركب كورولا قبل كدة وركب الجديدة هيعرف النقطة دى كويس

ناتى لمصر واحوال شوارعها
مصر مطباتها غريبة الشكل واللون والطعم والرائحة لاتتبع اى مقايس للامان او الجودة لانها منظومة فاشله وحرامية حتى في الاسفلت بتاع الطرق السريعة الى المفروض يبقى بدرجة معينة وقبل ماالطريق يتسلم بتلاقيه متكسر والمفروض اصلا الطريق دة بيكون معاه مدة لا تقل عن 5 او 10 او 15 سنه علشان يتعملوا صيانة انما احنا هنا استاذة قبل ما الطريق يتسلم اصلا بيقى بدا يتكسر فية وبيبقى فية نقر وفحر وخلافة
تيجى تسال عمو المهندس لية يا عمو .... دة كويس يا استاذ علشان العربيات متجريش ويحصل حوادث ... والله ياعم دة على اساس ان دى مناعة طبيعة مكتسبة تدخ دخ ام عفشة العربية فبالتالى غصبن عنك تمشى براحة ... يا راجل ... امال يا عم الحاج احنا بنخاف على صحتك بردة وسلامه عربيتك

النقطة التالته
مين قال ان المرسيدس مبتحكش في الارض
ارتفاع c 200 عالى العربية بتحك وانا ركبتها شخصيا وبتحك بس انت مبتصش انها بتحك او لا
العربيات دى مصممة على ثبات معين مينفعش اعلى العربية
وبعدين لو عايز عربية عالية ما تركب بقى عربية عالية كروس اوفر او غيره
ودى بس برضة موضوع معانا هنا في منتدنا بثبت ان العربية المرسيدس واطية في النوع الى انا ذكرته وقيس على كدة عربيات كتير محترمه

http://www.nilemotors.net/Nile/331284-c180-c200.html

الموضوع مش هتيجى تهمل كل مميزات العربية وتمسك في ان العربية واطية
ودة مش موضوع ان العربية معدية او بمدح فيها او ملهاش اغطاء ابقى انسان مش فاهم لو قولت كدة
بس العلو عن الارض مش ميزه ومش عيب
ونفس القصة انخفاض العربية عن الارض مش ميزة ومش عيب

الخلاصة
انا مش بدافع او بتحمك على العربية ومتقولش عليها كدة دة حبيبتى وروحى وقلبى وعقلى لالالا ابدا بس نبص للموضوع كمنظومة كامله قيم العربية بكل حاجة ما لها وما عليها

العربية منخفضة عن الارض دى مفيش فيها كلام
تحك او متحكش على حسب استخدامك ليها
ميزة العربية في الحته دى ان اليايات مبقتش تنضغط زى زمان في دة الى حد ما متقلقش اوى لو حملت فيها ( مساله تحك او لا على حسب المطب نفسة وعلى حسب انت اخدت المطب ازاى )


لا يوجد شى كامل الا الله
الكمال لله وحدة

ولكن احكم على المنظومة ككل
ان كانت المنظومة ككل مميزاتها اكبر من عيوبها فهي منظومة ناجحه
وان كانت المنظومه ككل عيوبها تفوق مميزتها فهى منظومة فاشله

وعندنا في الطب بيسموها معادلة .. والدكتور عمرو اكيد فاهم كلامى
وهى معادلة Cost-benefit ratio

[Silent~Dream]

مصر دايما ليها تفكير غير كل الناس فى شراء العربيات نحن نختلف عن الاخرين و المشكله عندنا فى الجبال المنحدره الى الاهالى بيعملوها عشان كده لما توطى عربيه يبقى ميزه بس فى مصر يبقى عيب :d ولما تنزل عربيه محترمه بسعر معقول يبقى عيب عشان ماركتها ....................... و عربيه زيها بس امكانيات اقل و سعر اعلى و سعر اعلى عشان ماركتها ......................

