أخوكم في الغربة عايز نصيحة من اخوانو بالنسبة للكورولا

[الدكتور محمد]

السلام عليكم .. انا محمد المصري.. بس انا دلوئتي بالاردن .. عايز اجيب تويوتا كورولا 2013 .. انا معرفش كتير فيها بس الاغلب نصحوني بيها .. شفت وحدة ماتورها 1800 سي سي .. وارد دبي .. المشكلة بئا انهم بيئولولي انها تايواني مش ياباني !!

دلوئتي انا الي عايز اعرفه هي مصنوعة في تايوان ولا متجمعة بس ؟؟ وكمان بتنصحوا بيها ولا فيها عيوب عن الياباني ؟؟

يا ريت بئا يا جماعة تساعدوني انا غلبت هنا وما لئتش اجابة ؟؟ هو في فرق بين التويوتا الياباني والتايواني ؟؟؟



بالمناسبة السيارة سعرها كويس هنا ولونها اسود

[iUsef]

التيواني تقفيل بس مش تصنيع ومفيش فروق تقريباً بين العربيتين وللعلم 2014 اللي هتنزل في الخليج تايواني مفيش يباني خالص فتوكل علي الله وربنا يباركلك فيها ان شاء الله

[الدكتور محمد]

التيواني تقفيل بس مش تصنيع ومفيش فروق تقريباً بين العربيتين وللعلم 2014 اللي هتنزل في الخليج تايواني مفيش يباني خالص فتوكل علي الله وربنا يباركلك فيها ان شاء الله

انت سكرة .. تسلم يا غالي الف شكر

[dr_alone133]

لو انت ناوى تنزل بيها مصر
هات 1600 سى سى بلاش 1800 علشان الجمارك

[M.ABDOU]

السلام عليكم .. انا محمد المصري.. بس انا دلوئتي بالاردن .. عايز اجيب تويوتا كورولا 2013 .. انا معرفش كتير فيها بس الاغلب نصحوني بيها .. شفت وحدة ماتورها 1800 سي سي .. وارد دبي .. المشكلة بئا انهم بيئولولي انها تايواني مش ياباني !!

دلوئتي انا الي عايز اعرفه هي مصنوعة في تايوان ولا متجمعة بس ؟؟ وكمان بتنصحوا بيها ولا فيها عيوب عن الياباني ؟؟

يا ريت بئا يا جماعة تساعدوني انا غلبت هنا وما لئتش اجابة ؟؟ هو في فرق بين التويوتا الياباني والتايواني ؟؟؟



بالمناسبة السيارة سعرها كويس هنا ولونها اسود

لو السياره حتكون خطتك ليها انك تستعملها فى الغربه بس فأن شاء الله تكون عربيه كويسه لان تايوانى التقفيل بس وكمان تقفيل جيد جدا جدا جداااا

لكن لو حاطط فى المستقبل تنزل بيها مصر اصرف نظر عنها وشوف حاجه 1600 سى سى لان جمارك العربيه 1800 غاليه جداااااااااااا

[الدكتور محمد]

لو انت ناوى تنزل بيها مصر
هات 1600 سى سى بلاش 1800 علشان الجمارك

ميرسي اوي يا برنس

[الدكتور محمد]

لو السياره حتكون خطتك ليها انك تستعملها فى الغربه بس فأن شاء الله تكون عربيه كويسه لان تايوانى التقفيل بس وكمان تقفيل جيد جدا جدا جداااا

لكن لو حاطط فى المستقبل تنزل بيها مصر اصرف نظر عنها وشوف حاجه 1600 سى سى لان جمارك العربيه 1800 غاليه جداااااااااااا

والله حاستعملها هناك بس ومش حنزل بيها مصر .. والف شكر يا غالي

[elgohary10]

بلاضافه الى ماذكره الاخوه الافاضل فلوحاتنزل بها مصر شرط انك تكون المالك الاول فى سنه الصنع

[Batman372]

عن تجربه فى ال١٦٠٠ مو ٢٠١٣ بدبى لمده ٣ شهور ... عربيه فعلا ممتازه و استهلاك بنزين مقبول ....
فاكيد ال ١٨٠٠ حتكون اكتر من ممتازه كقوه موتور ...
تحياتى ...

[Y a r i s]

هيا نقطة صغيرة كده. سمعت كتير في الخليج بيشتكوا من ال ١٨٠٠ بعدم توفر كل قطع غياروا والكلام ده في السعودية ... لان المنتشر اكتر ال ١٦٠٠ بس مش عارف الكلام ده هينطبق على الاردن ولا لأ ... عامةً كده او كدة. انشاء الله وبئزنك يارب اذا الكورولا مع اجواء الاردن مش هتحتاج غير تيل فرامل وفلتر زيت وطقم بوجيهات وصلى الله وبارك بسم الله مشاء الله عليها ... وريح العربية اهم حاجة في المطالع الجبلية والمنازل وسقط لها الغيار المناسب وباذن الله. هتعيش معاك وبالتوفيق .

[S O P H O S]

هيا نقطة صغيرة كده. سمعت كتير في الخليج بيشتكوا من ال ١٨٠٠ بعدم توفر كل قطع غياروا والكلام ده في السعودية ... لان المنتشر اكتر ال ١٦٠٠ بس مش عارف الكلام ده هينطبق على الاردن ولا لأ ... عامةً كده او كدة. إن شاء الله وبئزنك يارب اذا الكورولا مع اجواء الاردن مش هتحتاج غير تيل فرامل وفلتر زيت وطقم بوجيهات وصلى الله وبارك بسم الله مشاء الله عليها ... وريح العربية اهم حاجة في المطالع الجبلية والمنازل وسقط لها الغيار المناسب وباذن الله. هتعيش معاك وبالتوفيق .

ياريت يجي مصر 1800 حتي لو في نقص فقطع الغيار
تخيل يا عمدة كورولا 1800 هنا لا اعتقد حد هيشوفها فالطريق