نظام abs فى الياريس

[نصر حسين]

السلام عليكم
انا لسة مشترى سيارة تويوتا ياريس 2008 من اسبوعين بس مافيش فى لوحة العدادات اى اشارة خاصة بنطام abs مع ان المفروض ان العربية كاملة
معنى كدة ان النظام ده مش موجود ولا ايه ؟

[iBiZa]

ايوه, الABS فى اليارس زى كل العربيات, اول ما تفتح كونتاكت بيعمل check عليه و تظهر علامه الABS ثوانى و تفصل.

اليارس اللى معايا مانبوال بس فيها ABS و على حسب ما عرفت مش كل اليارس فيهم.

[iBiZa]

و هو ده مكانها:

[نصر حسين]

طيب انا اللمبة دى مش بتنور عندى ازاى اقدر اعرف ان كانت مش موجودة من الاصل ولا موجودة بس فى عيب عندى ؟

[iBiZa]

كده يبقى 99% معندكش.

التجربه عشان تعرف فيه abs ولا لأ هو انك تمشى على 30 او 40 فى حته فيها رمل و تقف على الفرامل جامد, لو زحفت يبقى مافيهاش لو حسيت بدبدبه فى الدواسه و العربيه مزحفتش يبقى فيها.