تويوتا كورولا جديده 2013 أتمني حد يفيدني

[mostafa magdy]

أنا لسه جديد علي العربيه التويوتا
عملت صيانه الالف بره التوكيل
حطيت زيت شيل كنت متعود عليه من ايام العربيه السابقه ( أوكتافيا ) و كان بلا أي مشاكل تذكر
بعد ما عملته عملت في نفس اليوم فوانيس شبوره و زينون
لاحظت صوت بيعلي مع دوسه البنزين فقط
نويت أن شاء الله أوديها التوكيل
بس حد يقدر يفيدني برده بالموضوع ده ... و حتي لو روحت التوكيل هقولهم اللي حصل ده
حد عنده فكره إيه المتوقع ؟

و شكرا جزيلا مقدما

[AHMADALY1999]

الزيت مش السبب
السبب الشغل اللى اتعمل فى الضفيرة و الكهرباء عشان الشبورة و الزينون
غالبا لو روحتلهم التوكيل حيعتبروا العيب برا الضمان عشان انت عملت شغل يطلع العربية من الضمان

[mostafa magdy]

هي أصلا مش ضمان
حضرتك تقدر تفيدني أعمل ايه ؟

[Mohamed.Hany]

أنا لسه جديد علي العربيه التويوتا
عملت صيانه الالف بره التوكيل
حطيت زيت شيل كنت متعود عليه من ايام العربيه السابقه ( أوكتافيا ) و كان بلا أي مشاكل تذكر
بعد ما عملته عملت في نفس اليوم فوانيس شبوره و زينون
لاحظت صوت بيعلي مع دوسه البنزين فقط
نويت أن شاء الله أوديها التوكيل
بس حد يقدر يفيدني برده بالموضوع ده ... و حتي لو روحت التوكيل هقولهم اللي حصل ده
حد عنده فكره إيه المتوقع ؟

و شكرا جزيلا مقدما

مبروك يا باشا بس صيانة ال 1000 مجانية في التوكيل ، ليه عملتها برة?
ممكن توضيح اكتر عن الصوت عامل ازاي ثابت ولا عالى ولا واطى مع التكيف تفاصيل اكتر.
انا مركب زينون في التوكيل و مكانش فيه لعب في الضفيرة ﻷنهم بيركبو سوكيت يونيفرسال علي الضفيرة من غير ميقص ولا يلحم، عشان كده مش بتخرج مالضمان، هل دى نفس الحالة ولا هو قص و لحم ?

[Eng_hatemfathy]

اكيد العربية دى خليجى من غير ضمان
ونصيحتى افصل كل الاحمال الجديدة وشوف اخبار الصوت ايه وهل الدينامو بيتأثر بيها او البوبينة بتتأثر بيها ولا لأ

[mostafa magdy]

التوكيل بعيد عني ووقتي مسمحش الحقيقه و هي العربيه أصلا مش في الضمام ( خليجي )
الصوت بيعلي مع دوسه البنزين
لو دوسه خفيفه صوت خفيف ... دوسه تقيله صوت عالي ( بيتناسب طرديا ) مع التكييف يمكن أكون أفتكرت الوقتي بس أنه علي فعلا نسبيا برده مع التكييف ...

بس يا فندم ... أتمني الافاده

[mostafa magdy]

هو أدامي لا قص ولا لحم و لا حاجه و قالي مش محتاجه لعب
بس هو شغلي مكانش عاجبني الحقيقه يعني العربيه مبقتش زي الاول سلوك هنا و سلوك هناك و الشغل كان معظمه حول البطاريه و ما يتصل بها من أسلاك

[mostafa magdy]

اكيد العربية دى خليجى من غير ضمان
ونصيحتى افصل كل الاحمال الجديدة وشوف اخبار الصوت ايه وهل الدينامو بيتأثر بيها او البوبينة بتتأثر بيها ولا لأ

هو لو المشكله في الضفيره فعلا
ف انا لما ببقي ماشي و مش مشغل أي حاجه غير الموتور بس برده الصوت بيزيد مع البنزين و يقل مع البنزين برده
مع السلانسيه الصوت بيختفي تماما

[Mohamed.Hany]

بص حضرتك تشيل كل السلوك الجديدة اللي واصلها علي البطارية بكرر اللي عند البطارية مش الضفيرة. وطبعا تخلي السلكين الاساسيين اللي هما السالب و الموجب في مكانهم متشلهمش و بكدة تبقي فصلت كل الشغل بتاع الزينون و الفوجات و الضفيرة بس طبعا اعزلهم كويس بشكرتون، و جرب العربية انا متخيل ان الصوت هيروح بأذن الله

[M I D O]

للاسف كدة هتطلع برة ضمان الكهرباء و الزيت اعتقد ممكن يتغاضو عنة بس يا باشا هوة في حد بيعمل صيانة الالف برة التوكيل ؟؟؟ الناس كلها بتعملها في التوكيل عشان لو في عيوب ظهرت قبل صيانة ال 5 الاف او ال 10 الاف يشيلها التوكيل انما حضرتك كدة هتلبس نفسك في حيطة لو قابلك حاجة لاقدر الله

[mostafa magdy]

للاسف كدة هتطلع برة ضمان الكهرباء و الزيت اعتقد ممكن يتغاضو عنة بس يا باشا هوة في حد بيعمل صيانة الالف برة التوكيل ؟؟؟ الناس كلها بتعملها في التوكيل عشان لو في عيوب ظهرت قبل صيانة ال 5 الاف او ال 10 الاف يشيلها التوكيل انما حضرتك كدة هتلبس نفسك في حيطة لو قابلك حاجة لاقدر الله

هي بره الضمان اصلا أنا بحاول الاقي حل للي حصل

[د.عماد صلاح]

افصل كل الشغل اللي عملته و لاحظ الصوت لو اختفي ابدا رجع سلك سلك حتي يظهر الصوت تبقي وصلت للمشكله

[sonaeg]

افصل كل الشغل اللي عملته و لاحظ الصوت لو اختفي ابدا رجع سلك سلك حتي يظهر الصوت تبقي وصلت للمشكله

كﻻم صحيح جدا ..

ان شاء الله بسيطة وياريت حضرتك تعرفنا هو صوت تكتكة او مثﻻ حضرتك تقدر تحدد هوا ونة من الدينامو مثﻻ والحاجة شغالة ؟ ،،،

[sonaeg]

حضرتك اتاكد برده وبص عالموتور وحد يدوس بنزين يمكن تكون حاجة مفكوكة وﻻ حاجة لما الكهربائي اشتغل ،،،

[jojojojo]

العربيه ما شاء الله مش محتاجه لا زينون ولا غيره انا مش عارف ليه بنحب نلعب في العربيه وهي اصلا مش محتاجه اي لعب ومع احترامي لحضرتك يعني انت جايب عربيه باكتر من 180 الف ومش عارف تروح التوكيل تعمل صيانه الالف وتركب اللي انت عايزه عندهم ورايح لكهربائي بره يعملك الشغل وهوه اصلا اول مره يشوف العربيه وخاصه انها جديده علي السوق ولا قدر الله اي لعب في الكهرباء بالذات بيبقي مشاكله كتيره وخاصه انه بيعمل جهد علي الضفيره والدينامو والبطاريه ونصيحه مني شيل كل اللي حضرتك عملته وان شاء الله ترجع احسن من الاول وربنا يباركلك فيها