تركيب abs لسيارة كورولا خليجي 2010

[akamoshi]

السلام عليكم
حد عنده فكرة اذا كان ممكن أركب abs لعربيتي كورولا خليجي 2010
حتى لو في التوكيل وتكلفتها كام

يا ريت لو حد عنده معلومة يعرفني

[abofandy]

الموضوع مش بالسهوله الى حضرتك متخيلها
دة موضوع صعب جدا ومعقد لانه بيحتاج تغير كبير اوى في العربية
من حساسات وتركيب نظام الفرامل abs ودة بيحتاج يا المصنع الى صانع العربية هو الى بيعملها يااما شركه متخصصة في الحاجات دى هى الى تعملة

وفى الحاله الاولى /: لو كانت الشركه المصنعة للسياره فاكيد بتنزلها في فئات تانية في عربيتها لارضاء كل الاذواق وكل على حساب حالته السعرية

وفى الحاله الثانية / كنت سمعت بخصوص الشركات زى شركة بوش مثلا بتعملها بس سمعت رقم فلكى وطبعا العربية بتتفكك تمام وتكاليف تخليك انت تبيع عربيتك وتشترى عربية جديدة في نظام الفرامل abs


الخلاصة
من راى الشخصى المتواضع حتى لو كان فية شركه ممكن تعملها ليك بلاش تلعب في العربية فاحسنلك بيع العربية وهات عربية جديدة لان الفرامل دلوقتى بقت منظومة متكامله مش بس abs دة بقت منظومة فرامل مع نظام esp للثبات وتم تعديل الفرامل دلوقتى وبقى كمان فية نظام توزيع الكترونى للفرامل على ال4 عجلات ebd

بالنسبة للتوكيل ... كنت سالت مره قالى لا يافندم مفيش حاجة اسمها اركبلك abs لازم العربية تبقى نازله بيه لو مفيش في العربية يبقى خلاص .

اخر معلومة علشان اكون وفيت حق السوال وهى ان السعر الى سمعتة ييبدا من اول 7000 الى حوالى 15000 والله اعلى واعلم

[abofandy]

معلش للاطاله دة برضة موضوع كان معمول هنا في المنتدى
اقراه برضة ممكن يفيدك واسمع من اكتر من واحد علشان الموضوع يثبت وتكون فكره اكبر شمولية واوسع فكريا

http://www.nilemotors.net/Nile/115149-abs.html

[swimmer25]

هو فيه كورولا وخليجي و2010 ومفهاش abs ؟!

أنا معايا ياريس خليجي وموديل 2008 وفاضية كمان وفيها abs

إنت متأكد إن عربيتك مفيهاش ؟

[janagabr]

هو فيه كورولا وخليجي و2010 ومفهاش abs ؟!

أنا معايا ياريس خليجي وموديل 2008 وفاضية كمان وفيها abs

إنت متأكد إن عربيتك مفيهاش ؟

ههههههههه ازاي الكورولا منغير abs !!!!!!!!!!! اوعي يكونوا ضحكوا عليك وادوك فيرنا وقالولك ده كورولا

[abofandy]

ياجماعة لا مش لدرجة فيرنا ويقولوا عليها كورورلا يعنى
انا عارف انة على سبيل الضحك والفرفشة
ولكن

اعتقد من كلام الراجل ان بيتكلم على عربية تانية مش عربيته
يعنى بيسال هل ممكن اركب abs في عربية مفهاش الفرامل دى ممكن تبقى لعربية تانية لواحد صاحبة او عربية احد الاقراب لكن التويوتا بتنزل abs في عربيتها من اول فئة في اى موديل من زمان مش قريب يعنى

وكل سنة وانتم طيبين

[mostafa magdy]

أعتقد عربيه حضرتك ال 2010 فيها لأني فعلا ناس معاها القديمه الجنوب أفريقي و فيها abs \
و حاليا معايا ال 2013 هي هي تقريبا نفس المواصفات الخليجي و طبعا فيها abs
و أحسن رد مستحيل لو العربيه مفيهاش تركبه
بيعها فعلا و هات عربيه بفرامل ترضيك أحسن بكتير
و دمتم بخير

[swimmer25]

ياجماعة لا مش لدرجة فيرنا ويقولوا عليها كورورلا يعنى
انا عارف انة على سبيل الضحك والفرفشة
ولكن

اعتقد من كلام الراجل ان بيتكلم على عربية تانية مش عربيته
يعنى بيسال هل ممكن اركب abs في عربية مفهاش الفرامل دى ممكن تبقى لعربية تانية لواحد صاحبة او عربية احد الاقراب لكن التويوتا بتنزل abs في عربيتها من اول فئة في اى موديل من زمان مش قريب يعنى

وكل سنة وانتم طيبين

الكلام واضح ..هو بيسأل عن تركيب abs لكورولا 2010
الفكرة إن ممكن يكون عنده مشكلة في abs وهو فاكر إن مفيش abs أصلا فعشان كدا قلتله إتأكد وياخد العربية يكشف عليها
أسهل دليل إن الفرامل الخلفية بيكون داخلها سلك حساس abs واضح أوي من جوا ورا الطنابير
لو بص من تحت ورا العجلة من جوا وشاف السلك يبقي فيها abs وأكيد فيها مش ممكن مفهاش

[akamoshi]

جزاكم الله خيرا

أنا بقول هي مفيهاش abs لأن ملوش مؤشر في التابلوه زي الجنوب أفريقي وكمان لو عملتوا مقارنة على النت بين الإثنين هتلاقوا إن الخليجي2010 مفيهاش abs مقارنة بالجنوب أفريقي

[aliyosef]

جزاكم الله خيرا

أنا بقول هي مفيهاش abs لأن ملوش مؤشر في التابلوه زي الجنوب أفريقي وكمان لو عملتوا مقارنة على النت بين الإثنين هتلاقوا إن الخليجي2010 مفيهاش abs مقارنة بالجنوب أفريقي

ممكن تكون اللمبه محروقه مثلا
شوف تحت ماستر الفرامل فى صدر العربيه من الناحيه اليمين وانت واقف قدامها
فى جهاز داخل اليه وخارج منه مواسير صغيره ولا لا
لو اه يبقى عندك abs لو لا يبقى معندكش

[BLOODY_STONE]

كده وسعت يا جدعان هههههههههههههههه ما لو العربية مفيهش abs هو اكيد حيعرف مش للدرجة دي يعني هههههههه

عموما حضرتك لو العربية مفيهاش ABS مينفعش يركب لأن ده شغل مصانع ..