تسعير تيوتا كرولا موديل 86

[عمارمطر]

زملائى الاعزاء/ارجو من سيادتكم افادتى فى تسعير السياره لانى اسرعت فى بيعها وحتى الان مش عارف انا كدا بيعها كويس ولا رميها
السياره كرولا 86 فتيس اوتوماتيك تكييف سنتر زجاج كهرباء امامى وخلفى 1300سى
دى مواصفات السياره وطبعا ال هيفرق الشغل ال اتعمل فى العربيه ويميزها عن اى سياره فى نفس الموديل
سقطت مكنه تيوتا 1300 حديثه استيراد بالفتيس الاوتوماتيك بتاعها لان المكنه بتاعتها جايه خلصانه
تغير عفشه اماميه من كبالن جديده اصلى وجوز مساعدين باليايات وبيض تيش وطنابير وبلى امامى وتيل وغيره
وتسلم ايده الاسطى على فرامل صاحبى وحبيبى خلى الفرامل سحريه غيرلى المستر جاب واحد كبير وعدل نظام البساتم الخلفيه لان جلبه البستم كانت بتضرب بسرعه عدلها وجاب جلبه تانيه وركبها امام البستم مع التعديل طبعا
تغيير شكمان كامل بعلبه بيئه
طقم فرش جلد طبيعى اصلى /كنسوله ومخدع
السياره فبريكه دواخل واديتها حزام نضافه والباقى بويه بلاده جيده ولونها ابيض
تركيب طقم صوت بايونير/جهاز انزار
كوتش جديد وجنوط سبور جديده وبطاريه جديده
طقم زينون اصلى للنور
تركيب سقف بتاع لانسر الفايبر بدل السقف الجلد الساقط وعمل ارضيه جلد طبيعى واربع فروشه للابواب
التكييف يعمل بحاله ممتازه بدون اى سخونه
وطبعا فيه حجات تانيه مش فاكرها انما بكل صراحه انا كنت بمشى بالعربيه 160و170 وثبات ونعومه مفيش بعد كده
وتقريبا العربيه صرفت فى الشده دى حوالى 15000جنيه مع مراعاه انى كنت بصرف علشان اركب مش ابيع
وكنت جايب العربيه اصلا ب 26000جنيه بعد ازن حضراتكم ممكن تقيم سعر السياره مع مراعاه المصاريف والشغل ال اتعمل فيها

[eng.salama93]

طيب هو حضرتك بعتها بكام !!

[عمارمطر]

طيب هو حضرتك بعتها بكام !!

32000 جنيه

[eng.salama93]

لأ اعتقد السعر مناسب ان شاء الله

[saddam]

صديقي المواطن
شديد إحترامي لشخصك ده سعرها ومش حتجيب أكتر حتى لو كانت زيرو واللي إشتراها منك بصراحة غاويها ﻷن إخواتها من 22 ألف لغاية 30 ومتزعلش عالشد أنا عمري مفكرت أبيع عربية أتعب ساعة واحدة وأنا بشد بيها المهم إنت إتمتعت بالركوبة والشد والصح مكانش تبيعها أنا أحيانا بجيب عربية ب 8 آلاف وبصرف عليها أكثر من 60 ألف ويجيلك واحد يقلك تبيع ب 30 ألف وطبعا لتجنب هذه الشخصيات الكرتونية التي تسفه وتقلل من جهود الناس وتبخس الناس أشيائها قررت مفكرش أبيع أي عربية أتعب فيها نهائي إلا للشديد القوي وبعد متجيبلي ضعفين أو ثلاث أضعاف اللي صرفتو عليها غير كده أنا أتعب ليه وحد غيري ياخد شقايه عالفاضي
عامة الخير فيما إختاره الله وأنت بعت خلاص وكان لازم تختار عربية تستحمل تكاليف شد وتجيب ما صرف فيها وإختيارك لم يكن موفقا ولكنها عربية جيدة وحمالة أسية ومكانش فيه داعي تبيعها كانت حتفيدك
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

السعر كويس