كورولا ٢٠١٣

[Medomedoz]

استهلاك بنزين عالى فى كورولا حوالى ١٤ لتر لكل ١٠٠ كم ..فهل ده طبيعى ..مع انها لسه مقطعتش غير ٣٨٠٠ كم ..والسواقه جوه البلد وقليل على الطريق

[occullt]

لا مش طبيعى ... المتوسط لكورولا 2012 و 2013 7 لتر لكل 100 كم ... روح التوكيل يبصولك عليها بصه

[abofandy]

فعلا مش طبيعى
اتصل وواستفسر من التوكيل او اى حد منهم يبص بصة عليها

[saddam]

صديقي المواطن
اﻹستهلاك عندك غير مقبول
ولحد 8 لتر بالتكييف مقبول غير كده فهناك خلل مش وطني عندك وغالبا بسيط إنسداد فلتر هواء أو حساس ممكن يعمل معاك كده وبالتوفيق وإلى اﻷمام ومن نصر إلى نصر
ودمتم للنضال

[Medomedoz]

الف شكر ليكم يا جماعه ..بس العربيه لسه زيرو مكملتش حتى ٤٠٠٠ كم ..والرقم ده الرقم اللى بيظهر على الشاشه اللى فى التابلوه :d

[Mohamed.Hany]

الف شكر ليكم يا جماعه ..بس العربيه لسه زيرو مكملتش حتى ٤٠٠٠ كم ..والرقم ده الرقم اللى بيظهر على الشاشه اللى فى التابلوه :d

لأ ياباشا خد بالك الرقم اللي مكتوب علي الشاشة ده متوسط استهلاك حضرتك من اول ما العربية مشيت حتي يومنا هذا.
بمعني لوحضرتك مشييت معظم الوقت علي طريق طوالي المتوسط هيقل و لو معظم وقتك في الزحمة و ماشي علي طول علي الاول الاستهلاك هزيد.
الكمبيوتر بقي بيحسب متوسط كل اللي حضرتك مشيتة و هيظهرهولك.
و أثبتلك بحاجتين:
1. دوس علي الزرار اللي في التابلوه و اختار متوسط سرعتك , هتتصدم من الرقم لانه مش هيعدى 40 او 50 كم في الساعة و ده يثبت انه المتوسط من ساعة ممشيت.
2.دوس علي الزرار اللي في التابلوه تاني و اختار انه يظهر الاستهلاك الحالي, هتلاقي ده الرقم الصح. يعني حضرتك تسوق العربية علي طريق سريع و تمشي علي سرعة 100 او 120 و تشوف الرقم اللي بيطلع كام.
انا عندى في كورولا 2011 بيبقى مبين 6 ال 8 حسب الحمل و التكييف.
تحياتي

[Medomedoz]

لأ ياباشا خد بالك الرقم اللي مكتوب علي الشاشة ده متوسط استهلاك حضرتك من اول ما العربية مشيت حتي يومنا هذا.
بمعني لوحضرتك مشييت معظم الوقت علي طريق طوالي المتوسط هيقل و لو معظم وقتك في الزحمة و ماشي علي طول علي الاول الاستهلاك هزيد.
الكمبيوتر بقي بيحسب متوسط كل اللي حضرتك مشيتة و هيظهرهولك.
و أثبتلك بحاجتين:
1. دوس علي الزرار اللي في التابلوه و اختار متوسط سرعتك , هتتصدم من الرقم لانه مش هيعدى 40 او 50 كم في الساعة و ده يثبت انه المتوسط من ساعة ممشيت.
2.دوس علي الزرار اللي في التابلوه تاني و اختار انه يظهر الاستهلاك الحالي, هتلاقي ده الرقم الصح. يعني حضرتك تسوق العربية علي طريق سريع و تمشي علي سرعة 100 او 120 و تشوف الرقم اللي بيطلع كام.
انا عندى في كورولا 2011 بيبقى مبين 6 ال 8 حسب الحمل و التكييف.
تحياتي

تمام كلام حضرتك مظبوط ..انا روحت قصراوى طنطا وقال نفس الكلام ده ونصحنى انى ..افول واطلع مشوار ..وارجع افول تانى واشوف هتاخد كام لتر ..ف هجرب كده ان شاء الله واشوف عشان لو مش كده هيبص على عوامه البنزين والرشاشات ..و١٠٠٠ شكر ليكم :d

[Medomedoz]

و انا بصفر العدادات دى كل شويه وبرضو بيطلع نفس الرقم ..يعنى اول ما نزلت من البيت رايحلهم قمت مصفر العداد ..وكانت الدنيا زحمه جامد ف لقيت العداد ده وصل لحد ١٩ لتر .