اشترى كورولا بالتقسيط و لا اجيب سيراتو اول فئة كاش

[saikoproff]

بسم الله الرحمن الرحيم
السلام عليكم يا جماعة دا اول مشاركة ليا هنا انا محتار جدا . انا معايا اول من اخر 144 الف جنيه و كنت ناوى اشترى كاش فا كان ادامى سيراتو اوتوماتيك اول فئة او اجيب اكسنت هاى لاين بس بعد ما شوفت التويوتا كورولا 2014 تفكيرى اتحول 180 درجة و قررت ادفع اللى معايا مقدم و اقسط الباقى (30 الف لانى ناوى على اول فئة اوتوماتيك. عشان موجودة فى التوكيل و مش قادر استنى من غير عربية) فأيه رأيكم اتكل على الله و ا خلص التويوتا و لا اجيب سيراتو هو حتى النترا كاش اول فئة طبعا.

ملحوظة: انا كنت باتجنب القسط عشان البنوك و الفوائد و كده فلو حد يعرف مكان قسط مباشر يبقا جزاه الله خيرا

[abofandy]

راى المتواضع :
الكورولا اول فئة اوتو
موجودة حاليا جميع الالوان .. هتحل مشكلة انك مش قادر تقعد من غير عربية
سيارة اعتمادية .. اعادة بيعها كويس .. اسم كبير يعشقة كل المصريين .. شكل جديد ثورى

العيب
مبلغها اكبر من الى معاك بس ممكن تقسط الباقى اعتقد في تويوتا فيه المصرف العربى تقريبا ولو كان عند حضرتك وديعة او كدة هتبقى كويسة جدا لانهم بيدوا 8 في المية على الوديعة فممكن تحط المبلغ دة عندهم وديعة بس معرفش اية النظام او الشروط انت ممكن تستفسر منهم احسن وهيفدوك عنى

[Honda_lover]

من رآيي المتواضع خليك في حاجة علي قد فلوسك وبلاش قسط انا عن نفسي مبحبش الحرام ومحبش ابيع اخرتي عشان دنيتي

[Dr . Mohamed]

من رآيي المتواضع خليك في حاجة علي قد فلوسك وبلاش قسط انا عن نفسي مبحبش الحرام ومحبش ابيع اخرتي عشان دنيتي

بارك الله فيك

نفس الكلام اللى كنت هقوله

السيراتو مش وحشة على فكرة دى عربية ممتازة الناس بس بتتهبل بالكورولا كماركة مش أكتر انما السيراتو فخامة و موتورها قوى جدا منافس للكورولا والثبات رائع و استهلاك الوقود ممتاز

و فوق دا كله سيراتو حلال احسن من كورولا بطريقة جايز تكون حرام

فيه نظام اسمه المرابحة الاسلاميه للسيارات ممكن تسأل عليه الشيوخ تاخد رأيهم و الله أعلم

[عصام غنايم]

ولو قدرت تذود شويه وتجيب سيراتو تانى فئه كاش تبقى فزت

وان شاء الله مش هتندم

[saikoproff]

بارك الله فيك

نفس الكلام اللى كنت هقوله

السيراتو مش وحشة على فكرة دى عربية ممتازة الناس بس بتتهبل بالكورولا كماركة مش أكتر انما السيراتو فخامة و موتورها قوى جدا منافس للكورولا والثبات رائع و استهلاك الوقود ممتاز

و فوق دا كله سيراتو حلال احسن من كورولا بطريقة جايز تكون حرام

فيه نظام اسمه المرابحة الاسلاميه للسيارات ممكن تسأل عليه الشيوخ تاخد رأيهم و الله أعلم

ربتا يخليكوا يا جماعة انا اساسا مش ناوى اتعامل مع بنوك و الواحد مش عايز يبتدى الموضو ع بحاجة حرام انا هحاول اسأل على نظام المرابحة او ادور على حد بيقسط قسط مباشر (لو استقريت على الكورولا)

[M I D O]

في رايي حرام تجيب سيراتو اول فئة بالمبلغ دة ومفيهاش وسائل امان الافضل تجيب بيجو 301 هاي لاين ب 136 واوروبي ومليانة وسائل امان

[ENGRIRI]

يا باشا طبعا خليك ف الكورولا
وفية شركة تقسيط اسلامى تبع عبد اللطيف جميل اسمها المباشر