[hugan]

ليا قرايبي في المنوفيه ولما بروح هناك العربيه بيتعمل معاها احلي واجب :_alshmokh08[1]:

انا بعت عربيت القديمه بسبب واجب عزاء في المنوفيه
اشمون
من القناطر لاشمون
بهدله ما بعدها بهدله مع المطبات
ومعايا ناس وصف عربيات طويل رايحيين العزاء
ومش هاينفع اقول لحد انزل علشان المطبات

[BLOODY_STONE]

اكيد علو العربية مش السبب اللي ممكن يمنع الناس انها تشتريها

[M I D O]

المشكله عندنا فعلا في المطبات
يعني اللي عايز ياخد فكره عن المطبات في مصر ياخد جوله صغيره في الدلتا
وها يشوف احلي جبال صناعيه اما م كل قريه
تجيب العربيه بالطول بالعرض مقصات تمشيها علي جنبها
لازم تحك وبببهدله من الاسفل

ههههههههههههههه انت هتقلي انا من طنطا وعارف الكلام دة كويس والله عندنا في اول شار عنا مطبين ورا بعض تخيل الشاهين بتحك وهية طلعاة وخالي معاة 516 كان عمال يدعي يعدي من غير ميحك وجابها يمين شمال وفي الاخر اخد خبطة محترمة

[dr.amr]

ههههههههههههههه انت هتقلي انا من طنطا وعارف الكلام دة كويس والله عندنا في اول شار عنا مطبين ورا بعض تخيل الشاهين بتحك وهية طلعاة وخالي معاة 516 كان عمال يدعي يعدي من غير ميحك وجابها يمين شمال وفي الاخر اخد خبطة محترمة

ياللهوووووول الشاهين بتحك 111

[hugan]

ههههههههههههههه انت هتقلي انا من طنطا وعارف الكلام دة كويس والله عندنا في اول شار عنا مطبين ورا بعض تخيل الشاهين بتحك وهية طلعاة وخالي معاة 516 كان عمال يدعي يعدي من غير ميحك وجابها يمين شمال وفي الاخر اخد خبطة محترمة

طيب لما الشاهين بجبروتها في الارتفاع تحك في المطبات
العربيات المنخفضه تعمل ايه
تنتحر
انا كان معايا الشاهين كنت مركب ليها سوست 32 ومزود المساعدين عند الخراط
ولا عمرها حكت في مطب

[M I D O]

ياللهوووووول الشاهين بتحك 111

اة والله هههههههههههههههههه

[M I D O]

طيب لما الشاهين بجبروتها في الارتفاع تحك في المطبات
العربيات المنخفضه تعمل ايه
تنتحر
انا كان معايا الشاهين كنت مركب ليها سوست 32 ومزود المساعدين عند الخراط
ولا عمرها حكت في مطب

المشكلة عندنا مش في العربيات ولا المطبات .. مشكلتنا في المصمم العبقري الي بيصمم المطب بيعملة بحيث يكون زي الهرم يعني اي حد هيطلع فوقية هياخد خابور محترم

[khalid_adel]

انا مره بالامبريزا اتعلقت بمعني الكلمه علي مطب والاربع عجلات كانو عال هوا وبيلفو عالفاضي قمت سيبتها لحد مامالت لورا وجبت مارشدير ويافكيك :)

عملت كده بالظبط :)

[dr.amr]

انا مره بالامبريزا اتعلقت بمعني الكلمه علي مطب والاربع عجلات كانو عال هوا وبيلفو عالفاضي قمت سيبتها لحد مامالت لورا وجبت مارشدير ويافكيك :)

عملت كده بالظبط :)

طيب والعربيه اخبارها ايه

[hosammoner]

امال الهوندا ايه بقى يا رجالة بس عايز اقولكوا حاجة انا خدت مطبات بالهوندا دى مقولكوش بالهبل وبمشى فى طريق المنوفية بتاع القناطر ده كتير بتحك وتتخبط بس انزل بص بقى تحت العربيه ولا اى حاجة ولا اى تاثير هيا المشكلة ان سماع صوت الحكة او الخبطة هوا اللى مؤلم جدا