كرولا وصيانة ال 30 الف في تويتا العبور

[Karim_Monir]

السلام عليكم ورحمه الله
كنت كسرت حاجز ال 30 الف كم وانا في اجازة الصيف وكنت في مارينا ماكنتش طالبة توكيل وقرفة
غيرت زيت لاني بغير زيت شل الترا مش موبيل ومش هادخل في متاهة زيت مع حد حاليا
المهم حجز صيانة ال 30 اول امبارح تويتا العبور وانا كنت مغير زيت وفلتر وكمان عندي بوجيهات ايرديوم بتقعد 100 الف كم فميش داعي للبوجيهات
روحت الساعة 8:30 ومفيش غير 3 افراد في التوكيل
مهندس استقبال
عفشجي
فني غسيل
اه كمان بتاع الخزنة
استلمو العربية ونزلت الورشة وانا زوغت من الباب الخلفي ودخلت وراها
فضلت اشوف بيتعمل ايه اترفعت واترجلش الفرامل واتربطت العفشة وكشف على دورة التكييف
وشد فرامل اليد
غسلو العربية وخلاص وفضلت واقف معاهم لغاية ما خرجت الساعة 10
الحساب 134 جنية مش عارف ليه بس انا دفعتهم اتاوة عشان ماخرجش من الضمان
لان لو ماروحتش 3 مرات الصيانة العربية تسقط ضمان
فانا ماروحتش ال 20 وال 25
الحمد لله العربية زي الفل وامسكو الخشب بس طبعا اكصدماتها بقت شوارع وكلها تجاريح وصاجها الضعيف كل ماواحد يحط ايدة تعلم فيها
بس غير كدة مازالت هيا الكرولا
كل سنة وانتم طيبين
-----------------------
ملحوظة عن الياريس:
اثناء تواجدي بالتوكيل لفت نظري كمية سيارت مخبوطة وخاصة ياريس غير عادية
كتير فعلا قوي
المفاجاءة بقى جوة
ارضية الورشة مليانة ياريس وفاتحين كبوت وفكين عجل
بسال العفشجي ايه يابني كل ده
قاللي اصل الياريس فعلا فيها مشكلة في الدبرياج
ايه هيا طيب فهمني
المشكلة ان الدبرياج بتاعها كهرباء
والناس مش واخدة عليه وهيا زيها زي الافنسيس
المشكلة ان الناس وخاصة السواقين الجدد بيريحو رجلهم عليه
في الدبرياج العادي المشكلة بتبقى بسيطة
لكن في الدبرياج الكهرباء ولانه حساس جدا لاي ضغطة فبيفصل حركة الموتور عن الالات الجر فعلا
والناس تدوس بنزين اكتر ويحسو بضعف العربية
والمشكلة في رجلهم انهم لسه مش واخدين على التكنلوجي الجديدة
وبيقوللي عشان كدة ما ظهرتش المشكلة خالص في الاتوماتيك
حبيت اننقلكم وجهة نظر الراجل الفني
وكل سنة وانتم طيبين
كان معكم كريم منير
من تويتا العبور

[Nile_Storm]

ايه الحكايه
كهربو الباور و قلنا ماشي
كهربو الدبرياج كمااااان
ناقص يكهربونا احنا كمان

مبروك صيانه ال 30 و عقبال ال 1000000000 الف كيلو

شكرا لمراسل المنتدي :) :) :)

[Karim_Monir]

الله يبارك فيك يا محمد
وعقبال ما تجيب سوناتا ولا ازيرا

فعلا ساعات التكنلوجي الزيادة بتكون عواقبها وخيمة
خاصة في بلد زي بلدنا
ما زال بلية بتا عاي مسمار زيادة مالوش لازمه هو صاحب الكلمة الاعلى

[Sharky]

و لو الأفنسيس كانت إنتشرت كنت حتلاقي برضه كتير منها فى نفس وضع الياريس

الحمد لله عربيتى أتوماتيك

[mokhtar]

عقبال صيانه ال999999كم وتكون بنفس الحاله ان شاء الله



..mokhtar..

[HISHAM80]

Mabroooooooooooooo 32bal 10000000000000KM

[Karim_Monir]

شكرا استاذ مختار واستاذ هشام
وبعد المليون نسقط المكنة 1800 سبعة غيار ب 220 حصان

[hazem_khidr]

الف مبروك يا كيمو
و عقبال ال 3 مليوون يا رب:)
بس غريبه حكايه الدبرياج الكهربا دي
انا اسمع ان كان في دفعه فيها عيب في اسطوانه الدبرياج
و كانت بتروح التوكيل تتغير ببلاش
انما دبرياج كهربا اول مره اسمعها
طب هو بيعمل ايه الدبرياج الكهربا؟؟ماهو هيدروليك زي ما هو؟؟
بالعكس دبرياجها تقيل مش خفيف؟؟
عموما ربنا يطمنك:)

[Nader]

عقبال ما تعمل صيانة ال30000 للبي ام ان شاء الله:)


على فكرة السبب الرئيسي في بوظان اي اسطوانة دبرياج

هو ان الناس في الاشارات بتكسل تمور وتعشق تاني كل شوية

لا تلاقي الواحد معشق اول ودايس دبرياج ربع ساعة نص ساعة

هو ونصيبة ... اقصد هو واشارتة!