[عمر محمد مؤمن]

تريوس 2014 ولا كورولا 2014
نريوس إرتفاع علشان المطبات و7 راكب
وكورولا مش عايزه كلام الشكل الجديد بس واطي شوية من الأرض والمطبات وما أدراك مالمطبات

[yassermahmmoud]

يا عزيزي طبعاً الكورولا بدون تفكير سيبك من السيراتو اللي بعد سنة ونصف تبدأ تتفكك، خليك في الكورولا سيارة محترمة وإعادة البيع زي الفل وقيادة رائعة ومش هتندم أبداً.

[Mohamed.Hany]

ربتا يخليكوا يا جماعة انا اساسا مش ناوى اتعامل مع بنوك و الواحد مش عايز يبتدى الموضو ع بحاجة حرام انا هحاول اسأل على نظام المرابحة او ادور على حد بيقسط قسط مباشر (لو استقريت على الكورولا)

اخي الكريم القرض من البنك حرام لانه ربا. و لكن يوجد نظام جديد في كل البنوك حاليا البنك بيشتريلك العربية و بيقسطهالك و ده مش ربا و مش حرام لااه بيكون اشتراها و بيبعلك سلعة بالتقسيط بسعر اعلي و انت ارتضيت السعر ده عشان بالتقسيط.
انا افضا الكورولا حتي لو اول فئة لو هقارن بسيراتو او النترا.
و ربنا يوفقك

[john55]

كورولا والمبلغ الباقي مش كتير اوي

[iUsef]

يا باشا طبعا خليك ف الكورولا
وفية شركة تقسيط اسلامى تبع عبد اللطيف جميل اسمها المباشر

ايوه في شركة مباشر تقسيط اسلامي و من غير ربا... ٨٪ في السنه

[Honda_lover]

ايوه في شركة مباشر تقسيط اسلامي و من غير ربا... ٨٪ في السنه

ههههههههه اسلامي ازاي يا استاذي الفاضل امال ال 8% الفايدة دول ايه حلاوة العربية اي حاجة في الدنيا ذكر فيها كلمة فايدة فهي ربا و حرام حتي ولو كانت 1% حرام برضو ونظام انه يمتلك العربية الاول وبعدين يبعهالك حرام برضو وتحايل عالدين لانه بيمضيك الاول وبياخد فلوس وبعدين بيشتريها ويبعهالك الحلال انه لو اشتراها من غير مياخد منك اي مبلغ واقتناها وبعدين حضرتك اشترتها او لا انت حر بس يضمنك الاول وبعدين يبعهالك لا كل شئ اخذ بسيف الحياء فهو حرااام شرعا

[iUsef]

ههههههههه اسلامي ازاي يا استاذي الفاضل امال ال 8% الفايدة دول ايه حلاوة العربية اي حاجة في الدنيا ذكر فيها كلمة فايدة فهي ربا و حرام حتي ولو كانت 1% حرام برضو ونظام انه يمتلك العربية الاول وبعدين يبعهالك حرام برضو وتحايل عالدين لانه بيمضيك الاول وبياخد فلوس وبعدين بيشتريها ويبعهالك الحلال انه لو اشتراها من غير مياخد منك اي مبلغ واقتناها وبعدين حضرتك اشترتها او لا انت حر بس يضمنك الاول وبعدين يبعهالك لا كل شئ اخذ بسيف الحياء فهو حرااام شرعا

يا أستاذي الفاضل الكلام مفهوش حاجه تضحك ثانيا ومين قالك انه مبيعلش كده؟؟؟! أنا مقسط معاهم وهما بس يياخدو ١٥٠ جنيه استعلام وبعد كده لو أتأكد من ورقك بيشتري هو العربيه ويتملكها ويبعهالك تاني وبيكتب السعر الكلي بما فيها الزيادة ( الفائدة) وده البيع الحلال وانت ممكن تتأكد بنفسك وتكلمهم وفي موضيع كتير أوي في المنتدي في نفس الموضوع ياريت نتأكد قبل ما نتكلم ونحلل ونحرم بمازجنا وعلي العموم ياريت نرجع لدار الإفتاء أظن هي دي المرجع لأني مش شيخ
الفتاوى - البيع بالتقسيط