تقرير مفصل بالصور لأستلام كورولا 2014 الجزء الأول (يتبع)

[Mohamed.Hany]

بسم الله الرحمن الرحيم

التقرير ده انا جمعته لكم بالتفصيل و الصور عشان تحس انك راكب العربية وقاعد جواها وتقدر تشوف كل حاجة بعينك و تحكم بنفسك. التقرير فيه اكتر من 50 صورة و المنتدى يسمح فقط ب 30 فقسمتة الي جزئين فيرجى مراجعة الجزء الثاني تقرير مفصل بالصور لأستلام كورولا 2014 الجزء الثاني
العربية الفئة الثانية لون برونزى.
بالنسبة للتفاصيل الاساسية و مواصفات وامكانيات العربية ممكن تراجع http://www.nilemotors.net/Nile/380276-2014.html

طبعا كلكم عارفين شكل العربية من برا, هبدا بالنيكل كروم اللي موجود في الشبكة الامامية و حوالين زجاج الابواب و الفوجات والشنطة الخلفية. مع التحفظ علي ان النيكل كروم اللي في الشبكة الامامية تثبيته مش قد كدة يعني لو عيل غلس قعد يلعب فيه ممكن يخرجه من مكانه. بس للاحتياط هلزقة بأيبوكسي عشان لو اتشال شكل العربية هيبقي وحش جدا خصوصا ان رسمته مكملة مع شكل الفوانيس الامامية.اسيبكو مع الصور :









بالنسبة للانسيابية فالشكل واضح بس انا مصورلكم حاجات صغيرة للانسيابية مش واضحة زي الجزء البارز اللي فوق المراية و الجزئين البارزين في جانب الفانوس الخلفي.





اوعي حد عند الاستلام يتخلي عن حتة البلاستيكة اللي في الباب دى لانها بتحمى الباب في القفل و الفتح و دى من الحاجات اللي استلمتها مع العربية.



ده الموتور و الحبشتكنات اللي في الكبوت



و من الحاجات اللي طمنتني في الامان للعربية ان المسافة من الشبكة الامامية لبداية الموتور 46 سم ما شاء الله مسافة ممتازة جدا لاقدر الله لوفيه حادثة.



الباركينج سنسور الامامي و الجانبي



و ده شكله في التابلوه و انا بركن مبين المسافات في الامامي و الخلفي و الجانبي مع صوت زمارة بتعلي سرعتها مع اقتراب المسافة و ليها زرار منفصل لتشغيله و ايقافيه بجانب السبورت مود و حامل الكبايات.



ده شكل الريموت مفتاح سكينة بيجى منه نسختين بالتحكم عن بعد وشكله شيك جدا و علية علامة تويوتا من الخلف و نسخة تالتة مفتاح فقط, و باين فيه زرار فتح الشنطة بضغطة واحدة.



ده الاستبن نفس المقاس طبعا و الجنط الاصلي كعادة تويوتا مش زى شركات تانية تحطلك مقاس صغير اقصي سرعته 60 كم/س



يختلف الشكل ده عن اللي قبله 3 حاجات انهم زودو كفر بلاستيك للمفصلة او الحامل اللي بيفتح الشنطة و دى صورته



حطو شماعة صغيرة علي اليمين لو عاوز تعلق اي حاجة



عملو زراع عشان تقفل الشنطة



الكنبة الخلفية بتتني تلت و تلتين وديه صورتها



الشنطة 450 لتر بدون تني الكنبة, وده شكلها لما تنيت الشنطة وباين كمان شنطة العدة اللي جاية مع العربية , شايفين الوسع ما شاء الله



طول الشنطة من ضهر الكنبة الي بداية الشنطة 107 سم



و بالعرض 149 سم



وده مكان الكوريك علي اليمين و ليه كافر بلاستيك مكانه ممتاز مش تحت الجنط



لمبة الاستوب



تقدر تقفل و تفتح الايرباج التاني بالمفتاح من خلف الباب الامامي يمين



قفل الاطفال في الباب الخلفي



ضغط الهواء في الاطارات وهي باردة 33 لو سرعتك اقل من 160 كم و محمل 5 افراد بالشنط و 38 لو اعلي من 160 كم و محمل 5 افراد بالشنط كما هو موضح علي القايم
انا عن نفسي هعملها علي 32 او 30



ضبط ارتفاع الكرسي فوق و تحت و تعديل ميل الضهر.



اماكن التخزين المتعددة جدا
النضارة



درج تخزيني صغير علي الشمال

[Mohamed Bander]

الف مبروك و الف شكر على الصور وربنا يديك خيرها و يكفيك شرها

[lanos2004]

مبروك

[abofandy]

انت مش مممكن
فظييييييييييع
تسلم الايادى وعدت فوفيت
ربنا يباركلك فيها

[Mohamed.Hany]

الف مبروك و الف شكر على الصور وربنا يديك خيرها و يكفيك شرها

الله يبارك فيك و متشكر قوي علي كلامك

[Mohamed.Hany]

انت مش مممكن
فظييييييييييع
تسلم الايادى وعدت فوفيت
ربنا يباركلك فيها

شكرا يا دكترة ، اهو شوية صور كدة يهونو علي الناس اللي حاجزة

[sas5]

الف مبروك و الف شكر على الصور وربنا يديك خيرها و يكفيك شرها

[Abdulrahman M]

ما شاء الله تسلم :)

[S O P H O S]

ما شاء الله جميلة
ربنا يبارك